Di lembur kuring kungsi aya "jalmi pinter", urang lembur nyarebutna teh "Ibu Anom". Asal-usul Ibu Anom henteu jelas. Tapi ceuk beja mah, baheula waktu kuring acan lahir, aya batur salembur nyanyandak istri nu parantos umuran ka pun Aki, nu kaleresan harita jadi lurah. Batur salembur teh ngumaha ka pun Aki, Supados istri anu nunggelis, sorangan teu puguh kulawargana, dipasihan tempat nyiruruk di lembur kuring. Nya kumargi hawatos, jeung kabeneran aya tanah kosong, dipangdamelkeun bumi panggung. Ieu istri teh, sok nyebat dirina "Ibu Anom", ngangkenna mah asal muasalna ti Cirebon, da logat "jawana" masih kuat. Tapi saurang oge henteu aya nu terang, di Cirebonna teh lebah mana.
Waktu kuring keur di SD (1965-1967), jadi geus leuwih ti 10 taunna Ibu Anom, netep di lembur kuring. Kuring oge teu ngarti mimitina, Ibu Anom teh jadi kasohor, "jalmi pinter" cenah. Kasohorna teh di urang luar, lain di urang lembur kuring. Seueur mobil plat "B" (Jakarta) anu nganjang ka Bu Anom, mobilna aralus, nu nunjukkeun jalmi-jalmi nu nganjang teh jalmi aya jeung gaduh pangaruh. Kadang-kadang mobil nu nganjang teh plat-beureum, mobil pamarentah. Nu harita kadenge ku kuring, cenah Ibu Anom teh tempat pamentaan, supaya naek jabatan, supaya usaha maju jrrd. Tapi urang lembur mah saurang oge henteu aya nu sok "barang-penta" ka Ibu Anom, ngan ukur cruk-crek helok ka Ibu Anom, geuning anjeunna lain "jalmi Samanea". Inget we boga bababaturan, Si Samu nu imahna deukeut jeung Imah Ibu Anom. Hiji waktu hariweuweus ka kuring, nyarita asa pangnyahona:" Nyaho henteu euy saha ari Ibu Anom teh?" "Teuing, uing mah teu nyaho" "Ceuk bapa, Ibu Anom teh nu ngangais Bung Karno keur leutik!" Kuring teh ngahuleng ngadenge omongan si Samu, geus kolot pisan atuh Ibu Anom teh, da ceuk Aki, Bung Karno teh lahir di taun 1901 sarua jeung Aki. Padahal Aki oge geus sepuh, Komo deui Ibu Anom, duka yuswana geus sabaraha .... Sanajan Ibu Anom pada ngadeudeug, tapi jalmina tetep we kitu, teu aya robahna. Bumina tetep panggung, meunang nyieun rereongan urang lembur. Di taun 1975 kuring ninggalkeun lembur, sakola ka Bandung. Jadi teu terang deui perkawis Ibu Anom. Aya eta oge beja, cenah mah Ibu Anom teh ngantunkeun, duka diakhir 1970'an, duka di awal 1980'an. Dikurebkeun di lembur kuring. Kira-kira di akhir 1980an, kuring oge geus kawin jeung cicing di Bandung, aya kawawuhan nyampeurkeun ka imah, manehna agul tas ti lembur kuring. Kuring teh kaget, na aya naon manehna ka lembur kuring, sisinarieun. Ceuk manehna teh: "Ngahaja kaditu, jarah ka makam Ibu Anom........." Baktos, WALUYA --- In urangsunda@yahoogroups.com, "H Surtiwa" <[EMAIL PROTECTED]> wrote: > > Duh pinter pisan abah MK teh, maksadna pinter neangan kasempetan kanu > kararosong jiwana. watir...abdi mah..... > Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/