FYI, Kisonga from Tororo admitted at Mulago hospital after being injured for opposing Federo.
======================================================= Kisonga apoocera mu waadi 3B mu ddwaaliro e Mulago. --Eyagivumiridde baamusudde mu lweje KAMPALA Bya Bridget Namitala OMUSUBUUZI mu katale ka St. Balikuddembe (Owino ) mu Kampala apooceza mu ddwaliro e Mulago oluvannyuma lwa banne okumusindika n’agwa mu sseppiki y’amazzi agookya ng’entabwe eva ku kuvumirira nkola ya Federo. Moses Kisonga atunda amacupa mu katale kano nga nzaalwa y’e Tororo, ali mu bulumi obutagambika oluvannyuma lw’olweje okumubambulako eddiba. Bino byabadde mu katale ka Owino emisana ku Lwokuna abasuubuzi bwe baakaayanye ku Federo ng’abamu bagiwagira ate abalala nga bagiwakanya okukkakkana nga babirwaniddemu. Kisonga eyasangiddwa mu waadi 3B e Mulago yategeezezza nti banne baamusindise n’agwa mu lweje lw’amazzi bwe yabadde alumiriza nti Museveni tasaanidde kuddiza Baganda Federo. ‘’Kale ebintu byatandise ng’ eby’okusaaga nga tuwakana ku Federo ne mbalangira omululu n’okwagala okutugoba mu Kampala nga Museveni tasanye kubawa Federo kwe kunsindika ne ngwa mu ssefuliya y’amazzi agabadde geesera’’ Kasonga bwe yannyonnyodde. Yagambye nti oluvannyuma lw’okumwokya ne bamugamba nti osagiranga ku gwe wali osagiddeko olwo buli omu neyemulula mpolampola ne babulawo ne bamuleeka ng’afa obulumi. Akulira poliisi e Kampalamukadde, Mw. Abbey Kisubi yagambye nti banoonyereza ku baayokeza Kisonga. Bukedde ku Ssande 2nd February. __________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com
