*PASAN MAMAK IX* *(Kado ULTAH Dilla)*
* * Kamanakan juo kato mamak Ka mari mari malah duduak Sabuah lai cubolah simak Kapidoman hiduik ko isuak Di pasan mamak tadahulu Lah mamak cubo manjalehkan Baa kito ba prilaku Jo tetangga dan lingkungan Kini ka mamak cubo Ma uraikan hiduik manusia Ado babarapo di antaronyo Di jadikan contoh jo pangaja Nan disabuik manusia Ndak doh cukuik ba ilimu sajo Tapi mamakaikan aka Sarato pikiran jo rasio Kok disabuik kapalo aka Di bagi tigo parkaro Kalau di urai di tinjau makna Dalam hiduik acok tasuo Nan partamo kapalo aka Lapang hati caro awaknyo Saliang mamaafkan manusia Baiak sangajo maupun tido Nan kaduo kok dikaji Indak somboang manapuak dado Randahkan hati tinggikan budi Barabana kalabihan kito Disabuik nan ka tigo Nan tamasuak kapalo aka Labiah dahulu babicaro Sabalun kecek kalua Kok disabuik urang baraka Ado sapuluah pulo macamnyo Tando tandonyo kok dikana Di lahie limo di bathin limo Nan limo masuak di lahie Partamo badiam diri Sabalun bakato nyo bapikie Apo akibatnyo nanti Sabalun ma angguak jo manggeleang Di bao dulu jo kato antah Tau tabiang sarato lereang Jaleh jo badan ka masuak lurah Kaduo tamasuak di lahie juo Pandai manhan berang jo bangih Urang pamberang kurang pikienyo Nafasu di kuasoi syetan ibilih Pantang talando jo tagisie Pantang talinteh ta dahului Hilang tenggang abih pikie Ulah dek berang sarato bangih Disabuik pulo nan ka tigo Urang nan pandai mambaokan diri Pandai bagaua tuo jo mudo Indak somboang jo tinggi hati Nan tuo di hormati Samo gadang lawan ba iyo Nan ketek di sayangi Ipa jo bisan disaganinyo Disabuik pulo tando ka ampek Suko bagurau baramah tamah Ndak barek muluik kok mangecek Tapi bakato di bawah bawah Muluik manih kucindan murah Budi elok baso katuju Di lahie bia kalah salangkah Tapi di batihn manang nomor satu Kok disabuik pulo nan kalimo Tandonyo urang nan baraka Buruak jo baiak dipisahkannyo Ba amal saliah sarato takwa Lah limo tampak di lahie Lah mamak sabuik kasadonyo Patuik manjadi buah pikie Lai koh kamanakan tabao sato Dikaji pulo limo di bathin Bicaro dulu baru mangecek Lahie jo bathin indak balain Batutua sopan bakato lambek Nanang itu saribu aka Kok tanang hulu bicaro Disinan basuo kato nan bana Salah jo jangga tasuonyo Ka duo kuat ba ibadat Manjalankan wajib nan limo Manyambah Tuhan sabana taat Baiak surang atau baduo Katigo takuik kapado Allah Sagalo parintah dituruik annyo Dituruik parintah di antikan tagah Dunia di kaja akhirat tabao Ka ampek di batin kok di baco Indak bajalan di tapi lereang Nan ditampuah jalan agamo Indak manyimpang manyaleweang Tando kalimo manahan diri Dari sagalo babuek jahek Indak tadayo umbuak jo janji Tahu jo kaki ka tajarek Lah sapuluah tando nan kito kaji Limo di batin lahienyo Kok salah mamak mangaji Usah surek di baka pulo Insyaallah di surek katibo Ka mamak cubo bahas nan lain Kok lai badan sehat sajo Tantu sehat lahie jo bathin.. 03072011.Jambak MC Adat/Penyiar Radio Pusako Minang .am 972 tgr. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
