Pilkada teh hiji proses dina nangtukeun hiji pamingpin di hiji wewengkon, kalayan dipayungan ku hiji aturan anu sipatna universal anu berlaku pikeun sakuliah nusantara. Kaitanana jeung pilkada Gupernur Jawa Barat, nyaeta pupuhu di Propinsi Jawa Barat, keuna ku aturan birokrasi sakumaha ilaharna prinsip jeung sistem birokrasi, anu heunteu ngaheulakeun urusan primordial (agama, suku, kelompok, jsb). Perkara aya kahayang, sangkan anu jadi pamingpin teh anu ngarti kana kahayang kalolobaanana masyarakat anu cicing di wewengkon eta, gumantung kumaha parpol mangaruhan anu milihna. Sistem demokrasi tea pan, gumantung kana sora anu panglobana diraih ku hiji pamingpin.
Pangalaman Pilkada di DKI Jakarta, harita anu jadi perhatian publik nyaeta slogan anu diusung ku para calon. Jigana, masyarakat Jakarta teh masih sieuneun kana slogan ayo benahi jakarta tinimbang slogan satu untuk semua. Geletukna teh kabeneran anu meunang teh, putra betawi asli. Padahal asana teh, slogan anu aya di spanduk-spanduk, teu pati menyolok ngusung saatnya Putra Betawi jadi Gupernur. Ari ceuk batur kuring anu asli urang Betawi, slogan putra Betawi asli, teu leuwih hiji trik politik, ti para elite politik anu ngadodoho jabatan. Ari rahayat leutik mah, heunteu paduli ka calon pilkada, rek betawi atawa pangsiunan pulisi, wong cilik mah sibuk ngurus haseup dapur. KUSnet salaku hiji komunitas, kuduna mah leuwih cerdas, ngembrehkeun kana pasualan ril anu aya di masyarakat, kumaha narekahanana, terus dijadikeun hiji isu, sangkan jadi perhatian pikeun calon Pilkada. Leuwih alus deui upama sakalian mere asupan. Conto kasus, Gupernur anu kaasup alus dina ngokolakeun birokrasi pamarentahan jeung ngangkat darajat masyarakatna nyaeta Fadel Muhammad, Gupernur Gorontalo, Mahasiswa teladan ITB taun 1975. APBD na geus bisa mere honor tambahan di luar gaji pikeun para camat sa propinsi. Bupati/walikota anu alus ngalayanan masyarakatna, aya 17 kabupaten/kota, teu sahiji-hiji acan kabupaten/kotamadya di Jawa Barat, anu asup ka kelompok 17. Anu kabejakeun rame mah, Bupati Garut ngorupsi dana APBD nepi ka ditangkep pulisi. Kota Surabaya, jago dina ngokolakeun kabersihan kotana.Kabupaten Jemberana, Bali anu dibupatian ku dokter gigi, geus bisa ngabebaskeun SPP sakola nepi ka SMA. Eta sababaraha conto prestasi, ku ayana otonomi daerah. Kumaha atuh ketakna Pilkada jawab Barat? Anu jelas PILKADA LAIN PILKADAL, tong daek DIKADALAN ku CALON PILKADA. Baktos, Mrachmat Uidipura BENER, BEUNEUR jeung JEUJEUH ____________________________________________________________________________________ Never miss a thing. Make Yahoo your home page. http://www.yahoo.com/r/hs