Wakatu bajalan juo musim baraliah tahun batuka tahuid makin bajunjuang siar islam batambah tarang kini tampak lah harminosasi antara agamo dengan syarak dengan kahadiran agamo urang minangkabau mandapek kawan sapajalanan salangkah babimbiangan tangan, sabaliaknyo islam bagadang hati mandaoek tanah tumbuahnyo ajaran islam tampek managakkan agama Allah, ibarat aua tumbuah dilerang awak inggok taguah mancakam, urek mancakam tanah tabiang malundungi aia mahampeh, akan tetapi dominasi ajaran islam alun lah baurek di masayarakat, kok bajalan maagak-agak malangkah marusuk-rusuak banyak timbangan toleransi nampan mananai minyak tatumpah dek panuah, komposisi antaro adat jo syarak baparo-paro alun bisa bakato ciek sadangkan hak musti bisa disabuik walaupun pahit mangatokan, namun alhamdulillah eksistensi islam diakui hilang kacurigaan habih salah sangko malah adat maraso gamang kok syarak maninggakan, Simuncak mati tarambau Parak mambao ladiang Luko lah pao kaduanyo Adat jo syarak di minangkabau Sarupo aua jo tabiang Sanda basanda kaduonyo Dunsanak pandanga, sacaro palahan tapi pasti ajaran islam marevisi ajaran adat nan batantangan jo syariah islam, budaya manyambuang apo sajo nan batentangan jo aturan syarak mulai bakurang dari bajudi ilmu hitam, umpamo gayuang samu sijundai, tinggam piriang gasiang tangkurak, pakasiah, ilmu mudo sacaro baranso di habiahkan. Pendeknyo sagalo syirik di basmi tauhid di pataguah. Para dukun pun di tata, kato-kato om sebagai pujian bagi dewa-dewa di tuka dengan bismillah barakaik nan dari Allah.
--------------------------------- Be a better Heartthrob. Get better relationship answers from someone who knows. Yahoo! Answers - Check it out. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---