Kacaritakeun, Dunya pawayangan "geger", "Wahyu Cakraningrat", mustika ti kahyangan diturunkeun ka Dunya ku para Dewa. Sing saha wae nu bisa ngapimilik ieu mustika, manehna atawa turunana bakal jadi raja di nagara nu "gemah ripah loh jinawi". Para raja di Dunya pawayangan : Pandawa, Astina ....jjrrd maruru ieu mustika, dparebutkeun tepi ka campuh perang. Nu hasil ngapimilik "Wahyu Cakraningrat" teh Abimanyu. Tapi Abimanyu teu jadi Raja, nu jadi Raja anakna, Parikesit nu mimpin nagara Astina nu "gemah ripah loh jinawi", Adil Makmur .....jeung sagala rupa slogan nu hade-hade sejenna.
Ceuk nu ngulik budaya, cenah, konsep "wahyu cakraningrat" teh aya di Budaya Jawa (oge jeung budaya Sunda, da teu pati jauh). Kakawasaan hiji raja (pamimpin) teh mangrupakeun pamere/ anugrah ti Kahyangan (Tinu Maha Kawasa). Kulantaran kakawasaan teh pamere ti Kahyangan, tanggtu tanggung jawabna oge ka Kahyangan.. Raja dimeunangkeun rek ngukumahakeun rakyatna oge, sabab tanggung jawab manehna lain ka Rakyat (nu ceuk konsep ieu teu mere kakawasaan nanaon). Urang Jawa percaya Raja nu "lengser kaprabon", sabenerna lain kulantaran dipaksa rakyat atawa ku kajadian makar, tapi leungiteun mustika "wahyu cakraningrat". Kapercayaan ieu masih aya tepi ka ayeuna, kabuktian kuayana rumor waktu Suharto turun jadi Presiden. Cenah nu meunang mustika ieu teh, sabenerna Ibu Tien. Waktu Ibu Tien wafat, aya rumor nu nyaritakeun aya "sinar ngagulung" ti imah Ibu Tien/ Pak Harto di Solo nu nuju ka langit ( hartina ninggalkeun imah). Dua taun ti Ibu Tien wafat, Pak Harto "lengser kaprabon". Konsep "Kakawasaan ti Kahyangan", beda jeung konsep Demokrasi nu sekuler. Dina Demokrasi, kakawasaan teh lain pamere ti Kahyangan, tapi ti Rakyat. Nu boga kakawasaan tanggung jawabna ka rakyat nu mere kakawasaan, lain ka Kahyangan. Lamun eureun nya dieureunkeun ku rakyat. Contona rakyat ( via parlemen) nyieun undang-undang supaya pangawasa diwatesan waktu kakawasaanana, ulah terus-terusan nyenyekel kakawasaan. Dina Konsep "Kakawasaan ti Kahyangan" tangtu moal aya Undang-undang nu ngawatesan tepi ka iraha Pangawasa kudu eureun, nya kumaha kahoyong ti "Kahyangan" wae, iraha bade nyabut mustika "wahyu cakraningrat"na. Mana konsep anu sae? Nya nyanggakeun we ka sadayana, da ari manusa mah cenah, ku Gusti Allah teh dibere kamampuan ningali "katukang" ( ningali sajarah) keur conto atawa pieunteungeun keur kahareup! Baktos, WALUYA
