MARIAM BATUANG Liburan alah tibo Libur panjang namono Takana jaman katiko mudo Liburan panjang di bulan puaso Baitu puaso tibo Sibuklah para anak mudo Mancari kasibukan sapanjang libur puaso Indak paduli tantang guno Mainan khas dibulan puaso Mariam batuang namono Mariam di buek dari batuang tuo Di lubangi bantuak parian tuo Lupo-lupo ingek caro mambuekno Rasono ado lubang ketek dakek pangkano Didalam mariam kain buruak jo minyak tanah isino Lubang ketek cako tampek api disulo Mariam batuang dibuek minimal duo Tabek Gadang pamisah kaduo no Nan ciek madok kasinan, nan di sinan madok kasiko Kan lai tabayang bara hebatno Mariam malatuih indak kiro-kiro Saliang baganti kaduono Paliang lasuah di malam buto Api manyalo di muncuangno Sangkek itu urang mudo Laki padusi samo sajo Main mariam basamo-samo Padusi panontonno, sasakali buliah mancubo Kadang rang gaek tabik rabo Katiko wakatu sumbayang tibo Mariam batuang malatuih juo Sesolah urang dibuekno Dek mariam manyeso bunyino Ditalingo rang tuo-tuo Muncullah larangan untuak rang mudo Main mariam dibulan puaso Kini umua alah tuo Bayangan main mariam sangkek mudo Basorak sorak basamo-samo Indak bisa ilang dipalupuak mato Bengkulu, 21 Juni 2009 Hanifah Damanhuri NB. Tulisan ini buat bapak Masrur Sidik … jangan nangis ya pak
--~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---