*Tambo dan Silsilah Adat Minangkabau * *(Versi Gurindam) bag 4*
*Karya : Y.Jambak* Basintak turun ka bawah Lah tibo di guguak ampang Mancari tumpak jo ranah Marambah di rimbo gadang Dibawah labuhan si timbago Di batu ampa putieh Sinan langgundi nan baselo Disitu tampek nan bapilieh Sabalun bakampuang bataratak Alun bakoto banagari Takalo tuga ka di antak Awanyo bijo ka di serak-i Maso badeta-deta upieh Maso bacawan panarahan Maso badukuah buah sabieh Bagalang aka kalimpanan Disitulah macancang jo malacah Jolong malambeh jo malambun Samak baluka lah di rambah Lah di datakan bukik jo gurun Dirambah samak jo rimbo dalam Dilambang bumi tanah nan subur Dek baniat elok ka alam Dek banyak puji jo syukur Jadilah sawah jo ladang Sawah gadang satampang baniah Ba pamatang ba banda panjang Disinan ayie ma hilie janieh Konon manuruik dalam tambo Loroang ka padi satampang banieh Ditanak saganggam duo Nan makan datang basilieh Kanyanglah urang tigo luhak Manuruik Datuak Tantejo Garhano Indobijo namonyo bapak Niniek Kolat namo ibunyo Nan manurang sambie tagak Nan ma atok sambie duduak Mako abih tahun musim baranjak Anak kamanakan makin batukuak Bumi bulek alam ba puta Samakin lapang bakeh diam Daratan batukuak leba Nan lauik samakin dalam Nan aka batambah manjala Budi batukuak marangkak pulo Mako dicari padang nan data Dek Gunuang batambah tinggi juo Abih maso babilang tahun Manusia batambah banyak Di ansua juo basintak turun Manambah koto jo taratak Di asah padang nan panjang Alat pakakeh di patajam Dirambah rimbo alang-alang Mam palaweh tampek dian Dek bana paham sa ukua Dek sakato mangkonyo tuah Tak rago badayuang, hilie maluncua Kamudiek tak rago bahantak galah Lah basicapek nak dahulu Basikuek nak mangabiah Nan Maharajo Dirajo pandahulu Kini lah tingga bulieh Hutang mairik mamuloi Awa manyentak padang nan panjang Sasuai jo kandak hati Nan banyak ma iriang di bulakang *Lauik ditimbo mungkin kariang Gunuang diruntuah amuah data Dek samuik lai runtuah tabiang Apo lai dek manusia nan baraka* Dek baiak paham sasuai Dek elok bana saukuran Mambayang tuah ameh urai Tacapai niat jo tujuan Dek alah samak jo baluka Rimbo dalam nan lah tarang Lah laweh alam tampat tingga Lah bapiriang sawah jo ladang Mulai dibangun rumah jo tanggo Disusun korong nan jo kampuang Di buek mufakat saiyo sakato Di dalam barih nan balingkuang (Basambuang) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.