Sanak Andiko, He he..itu nan sabananyo sanak sampaikan mah. Dek nan mamacik mik pandai manggili, indak taraso lah 'tangga' sarawa. Kalau ibu2 nan pai pangajian bantuak toko amehbajalan ko, iyo baru tau lo ambo mah. Wassalam, Suryadi
--- Pada Rab, 21/4/10, andi ko <andi.ko...@gmail.com> menulis: Dari: andi ko <andi.ko...@gmail.com> Judul: [...@ntau-net] Mahajan Tuah Kepada: RantauNet@googlegroups.com Tanggal: Rabu, 21 April, 2010, 8:16 AM Sanak Palanta Pagi menjelang barangkek takana manulis satu kurenah di ranah maupun dimanapun yang disebut dengan "mahajankan tuah". Dimulo jo nasehat mandeh kanduang, tampillah apo adonyo, ndak usah suko mahajankan tuah, beko talampau mahajan, kalua nan kuniang tu beko. Aratinyo sabananyo, ndak usah sok pandai, sok kayo dan sok gaya, samantaro urang alah bisa ma ukua dalam lubuak awak. Tapi dek awak tetap narsis manuruik anak-anak kini, mako norak jadinyo. Ado beberapa arena potensial melahirkan suasana untuak ma hajankan tuah. 1. Balelang Kue. Di kampuang-kampuang, biaso lebaran ado hiburan masal dan diselingi dengan acara ba lelang kue. Ba lelang kue iko biasonyo adolah media untuak mancari dana bagi pembangunan dan kegiatan sosial. Biasonyo nan di lelang kue bolu gadang nan di hias atau singgang ayam. Kutiko lelang, musik akan rehat sejenak dan panitia akan mengambil alih panggung. MC lelang iko alah di tunjuak bana nan pandai ma angek panonton agar nio balelang. Beko naiaklah nan gadih-gadih tangguang tagak ka pangguang untuak mamacikkan kue atau singgang ayam. Ado duo sistem lelang kue ko, partamo, sisitem lelang nan dimulai jo pemanasan, caronyo salama kiro-kiro sejam, para pelelang akan jawek-manjawek dengan aturan, tiok mangecek inyo harus mambayia. Isi kato-katonyo salain mengenalkan grup lelangnyo, kadang juga berisi cimeeh untuak grup lain. Setelah diraso cukuik, maka MC lelang akan berembuk dengan panitia, apokah kue iko bisa di jua lai. Kalau panitia menyatakan setuju, mako MC lelang akan mengumumkan kalau kue atau singgang nantun akan dijua (istilahnyo akan di bundar), lalu MC akan menawarkan kepada peserta lelang, sia nan ka manawar partamo. Mako baganti-gantilah group lelang iko menawar, masing-masing akan saling meninggikan harago. Ketika harga muncul harga tertinggi, mako peserta lelang akan mulai berembuk, apakah mereka yang akan membeli kue dengan harga tersebut, kalau ya, mako inyo akan berteriak "Bundaaaaaaaaar !". Lalu panitia akan memanggil perwakilannyo untuak mengambil kue keatas pentas dengan di iringi musik. Cara kedua adalah karena proses pemanasan pada sistem pertama banyak menimbulkan perkelahian, mako saat ini jarang lelang memakai pemansan, langsung saja tawar-tawar harga, siapa yang tertinggi tampa menyebutkan kata-kata cemooh untuak group lain. Pengalaman ambo, terakhir lelang pakai pemanansan yang ambo caliak adolah tahun 80an, biasonyo tiok mangecek para pelelang akan menyerahkan uang mulai dari 1000 sampai 10.000. Untuk bundar kue atau singgang, kadang sampai 5 Juta. Dek tabuso sumangaik urang rantau nan pulang rayo ko untuak manunjuakkan sia bana awak, terutama kapado gadis manis nan sadang mamacik kue/singgang di ateh pentas, tabaka dek group lain tambah pulo di sulo dek MC lelang, mako indak bapikia mangaluakan pitih, ternyata alah tabao pokok galeh deknyo. Tibo di parantauan, bansaik baliak. itu nan disabuik mandeh sebagai "talampau mahajankan tuah, kalua nan kuniang itu dari bawah"....he....he... 2. Kini banyak berkembang kelompok pengajian jo yasinan ibu-ibu di kota-kota (antah kok di ranah). Akhir-akhir iko kelompok iko sebagian kecil berubah manjadi ajang mahajankan tuah, baa mode itu ?. Ado ibu-ibu nan mempersiapkan bana penampilan untuak hadir di pengajian iko. Tiok pangajian penampilan langkok-"Turun Panuah" dan berbeda-beda. Modal untuk hadir di pengajian iko cukuik maha karena kalau 3 kali saminggu pangajian, mako baju beda, tasnyo beda, tarompanyo beda dan kalau dapek amehnyo makin gadang. Akhirnyo, esensi pengajian itu alah barubah manjadi "Fashion Show" dengan catwalk yang berbeda. Iko potensial manjadi ajang ma hajankan tuah. Sakitu dulu sanak, panjang bana Salam Andiko Sutan Mancayo -- . -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
