Punten bade ngiring ngarewong. Kaleresan mendakan titinggalan pun biang, aya sesa 5 bundel majalah Mangle heubeul (mun te lepat mah kapengker teh sok ulubiung ngiring maca teh salian ti Mangle aya majalah Sari, Hanjuang, Pelet, Barangsiang sareng duka naon deui tah geus teu araringet). Kaleresan salah sahijina ten majalah mimiti pisan medal nyaeta nomer 1 taun I 1958. Naha di redaksi manglena sorangan aya keneh nyimpen kitu? Duka tah. Ieu mah bilih we aya nu panasaran hoyong terang naon nu dipintonkeun dina edisi "perdana", ku abdi dicoba di"scan", aya 20 kaca, kaasup cover hareup jeung iklan kaca tukangna. Mangga ditingali dina foto grup Majalah Mangle No 1. Saleresna mah hoyong mindahkeun format tina model citakan ka format digital supaya arsip-arsip heubeul teh tiasa kapiara tapi nya waktuna nu samporet kacoceng ku pagawean sapopoe. Cing tah saha nu kira-kira sadia ngarealisasi kahoyong ieu teh. Hatur nuhun.
