Sdr2 Camat BH, para Wali Nagari dari N7, Sdr Amrizal, dkk sa Banua, di ranah maupun di rantau, Ass ww, Memang itu bana nan kito harapkan dan kito tunggu-tunggu salamo ko seperti nan Sdr Amrizal sampaikan tu. Di bawah kapamimpinan Wali Nagari dari Nagari nan 7 tu, dan di bawah koordinator Camat BH, kito bangun Banuhampu tu ka depan sacaro basamo-samo. Partamo-tamo kito maharokkan Wali Nagari mamainkan fungsino nan ndak sajo sebagai wakil pemerintah di Nagari tapi juo sekaligus sebagai pemimpin rakyat dan masyarakat, nan didahulukan salangkah dan ditinggikan sarantiang. Salomo ko double function dari WN tu nan kurang nampak dan kurang tacelak. WN labiah mamainkan peranan sebagai ujuang tombak dari Camat dan Bupati di Nagari masiang2. Jadi ka depan peranan WN sebagai pemimpin masyarakat dan rakyat harus juo manonjol dan ditonjolkan. Di bawah kapamimpinan WN unsur kapamimpinan tradisional dari TTS (Tungku nan Tigo Sajarangan), yaitu Niniak Mamak, Alim Ulama dan Cadiak Pandai, sarato Bundo Kanduang jo Pemuda, di bidang masiang2 dan basinergi antaro sasamo, harus tacelak dan dapek dirasokan oleh saluruh warga di nagari masiang2 dan di Banua sacaro basamo-samo. Kalau sistem kapamimpinan ko lah kito duduakkan dan pakuaik, mako tugas awak barikuiknyo adolah manangani ampek fungsi utama Nagari saparti nan ambo sampaikan tu, yaitu: (1) Nagari sebagai unit kesatuan administratif pemerintahan; (2) Nagari sebagai unit kesatuan Keamanan dan Pengamanan; (3) Nagari sebagai unit kesatuan ekonomi nan berdasar kerakyatan, koperasi dan syariah; dan (4) Nagari sebagai unit kesatuan adat, agamo dan sosial-budaya. Walaupun awak lah tahu juo, tapi dalam rangka perencanaan ka depan masiang2 fungsi utama Nagari tu mesti dituangkan sacaro tatulih dalam bentuk perencanaan bajangko-jangko, pendek, sadang dan panjang, sehinggo awak bisa mampakirokan baa bantuak N7 dan BH untuak 5, 10, 20 tahun ka depan. Dan apo langkah2 sarato kiat2 nan ka awak ambiak. Dan sadono tu adolah hasil musyawarah awak basamo nan dipimpin oleh Camat dan para WN sarato unsur TTS. Baitu baru nan nampak di ambo samantaro ko. Iko paliang kurang bisa dipakai malakik ado gambaran nan labiah jaleh ka depan nan kito sapakati basamo. Usul ambo supayo juo dikambangkan sistem informasi terpadu baik per Nagari nan 7 maupun sacaro baBanua sacaro manyaluruah, dengan koordinasi para WN dan Camat di atehno, dan ditopang oleh nan mudo2 terpelajar di ranah maupun di rantau, rancak kalau sugiro disepakati dan dilaksanakan, kalau lai sapandapek. Mari kito pasamokan. Karajo barek jadi ringan kalau kito pasamokan. Wassalam, MN 091111
________________________________ From: "amrizalsala...@yahoo.com" <amrizalsala...@yahoo.com> To: ba...@yahoogroups.com Sent: Tuesday, November 8, 2011 11:57 PM Subject: [banuanet] FORUM 7 NAGARI BANUHAMPU Assalamualaikum wrwb,,Kok nak sadarak niaik jo langkah, nak satali sakabek arek, tantu bahimpun aka jo raso, Kok nak nampak taguah no niaik, tantu nampak di wujuik jo karajo. Kok iyo Nagari nan 7 adolah Banuhampu, tantu bak rupo rumah gadang. Rumah gadang ba pucuak Tujuah, Nan ciek tagak di muko,nan Anam balirik di balakang. Dek Bahimpun puciuak nan tujuah, mako di sabuik Rumah Gadang. Bahimpun Nagari nan Tujuah mako di sabuik Banuhampu. Kok lah samo duduak awak di rumah gadang, tantu indak ado kusuik nan indak ka salasai,, Kok lah samo duduak 7 wali nagari di Banuhampu,langkok jo Niniak Mamak jo Cadiak Pandai, surato jo Bundokanduang ,langkok jo Parik Paga dalam Nagari, tantu nan barek taraso ringan, nan sampik taraso lapang. Iyo lapang alam no rang Banuhampu, salapang bumi jo langik, satarang cahayo matohari, kajadi pidoman hiduik urang banyak, nan tasabuik Nagari nan Tujuah, nan banamo, Banuhampu... Amin. Powered by Telkomsel BlackBerry® ------------------------------------ VISIT OUR WEBSITE: http://www.banuhampu.org BLOG: http://banuhampu.blogspot.com http://banuagolfclub.blogspot.comYahoo! Groups Links <*> To visit your group on the web, go to: http://groups.yahoo.com/group/banua/ <*> Your email settings: Individual Email | Traditional <*> To change settings online go to: http://groups.yahoo.com/group/banua/join (Yahoo! ID required) <*> To change settings via email: banua-dig...@yahoogroups.com banua-fullfeatu...@yahoogroups.com <*> To unsubscribe from this group, send an email to: banua-unsubscr...@yahoogroups.com <*> Your use of Yahoo! Groups is subject to: http://docs.yahoo.com/info/terms/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
