Dibantu mangarek an..... _____
From: Chairul Djamal [mailto:[EMAIL PROTECTED] Sent: 19 Juli 2008 16:13 Sanak di Palanta Ass wr wb Iyo sambuah urang Tabiang disiko, dek karano amak jo abak ambo urang Tabiang tantu ambo jadi urang Tabiang Juo. Gaek ambo rumahnyo di Jalan Baru namonyo, jalan nan dibuek dek Japang,masuek indak jaueh dari Pabrik roti PT Asia Dulu alun adoh PT Asia, dibalakang tu batang manggih, dakek batang manggih tu rumah gaek ambo. Nan ambo sandiri tingga di Tabiang tu indak lamo doh, karano dibao jo gaek pindah-pindah maikuti rel kareta api, karano baliau tu karajo nyo di DKA, pernah jadi angku sep di Padang, Pulau Aie, Tabiang, acok juo wakie ka Duku, Pasa Usang, kalau pai wakie ambo salalu dibaok dek Papa dan lalok diateh meja stasiun tu. Tahun &ç(- pindah ka Taluak Bayua jadi angku sep juo, tahun 1958 wakatu taluek bayua dikosongkan karano ka parang PRRI, ambo ikuik pulo mangungsi sampai ka Padang Panjang, tingga diateh garobak barang kereta api tu. Sasudah kareta api buliah jalan baliek gaek ambo pindah ka Pariaman jadi KS, sudah tu pindah lo Ka Sawah Lunto, pindah lo Ka Stasiun Padang, Ka Bukik Tinggi, baliak lo ka Taluak Bayua dan sabalun pansiun nyo jadi IKL A di Kantua KE. Ambo tingga di Tabiang Tahun 1955, sudah tu Tahun 1966 - 1968, wakatu Papa ambo di Bukik Tinggi ambo indak ikuik, karano sakola di SMA 2 Puruih, naik sapeda dari Tabiang ka Puruih, tiok hari lalu di Bandara Tabiang tu, tapi alun sarami nan balakangan ko. Nan manjadi kenangan bana dek ambo, wakatu ambo pulang dari Jakarta naik Mandala, wakatu mandarat di Tabiang dek karano baliang2 nyo idak baputa lai nan sabalah suok kaduo nyo, iyo mandarat darurat di Tabiang, wakatu roda kapatabang mancacah landasan pacah ban nyo kasado nyo, tingga velg nyo dan bagosok jo landasan, barapi rapi kalua, dan wakatu baranti di ujuang landasan, lah tibo oto pamadam kabakaran siap menyemprot, tapi untuang lai indak ado nan luko, panumpang diturunkan diujung landasan tu, iyo cameh sadonyo nan diateh Pesawat tu sabalun mandarat lah ratik sadonyo panumpang, dek diagieh tahu dek pilot supayo siap2 akan mendarat darurat tu. Papa jo Ibu ambo dan sadoalahe urang nan manjapuik di Bandara lah batangisan mancaliek pesawat barapi-rapi tu wakatu mandarat dan di ikuti dibalakang nyo dek Pamadam Kabaklaran jo Ambulance sampai kaujuang landasan sampai pesawat baranti, dan penumpang diturunkan lewat pintu darurat maluncua turun kabawah. Iyo pengalaman itu nan indak dapek ambo lupo kan di Bandara Tabiang. Wass wr wb CD Rajosampono (59+ nompang di France) 2008/7/17 Tanjuang Heri <[EMAIL PROTECTED]>: Ruponyo kito samo sa TK awak mah sanak Hifni, di ujung landasan nan masuak dari pos jaga AURI. tapi alun pernah maalami latihan parang di landasan wakatu tu. Kapalo sakola io Bu Ros nan gapuak, barambuik kariting klo ndak salah. Wakatu tu, masih acok pai ka RRI padang jo kelas untuk maisi acara anak² TK, kalau wisata ka Taman Nirwana jo Taman Melati. Kenangan maso ketek. Ambo hanyo satahun se di TK, sudah di SD 1 Tabing muko Stasiun. Palo sakolanyo pak Aweh. Tiok pagi di stasiun tabiang ado mak itam baranti, ambo acok juo bali pisang manih dari amai nan manjua pisang di mak itam tu. --------CUT------- --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
