Berita Zarima kepeken cukup menarik, enterem jelma tersungkun bana, payo nge ndia?, bual nge ndia? nina si tersungkun. La ketadingen Tuan Garmawan si menteri dalam negeri ikut tersengget dingen tersungkun. Lenga mantak ukur tersungkun, rempet-rempet menggep berita simbaru, “aku la gia surung jadi bupati nda nake” lanai, aku lanai nina. Tah uga maka sempat ersura encalonken diri labo jelassa kel alasenna. Banci jadi sanga e akapna calon-calon sideban labo saingen simberat. “Ah,… de bagah-bagah ngenca calon-calon si jadi saingen, aku pe ngasup nge nalukensa” nina tempa erkata bana. Enggo kenca tehna makana calon2 si jadi saingenna kalak simbisa nda kepeken kerina piah mundur teratur ia. Tah bage ateku le…. Tapi deheren me kuakap bagi komentar permen kami Daust, hanya management gossip semata nina. Saja, kin gia gossip, Zarima ngingetken kita ngolihi, makana jelma siugapa pe banci saja jadi bupati. Ise pe ia de ipilih rayat, jadi me ia bupati, la perduli bekas pinangko, bekas ratu ganja, bekas juragan minak rsd, rsd. Zarima tempa ertenah, de milih bupati kam sungkun ukur simbagas, ula penggurui gossip pais biring takal. Tole nari tenah Zarima si terirat, de kurang-kurang denga pemeteh, erlajar lebe, ula merudusa jadi bupati, pebagas lebe pemeteh nina. Tersinget bas kata beritana “Saat ini, Zarima pun lebih memilih untuk mendalami politik Indonesia” Tenah merandal, de erkampanye gelah terpilih ngenca beloh, tapi la beloh ngatorken daerahna ku kegeluhen si jore, man kai e? kai gunana? Mei kin. Apai ka de engkilep-kilep dingen encekoh baka rayat ngenca pirasatna, ma lolit gunana man rayat. Salin kata sekalak anak beru kami Karo Mergana erbelas dingen erkampanye sitek, reh nina: “De jadi Bupati kam, Jadilah anak beru rayat sirulo”, ula jadi anak beru pencekoh koncang negeri. De encekoh koncang negeri kin sura2, madin me mundur teratur bagi sini cidahken Zarima si beru mberru. Zarima…Zarima….