Payo ma (MUG), lit memang piga-piga je belas-belas kalak si enterem i Kede
Kopi kerna KCC enda ndai, si erban kurang pengidah.
1. Nina i kede kopi erbelas, La nge ndia terusahaken Pemkab Karo, gelahna kalak
si merincuh masuk KCC, kune atena ngelanjut ku perguruan tinggi, man si
la ngasup ngeipar kal ku pulau Jawa ah, ntahsa danci ngelanjut i Medan saja. La
nge ndia Pemkab Karo ngasup arih-arih ras perguruan tinggi si lit i Medan, nina
ka deba.
Erjilena min adi danci i universitas lokal. Alu bage, duit Karo la merap
apaika ngeipar ku pulau Jawa, nina ka deba ngaloi.
2. Lit ka deba erbelas, adi sehkal 500 juta duit rakyat enda ipakai man KCC ah
ndai, me oratna me iban tender terbuka kerna ndalanken duit enda ndai, nina
ka.
Reh ka sekalak ngaloi, lit tehnikna nak. Sen si 500 juta e, proyekna i
cepik-cepikken jadi sekitar 6 ntahsa 7 paket proyek. Tiap paket e nilai duitna
la seh 100 juta iban. Jadi, la pe i momoken man si enterem, enggo me esah. (io
oh, endam adi megati ras traktor, nina ukurku simegi-megi)
3. Kerna lit anggota dewan si erbelas la meteh i pakai sen rakyat e, nina kalak
kede kopi ngulas, bupati si nduari sikap kap arih-arihna ras pimpinen DPRD si
sendah. (mungkin maksudna Rapat Romanus Purba, Atau, plus Adil Bangun dan Siti
Aminah Peranginangin masing-masing sebagai wakil).
Kalak enda cocok denggo paket i Pilkada 2010, nina ka deba. (berarti,
kemungkinan besar maksudnya Rapat Romanus Purba).
Lit ka deba ngaloi, ei aku taruh-taruh pe pang. Kune kari Kadis Pendapaten si
sendah, Swingli Sitepu (mirip dengan nama Camat Berastagi. Apakah orangnya
sama..?)bertahan ngasa ahir tahun enda, uga pe ia nge imajuken. La gia mbuesa,
3 bungkus isap pe pang, nina ka.
Merhat kal aku ncampuri ranan kalak enda. Saja, perban referensi pe minim, piah
mbegi-mbegi saja. Cakap KCC pe ndai danci njoler ku Pilkada, em adi kede kopi.
Meriah tuhu
Salam berngi singongo man banta kerina
MJS
--- On Wed, 7/8/09, MU Ginting <gintin...@yahoo.se> wrote:
From: MU Ginting <gintin...@yahoo.se>
Subject: [tanahkaro] Re: Sitik renungan minggu enda
To: tanahkaro@yahoogroups.com
Date: Wednesday, July 8, 2009, 1:25 AM
"kune memang KCC enda sangat bermakna bagi peningkaten SDM Karo" . . . nina
MJS. Erkune-kune denga. Engkai? 'Kekurangan referensi'? Kurang kin keterbukaan
je?
Kai si tertutup jadi gelap, adi terbuka jadi terang sebab masuk cahaya. Cahaya
maksudku ijenda kerina pikiren cerah dan positif jelma sienterem. Tapi kuakap
lain kang soalna adi masalah bisnis semata, ertina keterbukaan intern saja. Adi
masalahna enggo jadi masalah publik (biaya publik) maka perlu ka nge kuakap
publik enda i ikutken, lewat DPRD atau keterbukaan sidebanna. Masalah
pendidiken penting terutama man banta kalak Karo, gelah kerina ka banci
ndukung. Masa depanta mbue tergantung bas soal pendidikan enda. Tingkat kursus
enda sada waktu mbera banci meningkat ku perguruan tinggi, jadi Universitas
Berastagi misalna. Gundari kita bas tingkat kuantitas denga, pebue si mungkin
ipebue. arah kuantitas enda nge kari dalanna ku kualitas. La lit dalan sideban.
Bujur ras mejuah-juah
MUG
--- In tanahk...@yahoogrou ps.com, medi sembiring <medy_sembiring@ ...> wrote:
Rukur ka aku mbages terdauhen kerna KCC terkait postingen mama MUG enda.
Siperlu i jaga kuakap, kune memang KCC enda sangat bermakna bagi peningkaten
SDM Karo, janah memang sesuai koridor UU i negeri enda, emaka kuakap perlu i
perkuat alo payung lokal, seperti Perda khusus kerna KCC.
Gelahna ola denggo, sambar bupati sambar ka kebijakenna. Piah danci rayung. Kan
sayang uang rakyat yang 500 juta. Kadang, enggo ka pe denggo i Perda-ken, danci
denga ka nilah. Atau, gelahna stabil perpajekna KCC enda denggo, ntahsa perlu
bupati si nduari enda i dukung ibas periode selanjutna, demi stabilitas KCC.
Uga ndia siakap ? Atau aku nge enda si kekurangen referensi... ?
Salam hangat man banta kerina
MJS
--- On Sat, 7/4/09, MU Ginting <gintin...@. ..> wrote:
From: MU Ginting <gintin...@. ..>
Subject: [tanahkaro] Sitik renungan minggu enda
To: tanahk...@yahoogrou ps.com, forumk...@yahoogrou ps.com, komunitaskaro@
yahoogroups. com
Date: Saturday, July 4, 2009, 9:17 AM
Merenung ka minggu enda
Minggu silewat erdalan-dalan i pusat kota Dublin, melala turis japa nari pe.
Hebat kalak enda erbahan acara turism teku bas ukur. Seh kang ukurku ku
Indonesia atau Karo uga kemungkinen perkembangenna. I irland enda kapken umumna
ngenehen si enggo lit terbangun ndekah, istana, bangunan ini itu, gia lit kang
ngenehen alam, pantai misalna. Tapi i Karo kai kin siman tontonen? I Karo
umumna alamna si lenga keri i cedaken. Sisa alam enda lit denga, gia piga tahun
nari? Bangunen si ndekah pe lit denga, piga tahun nari? Dungna piah kisat aku
ngukurisa. Kuserahken man anak-anak muda adah kerina teku ngapuli pusuh.
Taren nimai sada bus turis, rempet reh sekalak petugas agama (la kutteh gelarna
tugas enda) mbagiken selebaran Kristus. Ku aloken ka sada, thank you nina
bangku. Encage reh ka sekalak si enggo sempat ngoge selebaran adah ndai. 'Kau
membikin anak-anak muda banyak bunuh diri' nina parang mbelin enda man si
penyebar selebaran. Bas selebaran adah ndai lit tertulis, 'manusia enggo
sesat'. Enda me ndai jadi alasen parang mbelin adah ndai jadi merawa, enggo
muat buena anak-anak muda i Irland bunuh diri. Tapi si penyebar selebaran tentu
membantah keras ka, labo ia erbahan anak-anak muda bunuh diri, labo aku si
erbahan manusia sesat nina.
Dialog enda la berdasarkan balance (keseimbangan, kesetimbangan) teku bas ukur,
sebab sada titik tolakna kepercayaan, sada nari titik tolak kenyataan bas
kegeluhen. Tanpa keseimbangan (balance) enda maka labo mungkin lit turah dialog
si bakal menghasilkan syntes, dan tanpa syntes tak mungkin tercipta kreasi atau
pembaruan antara dua kalak enda. Dialog berakhir begitu saja, masing-masing
jalan sendiri.
Lit kin dialog adi la lit balance kekuatan dialektis? La lit, atau la mungkin.
Keseimbangan dialektis merupakan syarat adanya dialog (Jung). Teringet aku
sangana Soeharto masih kuat, la lit dialog kaipe, ise si pang?. Tapi enca
imbangan kekuatan berubah (balance, sama-sama kuat, sama hak kedua belah pihak)
muncullah dialog yang bahkan memaksa sang diktator lengser.
Uga bas dialog Karo? Berlaku kin imbangan kekuatan dialektis (balance) enda
ndai?
Berlaku kang, sebab enda berlaku umum, kecuali soal kepercayaan atau religion.
Bas kita Karo lit runggu alias dialog. Mekatep bas adat je lit anakberu,
senina/sukut ras kalimbubu. I lengkapi ka alu anakberu mentri ras puang
kalimbubu. Masing-masing punya tugas/beban tertentu dan wajib pula. Je kap lit
'musuh' bagepe 'teman'. Hebat memang Karo enda teku maon. Lit kin kari je
balance dialektis adah ndai?
Si hebatna ka kuakap emkap je (bas runggu Karo) enggo lit balance kekuatan,
sebagai syarat dialog adah ndai (menurut Jung). Uga kin enda, kita runggu
(dialog) perbahan enggo lit balance kekuatan atau balance kekuatan enda nge
erbahan kita terpaksa runggu. Menarik kel enda adi terdauhen sipelajari.
'Arih-arih ras musuh' atau 'rubat ras teman' perbahan balance kekuatan enggo
tercapai?
Soal pemekaran enggo lit dialog. Enggo kin tercapai balance kekuatan?
Soal KCC enggo lit dialog, enggo kin lita balance kekuatan je?
Dialog enda syarat syntes. Enggo kin mungkin seh perkembangan kontradiksi enda
ku syntes? Syntes enda nge kari si erbahan pembaruan (kreasi baru).
Enda ka lebe renungenku
Selamat weekend
MUG
