Assalamu'alaikum wr wbr.
Sateuacanna pribados nyunkeun dihampunten pami basa Sunda pribados kirang merenah. Da sadidintena oge nganggo basa teh acak-acakan, maklum wae pribados mah diajarna oge di Pusat Pelatihan Bahasa Sunda Saka (Sakainget). Pribados bade memperkenalkeun diri heula. Pribados ti Bogor. kaaslian mah.. duka atuh. Nu pasti mah pribados dibabarkeun di Bogor (taun 1970), sepuh oge ti Bogor. ti mimiti diajar ngorondang tepi ka ayeuna pribados cicing di Bogor. ngalamprah ka mana oge balikna mah ka Bogor.. Nembean ngiringan gabung di Kusnet. Geuning Rame pisan Kusnet teh, nu ngeusian forum-forum na oge hararebat, palalinter, seueur kauninga na. Poko na mah matak hade pikeun urang Sunda. Amin. Salah sahiji topik nu paling dipikaresep ku pribados nyaeta ngeunaan sajarah Sunda (punten.. pribados mah sanes ahli, mung saukur urang Sunda nu tertarik kana Sajarah Sunda). Basa keur Sakola SMP kapungkur, sejarah Sunda teh dibahas na saeutik pisan. malah pribados harita boga kesan bahwa sejarah sunda teh siga nu ditutup tutupi, isu/perkara penting di buku pelajaran sejarah nasional dibatasi. Pikeun kepentingan pulitik Persatuan reujeung NKRI tea meureun, pajar ku pribados teh. Da harita nu dipuja dipuji teh saukur Majapait. Keun wae lah... ceuk pribados deui.. da urang oge butuh kana persatuan NKRI/Nusantara mah. Seueur pisan hal hal ngeunaan pembahasan sejarah Sunda di buku pelajaran sejarah nu teu jelas, kurang memuaskan, mengecewakan. contona ngeunaan tokoh senna, sannaha, sanjaya. hijrahnya Sanjaya dari barat ke timur teu dijelaskeun ti mana ka mana na. Tokoh Raden Wijaya, pendiri majapahit tea, pribados teu mendakan katerangan dina buku pelajaran sejarah nu harita ngeunaan 'ka-Sunda-an' tokoh Raden Wijaya, padahal ceuk beja mah (duka leres atanapi henteu) aya disebatkeun dina kitab pararaton. jsba. Sanajan harita tacan rame sumber sumber sejarah nu anyar seperti naskah Pangeran Wangsakerta, di masarakat oge loba cerita-cerita lisan nu pakait kana sejarah Sunda. Oge, aya tokoh tokoh sejarah lokal Jawa Barat nu ngan saeutik kasebut, malah aya oge nu teu kasebut dina sejarah nasional. 'Naha bahan sakitu rea teh euweuh nu nga-dokumentasi-keun? Soal akurat henteu na mah kumaha engke. nu penting mah dikumpulkeun heula, tuluy dicatet ngarah teu punah..' kitu cenah ceuk pikir pribados teh... Peun Tacan lami, pribados maca buku nu judulna Sundakala (nu dumasar kana hasil panalungtikan Bapa Atja pami teu lepat mah, mohon dikoreksi). Di dinya diterangkeun isi naskah Pangeran Wangsakerta tea. Duh, geuning araya kabeh di dinya.. leuwih lengkep. Nuhun. Nuhun pisan ka para ahli.. Pribados yakin aranjeuna oge bakal merjuangkeun supados bahan bahan nu tos kaguar teh lebet kana pelajaran sejarah nasional. Ayeuna mah urang Sunda moal leungiteun jati diri kasundaanna. Generasi muda na oge moal poekeun teuing ngeunaan sejarah bangsana. amin. Tapi aya hiji patarosan nu pribados hoyong terang jawabna. Ari dina buku Sundakala teh diterangkeun yen Naskah Pangeran Wangsakerta teh disusun babarengan ku panitia nu anggotana para utusan/duta resmi nu asalna hampir ti seluruh Nusantara. Teras kacarioskeun naskah teh dimaksadkeun pikeun buku induk sejarah Nusantara. Pami kitu mah kedahna masing masing utusan teh nyepeng salinan/copy na. Naha aya kitu salinan-salinan naskah teh di daerah-daerah sejen? seperti di keraton Yogya, Solo, di Banten, di Kutai, Riau, Palembang, jste. aya teu nya? Aya nu terang? Sakitu bae ti pribados nu ngan saeutik kanyaho na. Sakali deui Nuhun ka para Ahli Sejarah Sunda nu heubeul nu ayeuna nu leutik nu gede... nu tos seueur jasana ka urang Sunda. Mangga. Wassalamu'alaikum WrWbr.
