Assalaamu'alaikum wa rahmatullaahi wa barakaatuhu Kristenisasi, Caro-caro kasa urang Kristen, Jumlah urang (tadaftar) Islam Sabagai urang Islam nan mangarati jo usaho urang Kristen nak mamesongan akidah umaik Islam, awak harus mamasang kudo-kudo katiko mareka mambuek apo sajo kagiatan baiak sacaro haluih atau sacaro batarang-tarang.
Sabagian dari awak bareaksi kareh manulak rencana pambangunan rumah sakik Siloam di Padang, dek khawatir iko akan manjadi alaik dek urang Kristen malaluan karajono, dimuloi jo caro haluih, sudah itu biko baansua-ansua ka disasuaianno jo kondisi dari samaso ka samaso. Reaksi sarupo iko alah dilakukan dek urang-urang tuo awak di akhir tahun 60an, awal tahun 70an katiko urang Kristen baniaik ka mambuek rumah sakik Baptis di Kiktinggi. Alhamdulillah maso itu rencana ko lai dapek dipintehi. Indak jadi mareka mambuek rumah sakik, bahkan sajak katiko itu muloi ‘awak’ mampunyoi rumah sakik Islam Yarsi, sasuai jo nan dianjurkan dek pak Natsir. Caro-caro urang Kristen nak mamurtadkan urang Islam di Indonesia, tamasuak di nagari awak alah ‘hambun karam’ alias mambabi buto, mampagunoan sagalo caro. Awak panah mandanga ado proyek hamilisasi taradok anak-anak gadih urang Islam, proyek maracuni anak-anak mudo awak jo narkoba sasudah itu ditolong maubek-i, tarakhir digiriang masuak Kristen. Ado nan jo hipnotis, dipamainkan pikiran urang jo sihia, sainggo urang manyanyi-nyanyi caro Kristen. Di nagari awak sasudah kajadian gampo tahun 2009, ado nan datang ka kampuang-kampuang nak manjua galehno jo banyanyi-nyanyi tu. Nan agak aluih pado itu adolah jo caro sumbangan supermi, bareh atau beasiswa untuak anak-anak urang miskin. Ado pulo taktik icak-icak masuak Islam untuak kawin jo anak gadih urang Islam. Sasudah resmi jadi laki bini, alah baranak pulo, tibo-tibo diputano haluan, baliakno baagamo Kristen sudah tu dipasono bini jo anak-anakno masuak Kristen. Di lingkuangan tampek bakarajo ambo mangenal banyak contoh sarupo iko. Namun ado juo nan kandas. Nan jadi sabana Islam sudah itu, baiak nan laki-laki (tadino Kristen) atau padusi, masuak Islam. Jadi contohno agak baneka. Disinanlah arati kaji, kalau Allah bakahandak, dapek hidayah sajo urang nan tadino kapia. Kalau nan ka dipabiyaan sasek dek Allah, tu mah, murtad mareka, kalua dari agamo Islam. Niaik nak mangkristenkan urang Indonesia ko alah sangaik lamo mareka rancang. Katiko ambo sakola SMP tahun 1966, ado datang kakak-kakak anggota PII ka sakola kami manyampai-an paringatan, dek kakak-kakak ko mandapek barito baa bana usao urang Kristen nak mangkristenkan Indonesia dalam 50 tahun sadangkan Jawa cukuik dalam tempo 10 tahun sajo. Di taun 60an, ambo panah mandapek-i sabuah rumah dakek rumah sakik umum Kiktenggi nan dijadian pusek usaho nak mangkristenkan urang ko. Rumah tu diagiah bamerek Sitawa Sidingin, disadioan banyak buku-buku di sinan, disadioan meja pingpong jo reket sarato bola. Sia sajo silahkan datang untuak main-main kian. Di rak buku jo di meja talatak banyak buku-buku ketek Kristen. Ado nan sarupo buku komik jo gambar-gambar. Isino kasadoanno adolah tantang agamo Kristen mareka tu. Sasudah itulah mareka bausaho nak mambuek rumah sakik Baptis di Kiktenggi. Tapi basyukur awak kapado Allah, nan usaho mareka ko Alhamdulillah iyo lai indak banyak asia no do. Indak ado tadanga babondong-bondong urang awak masuak Kristen. Di Jawa , di tampek mareka mungkin labiah laluaso, indak juo tadanga sampai babondong-bondong urang masuak Kristen do. Dan tanyato, 50 tahun sajak 1966, di taun 2006 urang Islam tatap masih banyak, masih dominan di Indonesia. Manuruik data sensus resmi pamarintah taun 2010, komposisi umaik baagamo (Islam, Kristen, Katholik) di Indonesia adolah; Islam = 207 176 162 urang (87.2%), Kristen = 16 528 513 urang (6.96%), Katholik = 6 907 879 urang (2.91%). Apo aratino? Memang sarupo itu juo pabandiangan komposisi pamaluak agamo tu sajak saisuak. Kalaupun ado parubahan mungkin indak gadang bana do. Urang nan bukan Islam di Indonesia ko sajak saisuak alah ado juo di Batak sabanyak 2% dari panduduak Indonesia (sarupo itu juo sampai kini). Di Bali 1.5% dari panduduak Indonesia nan tingga di sinan baagamo Hindu, alah sarupo itu juo sajak saisuak. Di Nusa Tenggara Timur 1.8%, di Kalimantan Barat 0.6%. Di Sulawesi Utara 0.8%, di Sulawesi Selatan (Toraja), 0.3%. Di Maluku jo di Irian 1.5%. Lalu ado Cino antaro 3 sampai 4 % nan umumno baagamo Budha, atau Kristen (Protestan atau Katholik) atau Kong Hu Cu. Aratino, indak batua parnyataan nan bahaso panduduak Islam di Indonesia ko dulu 95% kini alah tingga 75%. Padohal iko tamasuak strategi fihek Kristen tu nak manggadang-gadangan badan. Bahkan katiko pamilu tahun 1999 ado nan mangaku-ngaku bahaso jumlah urang Kristen di Indonesia ko alah ampia 40%. Iko angan-angan mareka sajo. Nan Alhamdulillah indak diizinkan Tuhan Allah lo nan sarupo itu do. Awak tatap harus waspada. Mareka indak ka panah baranti jo sagalo macam caro nan mungkin mareka tampuah. Baiak jo caro aluih maupun jo caro kasa. Tatap paralu maminteh sabalun anyuik……. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
