> From: Roza Rahmadjasa Mintaredja > mari kita hayu ningali ka kaler > tapi titincakan kidul....
Kakara tiasa ngawaler deui, kamari 3 dinten nganjang heula ka lembur Bah Abas Amin. Leres Bah Oza, titincakeun pan tetep we di kidul da moal kamana-mana hehehehe Indit ka Balikpapan teh maleman inagurasi Obama. Kulantaran rek indit subuh ti Bandung ka cengkareng, jam 10 kuring geus sare, jadi teu lalajo. Kabeneran babaturan mah lalajo. Cenah ceuk babaturan Obama dina pidatona salah sahijina nyigeung urang Amerika kudu ngudag kamajaun pendidikan jeung panalungtikan di Cina jeung India. Rada kaget oge, Amerika kudu diajar ka Cina jeung India? Babaturan kuring nyebut, Cina teh luar biasa, dina waktu sakeudeung, kamajuanana luar biasa, tingali we kumaha Cina bisa nempatkeun manusa di ruang angkasa. Hal nu tadina mah monopoli Amerika jeung Rusia (Uni Soviet). Kitu Deui India, sanajan acan kungsi nempatkeun manusa ka ruang angkasa, tapi kamajuan sains jeung teknologina oge luar biasa. Amerika rek "diajar" ka Cina jeung India, kumaha urang Indonesia? Heuheuheu .....tadi isuk-isuk kuring meuli lampu senter emerjensi teu make batere, ukur "dikompa-kompa" ku leungeun, dina dusna aya tulisan "buatan Cina", murah ngan Rp, 10.000.- Baktos, WALUYA