Inyiak ditapi riak nan badabua,
Kondisi alat transportasi di Mudiak saat kini indak sarik bana, sabab ado sekitar 80-an oto tambang hilia mudiak nan rutenyo ka Padang, mulai dari Sinamar, Bahagia, RNS, Talago Indah. Rute dari Pikumbuah ka Lintau nan agak sarik, sabab hanyo Doris Abadi sajo nan ado, mulai dari urang, makanan ayam hinggo jariang sato dibao. Untuak rute Pikumbuah - Muaro Sijunjuang - Sungai Rumbai lai ado 3 oto sahari, yaitu Tampalo, namun iyo agak bajarak salisiah wakatu barangkeknyo. Untuak rute Balai Tongah ka Sitangkai, iko sambuah otonyo, sabab urang Lintau ko cukuik banyak oto tambangnyo, mulai dari Sitangkai, Mata Air, Doris Abadi, Usaho Baru ado taruih nan rutenyo Lintau - Padang via Sitangkai sarato via Puncak Pato/Tanjuang Sungayang. Ambo mamiliah jo ojek sabab salasai shalat di Balai Tongah, mak Sutan Lembang Alam alah sampai di simpang Tangguak nan jaraknyo hanyo 5 km dari Sitangkai, sabab pabilo manunggu oto lalu iyo batambah lamo urang manunggu awak jadinyo. Nan agak sarik, iyo oto ka Sumpu dari Kumanih. Oto tambang di Sumpur Kudus hanyo ado 3 buah sajo, merek Tampalo 2 unit jo Afmomen 1 unit. Nan Tampalo ko rutenyo Sumpur Kudus - Padang jo Sumpur Kudus Solok via Tanjuang Ampalu - Pamuatan - Padang Sibusuak - Silungkang - Lasi - Solok. Sadangkan Afmomen rutenyo Sumpur Kudus - Bukiktenggi nan rutenyo via Sitangkai - Atar - Tanjuang Barulak - Saruaso - Sangka - Sungai Tarab - Rao Rao - Salimpauang - Tabek Patah - Baso - Biaro. Jadi untuak masuak ka Sumpu dari Kumanih harus banantian ka 3 oto ko babaliak dari Padang, Solok ataupun Bukiktenggi nan balain wakatunyo kutiko malinteh di simpang Tangguak jo simpang Bunduang. Katigo oto ko barangkeknyo sajak jam 04.00 wib, sabab inyo japuik sadonyo panumpang mulai dari Manganti, Calau, Koto, Silantai, hinggo ka Unggan. Baru babaliak ka Koto sahinggo penumpang bisa shalat Shubuah di masajik Rajo Ibadat. Setelah shalat baru barangkek kiro-kiro jam 05.30 wib. Setelah sampai di Padang, jam 12.00 wib babaliak ka Sumpur Kudus, tibo di siko sekitar jam 16.00 wib. Hanyo sakali puta sajo, indak ado oto nan lain. Sajak leasing sepeda motor labiah mudah di ranah minang, alah banyak nan ka Padang jo roda 2 sajo lai. wasalam AZ/lk/34th/caniago Sumpur Kudus, Sijunjuang asa nagari Kubang, 50 Koto babako ka Canduang Koto Laweh, Agam ________________________________ Dari: Hambo Ciek <hamboc...@yahoo.com> Kepada: "rantaunet@googlegroups.com" <rantaunet@googlegroups.com>; Armen Zulkarnain <emeneschoo...@yahoo.co.id> Cc: Afrijon Ponggok <aafri...@yahoo.co.id>; "as...@haragreen.com" <as...@haragreen.com>; Aslim Nurhasan Sutan Satie Parambahan <aslimnurha...@gmail.com>; Reni Sisri Yanti Gurun Sungai Tarab <resy_2...@yahoo.com>; Dutamardin Umar <dutamar...@gmail.com>; ajo duta <ajod...@gmail.com>; jun aidi <malinbasa2...@yahoo.com>; Muhammad Dafiq Saib Koto Tuo <stlembang_a...@yahoo.com>; Hilman Mahyuddin <hilman.mahyud...@gmail.com>; Saafroedin Bahar Kampuang Dalam <saaf10...@yahoo.com>; Sjamsir Sjarif <hamboc...@yahoo.com> Dikirim: Selasa, 25 September 2012 5:44 Judul: [R@ntau-Net] Re: Mak Dafiq Sutan Lembang Alam jo Keluarga ka Sumpur Kudus Alaikum salam warahmatullahi wabarakatuhu, Aaa lah basuo duo urang nantun nan saketek babeda tantang pamakaian dialek kato "nantun" jo "mantun". Di Angku Lembang Alam (Kototuo, Baligurah, IV Angkek) istilah "mantun" jo "nantun" tu duo kato nan babeda arati. Dia Angku Armen (Kubang, Pek Mudiak) cuma mamakai atau mengenal satu kato "mantun" nan punyo duo arati saroman "mantun" jo "nantun" di angku Lembang Alam. Kini lah basobok kalorok di Sitangkai nantun; kan iyo mantun du Angku Lembang? [Ambo sadialek pakek jo angku Lembang Alam], Sanang lo awak mancaliak gambar kiriman dari pajalanan ka Sumpu. Tampaknyo oto umum dari Pek Mudiak - Pikumbuah - Balai Tangah Lintau - Sitangkai lai agak lasuah mah. Baa dari Sitangkai atau Kumanih ka Sumpu; lai lasuah lo oto umum? Sakitu lah dulu salam dari jauah. -- Inyiak Sunguik Sjamsir Sjarif -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
