Sambil tawa ras Einstein
Wari-wari libur bagenda kai ka nge dahin teku. Ku oge-oge kutipan Einstein, ih
bapak enda bali kuakap ras nini-nini bulang kalak Karo sinai-nai erbahan tawa
danak-danak kempu-kempuna. Gia bulang enda serius nge situhuna.
Muat cepatna kam kiam muat gendekna kam, nina bulang enda. Ndekah ka maka
kuantusi, tapi Ih payo ka nge teku dungna, nginget teorina E= M C2, muat
cepatna muat kitikna M (massa).
Bulang enda jelas kalak genius nge. Nai sangana sekolah, adi dat ponten 10 bas
ngitung-ngitung, eh enggo ka kuakap aku genius. Tapi gundari enca kuoge-oge kai
nina bulang enda soal kegeniusan, The difference between stupidity and genius
is that genius has its limits, nina. Ioh, ih enda nge payon teku, kunehen
bangku, stupidity enda nai-nai nari pe kepeken labo pernah lit batasna teku.
Nulis surat man Truman nina bulang enda, la kutteh senjata kai ipake bas perang
dunia ke 3, tapi bas perang dunia ke4 pastilah alu tongkat ras batu, nina.
Tangkelenna kuakap adi enggo terjadi perang dunia ke3 (atom), tentu lanai lit
sitading selain tongkat ras batu.
Fantasi lebih penting dari pengetahuan, nina ka, sebab pengetahuan terbatas,
sedangkan fantasi la terbatas, mencakup seluruh dunia, mendorong kemajuan dan
melahirkanperkembangan.
Eak dage nake, hidupken fantasinta, merenung-renung kita lebe.
Salam mejuah-juah
MUG
--
__________________________________________________________
Ta semester! - sök efter resor hos Kelkoo.
Jämför pris på flygbiljetter och hotellrum här:
http://www.kelkoo.se/c-169901-resor-biljetter.html?partnerId=96914052
