Assalammu'alaikum wr. wb sabalumnyo awak minta maaf nan sagadang-gadangnyo jikok ado kato2 awak nan salah dalam panulisan e-mail ko, Sasudah gampo kapatang ko kadatangan kakek awak dari Bukiktinggi, liau bacarito kajadian gampo nan sapanjang pangalaman iduiknyo alun pernah dirasokan sakuek itu lai. Sampai lalok di lapangan heler sampiang rumah liau baru sakali tu nan dicubo baru. Adopun sasudah bacarito ttg gampo tu, liau pun rusuah dan sampai kalua kecek liau basonyo di areal taman Jam Gadang tu lah punco bancano nan tajadi dan akan tajadi. Baa sampai batiu kek ( awak tanyoan ), jawab liau : Baa ka indak tajadi bancano dek ang puloh, bayangan se lah diang, taman jam gadang tu lah jadi tampek nan indak batua lai. Kalau lah malam ari, banyak urang duduak baduo-duo sampai laruik malam, apo karajo kalau indak babuek masum disinan tu. Untuang2 ditembak patuih pulolah Jam Gadang tu supayo indak ado juo urang nan bapole-2 babuek doso disitu lai. Astaghfirullah.. kalau iyo baitu kaadaan di Jam Gadang kini ko adonyo baitupun ditampek2 wisata nan lain, indak katacangang urang di rantau kalau bancano manimpo di ranah minang doh. Nilai adat katimuran sarato ugamo lah mulai luntur dikalangan nan mudo2, dan awak sabagai urang nan masih mudo maimbau pihak nan takaik supayo hal sarupo nan dikecekkan kakek awak tu supayo capek ditanggulangi. Wassalam C. Saidi Khatib 30th labiah 7 bulan Duri - Riau
--------------------------------- Need Mail bonding? Go to the Yahoo! Mail Q&A for great tips from Yahoo! Answers users. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
