Ua, abi hoyong hiji!!
~ipup~ --- In urangsunda@yahoogroups.com, "MSasmita" <[EMAIL PROTECTED]> wrote: > Kamari hujan ngagebret ti sore keneh, kitu deui dina ninggang waktu balik, > hujan masih keneh, sigana didagoan raat mah matak kesel, kuring maksakeun > balik. > Peutingna aya dua acara nu kudu didatangan, kahiji mah manggihan incu nu > anyar disunatan atuh kaduana apan hayang ningali acara PABARU SUNDA di > Pendopo Jl Dalem Kaum Bandung. > Eta dua acara teh alhamdulillah kalakonan, ngalongok incu nu anyar > disunatan jeung ningali acara Pabaru Sunda. > > Mimiti ngadenge incu rek disunatan teh poe Radite per telepon ti bapana, > cenah budak teh rek disunatan poe Anggara pasusubuh, kuring rada ngarenjag > naha geuning kudu subuh sagala, nu inget teh jaman baheula, mun aya budak > rek disunatan sok dititah ngeueum heula dibalong isuk isuk, ambih baal, tapi > da jaman ayeuna geus aya dokter nu leuwih nyaho, apan obat baal ge loba. > Ari ceuk katerangan bapana mah rek disunatanana teh di Jl Sukarno-Hatta > (kuring teu pati nyaho lebah-lebahna), eta bengkong teh geus kawentar kacida > maherna, da budak anu disunatan teh sok langsung dicalana tara kungsi > ngagetih heula. > Enya we barang didatangan ka panganjrekanana, budak teh keur tetelendenan, > ulin, bari jeung dicalana sabiasana, malah bangorna ge angger, teu kaciri > siga anyar disunatan, atuh bapana sugemaeun, nu tadina rada salempangeun teh > geus ilang. > Ceuk carita bapana datang ka tempat bengkong teh jam 3 peuting, ngantri > sok sanajan geus meunang nomer, da geus daftar tianggalna, ti pisaminggueun > mula. > Soleh budak teh asup ka rohangan ge teu kudu dianteur ku sasaha, nurut we > ka anu ngageroanana, teu lila budak teh geus kaluar deui bari nyerengeh > seuri ngagigiwing kantong keresek plastik nu dieusi ubar. Alhamdulillah > budak geus beresih. > Ngadenge dongeng bapana teh kuring ukur gogodeg, aya kituna nya "elmu" > teh. Sanggeus nyecep mah kuring terus mulang, sanajan geus jam 9 peuting > kuring rek terus ka Pendopo. > > Nepi ka Pendopo teh kurang leuwih geus tabuh 9.30,-, enya we rame kacida, > barang datang kadinay teh Pa Ali Sastrmijaya keur presentasi, teu bisa > ngabandungan kalawan gemet da hese rek asup ka rohangan teh, geus pinuh, > atuh ngan ukur nangtung di tukang bari rurat reret ningalian tempat lelang > kalenderna. > Katingali sareretan tatamu nu datang teh loba inohong, kayaning Pa Nano.S, > Godi Suwarna, Ceu Aam Amilia, tangtuna pejabat pamarentahan ge aya. > Kuring teu kaburu nulis-nulis acan dina buku tamu, da konsntrasi teh > neangan kalenderna, untung we bisa ngadeukeutan tempatna, barang rek meuli > teh cenah can waka dijual da ngadagoan rengse presentasi Pa Ali. > Resep ngadengekeun gunem catur antara nu nanya jeung nu ngajawab, palebah > aya nu nanya waktu mimiti poe Kala Sunda wayah kumaha, saperti taun masehi > mah ganti poe teh mimitina tengah peuting, taun hijriah mah waktu subuh, > kala sunda wayah kumaha..?, kuring ngadedempes ngadagoan jawabanana, ngan > hanjakal nu ngajual kalender teh prung dimimitian, atuh nyamos teu kadenge > jawaban Pa Ali, da kuring buru buru ngantri, sieun beakeun, lantaran ningali > hunyudan kalender teh siga saeutik. > Alhamdulillah meunang. > Hargana salawe rebu, pangdeudeul lima rebu jumlah jamleh sakalender teh > tilu puluh rebu rupia, kuring ngan ukur meuli lima, da teu mawa duit leuwih. > Ari ningali dina brosur mah dicitak munggaran 1000 expl, lamun payu, rek > nyitak deui sapuluh rebu expl, tapi nu meuli harita nu kadenge teu nginjeum > ceuli, sigana Ibu Tien Rostini ( Ibu Ageung ) rek meuli 100 exmpl, nu matak > kuring nyedek sieun teu kabagean. > > Kalender teh citakanana alus, aya 14 lambar, 12 lambar inti, jeung dua > lambar bubuka. > Bulan ka 1 disebut Kartika, ka 2 Margasira, ka 3 Posya, ka 4 Maga, ka 5 > Palguna, ka 6 Setra, ka 7 Wesaka, ka 8 Yesta, ka 9 Asada, ka 10 Srawana, ka > 11 Badra, ka 12 Asuji. > > Minggu = Radite, Senen = Soma, Salasa = Anggara, Rebo= Buda, Kemis = > Respati, Jumaah = Sukra, Saptu = Tumpek. > > sakitu heula...! > > MSasmita ------------------------ Yahoo! Groups Sponsor --------------------~--> Give the gift of life to a sick child. Support St. Jude Children's Research Hospital's 'Thanks & Giving.' http://us.click.yahoo.com/lGEjbB/6WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
