Assalamualaikum WW
Maaf ambo mancubo sharing saketek, mungkin nan takana dek ambo ko bamanfaat kaawak basamo. Manyatukan urang rantau? Iko juo suatu karajo nan barek, dek awak sering mamuloi pikiran jo raso curiga, raso sak wasangka. Dimalah datangno awako sering mandahulukan perasaan nan banuansa negative untuak kemajuanko. Apo dek karano awakko sangaik hati-hati? dek talalu hati-hati nantun bisa-bisa karajo indak jadi dijalankan. Kalau diambo nan paralu iyo bajalan samo malangkah, bakato sailia samudiak, kabukik samo mandaki kalurah samo manurun. Untuak itu iyo paralu bakumpua urang nan sabaun. Urang nan mampunyoi tujuan nan samo dan samo-samo namuah manuju tujuan nantun. Untuak itu, sabalun malangkah manyatukan urang awakko, mako saharuno awak tantukan dulu "tujuan" (ado nan manyabuikno "mimpi"). Manga wak bakumpua, apo tujuan awak bakumpua nantun. Misano MPKAS bakumpua adolah untuak manyalamatkan aset KA nan gadang di Sumbar, kudian tujuan maju manjadi mambuek KA bisa bajalan, KA bisa bajalan jo salah satuno jo wisata. Jadi jo tujuan nantun akan takumpua urang nan namuah samo bakarajo manuju tujuan. Bisa takumpua urang nan sabaun cako, apo lai kalau bisa takumpua urang nan samo gilono untuak mancapai tujuan cako. Pobilo tujuan alah jaleh, mako paralu komitmen untuak mancapaino. Jikok komitmen alah dicapai mako, apo sajo nan diparalukan untuak mancapai tujuan harus dikarajokan, apo sajo nan indak manopang tujuan harus indak dikarajokan. Kalau dapek tujuanko jaleh dan bisa di ditail, sahinggo pencapaianno bisa terukur. Kini pertannyaan, untuak apo awak bakumpua, untuak apo awak manyatukan urang awak? Kalau alah jaleh untuang rugino, mako jaleh pulo sia nan namuah ikuik. Kini apo tujuan nan rancak? Apo nan tatulih di milistko sabalunno "Minangkabau nan bergengsi". Atau mungkin "urang rantau nan didanga" atau mungkin "Urang Rantau nan kuiak" dst. Wassalam WW St.P Awak = kita = urang pertama jamak. _____ From: RantauNet@googlegroups.com [mailto:[EMAIL PROTECTED] On Behalf Of benni inayatullah Sent: Friday, March 23, 2007 9:58 AM Bapak Saaf non bosa botuah.. ================dikuduang==================== Ide untuak monyatukan urang rantau tolobiah dulu ancak bona tih pak. Dan iko lah kito mulai jo mombontuak MPKAS jo MAPPAS nantinyo. Karano untuak masuak ka urusan pemerintahan kito ndak bisa kueik socaro individu dan paliang efektif memang dalam bontuak orgnaisasi masyarakaik mode itu. Baiak sobagai kumpulan ponokan ataupun somacam konsultan. ================dikuduang==================== Salam Ben Saafroedin BAHAR <[EMAIL PROTECTED]> wrote: Waalaikumsalam Ananda Benni, ================dikuduang==================== Kalau memang alun mungkin untuk mampasatukan Minangkabau sacaro manyaluruah, nan maliputi Ranah jo Rantau, kito mulailah jo mampasatukan urang Rantau talabiah dahulu, sacaro didesentralisasikan. Tantangannyo adolah baa bantuak organisasi jo sistem manajemennyo, sahinggo kudian indak bacarai barai dek talongsong jauah bana pandesentralisasian tu. Wassalam, Saafroedin Bahar --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
