Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Dalam surat Al-Ankabut ayat 41 disabuikkan perumpaan urang nan babuek syiriak ko.
“masalul ladziii nat takhazu min duunillah auliyaa-a kamasalil ankabuut ittakhadzat baita, wa inna an hamal buyuti labatulankabuut lau kaanu ya’lamuun”. [Sahih International Translation] The example of those who take allies other than Allah is like that of the spider who takes a home. And indeed, the weakest of homes is the home of the spider, if they only knew. [Indonesian] Perumpamaan orang-orang yang mengambil pelindung-pelindung selain Allah adalah seperti laba-laba yang membuat rumah. Dan sesungguhnya rumah yang paling lemah adalah rumah laba-laba kalau mereka mengetahui. Syirik ko sangaik babahayo. Sia sajo nan hebat jo ibadahnyo, sabanyak apopun pahalo- nyo keceknyo, kalau inyo mempersekutukan Allah swt., dalam inyo bagantuang ka Allah swt, inyo ma-anggap ado makhluk lain nan dapek ma-agiah pertolongan, dapek ma-agiah perlindungan, batal imannyo dunsanak. Makhluk ndak hebat. Makhluk takah awak juo, ado masonyo kito sehat ado masonyo kito sakik. Indak buliah bagantuang ka makhluk, syirik perbuatannyo tu. Takah dulu di zaman Soeharto, sadonyo bagantuang ka urang gaek tu, tiok sabanta bakato “menurut petunjuk bapak presiden”. “kalau lah ndak ado inyo, tantu indak ado pembangunan, aden indak basikola”, macam-macam kecek katiko tu. Katiko zaman Soekarno pulo "mangan ora mangan nderek Soekarno". Katiko zaman Gus Dur, "Di dada Gus Dur ada malaikat". Alaah, macam-macam. Kini katiko inyo lah indak bakuaso, ka bagantuang ka sia pulo ?. Ikolah syirik dunsanak, bagantuang ka makhluk, berhala-kah, benda-benda-kah, cincin-kah, atau apo sajo nan banamo makhluk, hal takah iko adolah syirik. Baa ka mati dalam Islam, kalau asyik bagantuang ka makhluk ?. Itu sababnyo kito ndak perlu khawatir, serahkan sadonyo ka Allah swt, Allah swt.ka manjaga sadonyo. Nah itu nan partamo, ulama membahas, kalau nio mati dalam Islam, mentauhidkan Allah, jaan mempersekutukan Allah dengan sesuatu, jaan ma-anggap ado makhluk lain nan setanding, yang setaraf nan manyomai kuaso Allah swt. Indak ado. Ado banyak ayat nan manarangkan hal ko, diantaro nyo Al-Baqarah 165. “waminan naas, may yatakhizu min duunillah andaaday, yuhibbuu nahum ka hubbillaah”. [Sahih International] And [yet], among the people are those who take other than Allah as equals [to Him]. They love them as they [should] love Allah. [Indonesian] Dan diantara manusia ada orang-orang yang menyembah tandingan-tandingan selain Allah; mereka mencintainya sebagaimana mereka mencintai Allah. … yang mereka cinta ka makhluk sebagaimana mereka cinta ka Allah. Dek aa ?, dek karano mereka ma-anggap makhluk ko hebat. Kalau bukan karena makhluk ko awak iduik susaah … aaa… Mujua, nasib elok inyo nan memerintah, kalau indak bangsa Indonesia ko apa nan ado ?...Alaaa tuan-tuan, tanah, areal pertanian, jalan-jalan tol, perusahan-perusahan besar dikuasai anak-anaknyo sampai hari ko ndak bisa digaduah, ndak bisa dirabuik. Pemimpin nan sasudah inyo barabuik-rabuik pulo. Menetapkan undang-undang untuk ma-agiah pitih 20 milliar ka mantan presiden nan baru turun, dikajakan mambuek undang-undang tu, samantaro rakyat menderita kelaparan. Urang Indonesia ko indak sadar-sadar, dek mempersekutukan Allah swt, Aa...Tuhan pamalukan kito, Tuhan aibkan kito, Tuhan hinokan kito di tanah aia kito surang dunsanak. Tolong sadarlah. Ditimpo bala bencana nan sampai hari ko masih menakutkan. Tolong sadarlah, mari kito kembali ka undang-undang Allah, undang- undang yang memang ‘adil. ... Panjang bana nan partamo tu Sutan, lah mangarati kami tu mah ... nan kaduo lai, nyit sungut lah manunggu-nunggu... Baiak, Nan kaduo, jo nan katigo sakali. Kalau kito nio mati sebagai seorang Islam, disabuik-kan bahaso handaklah kito manunaikan sagalo suruhan-suruhan Allah. Ndak usah kito ambiak contoh nan lain, kito ambiak surat an-Namlu ayat 90 (16:90). Bisuak khutbah jum’at, di khutbah nan kaduo, sasudah khatib bado’a “Allahumaghfirlil muslimiina wal muslimat … dst…. Rabbana aatina fid dunya hasanah, wa fil akhirati hasanah, waqinaa ‘adzabannaaar”. “Ibadallah…” iko nyo, “Inallaaha ya’murukum bil ‘adli wal ihsaan, wa-iitaa idzil qurba……..wal bargh”. (QS:16:90). Nio mati dalam Islam, pertama mentauhidkan Allah, nan kaduo manunaikan sagalo suruhan-suruhan-Nyo, nan katigo meninggalkan sagalo larang-larangan-Nyo. Ayat 16:90 ado kaduo-duonyo. Suruhan ado tiga macam, larangan ado tiga macam, mari kito simak ciek-ciek. Nan partamo, "Innalaaha ya’murukum bil ‘adli." Allah swt. manyuruah kito berlaku ‘adil. Baa nan namanyo ‘adil ko ?, kalau si fulan tu bersalah, kecekkan inyo bersalah, kalau si fulan tu bana, jaan takut-takut mangatokan inyo bana. Kalau basuo hak seseorang, kembalikan ka nan punyo. Tu namanyo ‘adil,.. nampak ndak dunsanak ?. Iko indak, salamo ko kito,… nan salah dipertahankan, nan bana diaibkan. Banyak contoh dunsanak, pakaro-pakaro nan sampai hari ko indak dijatuahkan putusan dengan ‘adil. Ado nan dipinjaro tanpa dibuktikan kesalahannyo…. Pokoknyo banyak lah. Padahal ‘Inallaaaha ya’murukum bil ‘adli”, Sacaro mudahnyo, nan namanyo ‘adil, indak memihak kama-kama. Ikolah ‘adil nan disuruahkan Allah swt. ka awak. Jan dek tekanan sana tekanan sini ndak 'adil putusan nan dijatuahkan. Ikolah jenis keputusan hakim kalau dasarnyo bukan taqwa ka Allah swt., apolai kalau undang-undang nan dipakai bukan pulo undang-undang Allah swt. Isuak di padang mahsyar, aaa jawek tanyo Alaah swt. Nan kaduo, "Wal ihsaan", Allah manyuruah kito babuek baiak. Sambuangan nan tadi. "Innalaaha ya’murukum bil ‘adli, wal ihsaan." Baa nan ihsan ko ?, kito cingek tafsiran Dr. Hamka. Kalau kito ka ma-agiah upah, kito manyuruah urang bakarajo di rumah, upah biasonyo 40.000, tetapi dibaia 50.000, iko nan ihsan. Allah swt. suko dunsanak, Allah swt. sayang ka urang nan punyo sifat ihsan. Kalau suruhan Nabi saw. malah, baia upah tu sabalun jatuah paluah urang nan disuruah. Dr. Hamka manyabuik, Qurtubi manyabuik, bukan hanyo ka manusia dunsanak, ka binatang pun disuruah. Buruang dalam sangkak harus diagiah makanan sacukuiknyo. Kuciang diagiah makan supayo inyo indak mancilok lai. Itulah sifat ihsan, Tuhan sayang dunsanak. Kalau mamaliaro buruang agiah makan sacukuiknyo kalau indak, lapeh-kan buruang tu. Kalau mengendarai oto di jalan, hati-hati pulo jo binatang, mereka kan punyo nyao juo tu. Tapi keadaan hari kini mambuek awak sadiah, lah banyak indak sajo anjiang, kuciangpun indak dipedulikan orang lai, mati takalapuak sampai linyak di jalan-jalan, sampai hilang tabang jadi abu. Dulu, katiko bus NPM ma-antak kuciang, eh baranti oto dek supir, bakalian lubang, bakubua-kan kuciang tu, baru aman raso supir barangkek. Kini ?. urang ndak peduli, lah ndak ado sifat ihsan saketek juo. Tuhan manyuruah babuek baiak, ihsan, indak hanyo ka manusia, binatang iyo juo. Ikolah nan melayakkan kito mati dalam Islam. Nan katigo “wa itaa idzil qurba” tapi dek lah panjang pulo dunsanak, kito sambuang isuak... Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/