Kang Rahman, hatur nuhun...salam baktos ka kaluargi.... -----Original Message----- From: durahman [mailto:[EMAIL PROTECTED] Sent: Thursday, March 24, 2005 4:29 AM To: urangsunda@yahoogroups.com Subject: [Urang Sunda] Surat Yaasin terjemahan basa sunda
Kahatur kanggo Kang Hasan. Ieu sim kuring parantos rengse ngetik tarjamah surat yaasin bahasa sunda. File aslina nangkod di imel. Wasalam, durachman --- Surat Yaasin (1-83) Diketik ulang ku Durachman (terjemahan ti Al-Amin--AL-QURAN Tarjamah Sunda nu diterbitkeun ku CV. Diponegoro, Bandung) Kalayan asma-Na Allah, Nu Maha Murah, Nu Maha Asih 1. Ya, sin. 2. Demi Quran nu wijaksana! 3. Saestuna enya-enya maneh teh (Muhammad) ti antara utusan; 4. Dina jalan nu lempeng: 5. Anu diturunkeun ku Nu Maha Gagah, Nu Maha Asih; 6. Pikeun maneh ngawawadian kaom anu karuhuna henteu diwawadian, tuluy maranehna talingeuh. 7. Saestuna geus sawadina putusan (siksaan) ka kalobaanana maranehna alatan maranehna henteu ariman. 8. Saestuna Kami nerapkeun bangkol-bangkol dina beuheung maranehna, nepi kana gadona, tuluy maranehna narenggak. 9. Jeung Kami ngayakeun lalangse di hareupeun jeung di tukangen maranehna, tuluy ku Kami dilalangsean panenjona, nepi ka maranehna henteu barisaen nenjo. 10. Jeung sarua bae pikeun maranehna mah, boh ku maneh diwawadian boh ku maneh henteu diwawadian oge, maranehna tetep moal ariman 11. Saestuna maneh ngan (perlu) ngawawadian ka jalma-jalma anu nurut kana penggeuing jeung anu sieun ka Pangeran Nu Maha Murah dina perkara goib. Ku kituna geura bubungah manehna teh ku Pangampura jeung ganjaran anu mulya. 12. Saestuna Kami ngahirupkeun jalma-jalma anu paraeh, jeung Kami nulis saniskara anu dilampahkeun ku maranehna, jeung nulis tapak-lacak maranehna, jeung sagala perkara teh ku Kami geus dicetak dina iman nu tetela (Lauhil Mahfuzh). 13. Jeung pek geura nyieun misil pikeun maranehna, (nyaeta) pangeusi nagri baheula nalika ka maranehna datang para utusan. 14. (Nyaeta) nalika Kami ngirimkeun ka maranehna dua (utusan) tuluy maranehna ngabohongkeun ka eta anu duaan tea, tuluy Kami nguatkeun ku nu katilu, sarta pok maranehna nyarita: "Saestuna kaula sarerea teh ditutus ka arandika." 15. Maranehna, ngajawab: "Arandika teh taya lain manusa biasa cara kaula sarerea, jeung Pangeran Nu Maha Murah hentue nurunkeun naon-naon. Arandika teh taya lian ngan ngabohong wungkul." 16. Maranehna (para utusan)nyarita: "Pangeran kaula sarerea uningaen yen saestuna kaula sarerea teh diutus ka arandika; 17. Jeung taya deui (kawajiban) kaula sarerea mah salian ti mangnepikeun anu tetela." 18. Maranehna ngajawab: "Saestuna kaula sarerea ngarasa sial ku arandika teh. Upama arandika henteu areureun, tanwande ku kalua sarerea arandika teh dirajam, jeung bakal tumiba ka arandika siksaan nu peurih ti kaula sarerea." 19. Maranehna (para utusan) nyarita deui: "Sial arandika teh perbawa arandika! Naha pedah arandika ku kaula sarerea digeuingkeun? Malah arandika kaom anu ngaliwatan wates-wangen teh." 20. Jeung jol wae aya anu datang ti tepis-wiring hiji jalma anu rurusuhan: "Yeuh kaum kaula! Geura narurut ka eta para utusan; 21. Geura narurut ka aranjeuna anu henteu menta upah ti arandika, jeung aranjeuna teh jalma-jalma anu mareunang pituduh. 22. Jeung naha kaula bet hentu ibadah ka pangeran anu ngayugakeun kaula? Padahal nya ka Anjeuna arandika bakal dipulangkeung. 23. Naha kaula pantes mangeran ka pangeran-pangeran anu salian ti Anjen, upama Nu Maha Murah ngersakeun nibakeun balai ka kaula, pasti sapaat maranehna teh moal bisa mondah balai ka kaula saeutik oge, jeung maranehna moal bisa ngabebaskeun kaula? 24. Saestuna kaula, upama kitu mah, lumampah dina kasasaran anu tetela. 25. Saestuna kaula geus iman ka Pangeran arandika ku kituna darangukeun!" 26. Didawuhkeun: "Bus geura abus ka sawarga!" Maranehna ngagerentes : "Tada teuing hadena upama kaum kaula nyarahoeun; 27. Yen pangeran kaula geus maparin pangampura ka kaula jeung geus ngangkat kaula jadi jalma ti antara nu dimulyakeun!" 28. Jeung kami henteu nurunkeun balatentara ti langit ka kaomna sabada manehna, jeung samasakali Kami hentu nurunkeun. 29. Taya lian (eta siksaan teh) anging sora jumerit sakali, sarta sapada harita marenehna pareureum (binasa). 30. Beu, nalangasa teuing abdi-abdi (nu ngagehgeuykeun Rasul). Henteu datang ka maranehna hiji Rasul, anging anu ku maranehna biasa digareuhgeuykeun. 31. Naha marenehna henteu naritenan yen kacida lobana umat-umat anu saheulaeunana anu ku kami geus dibinasakeun? Saestuna maranehna hentue baralik deui ka maranehna (ka dunya). 32. Jeun taya lian sakumna oge bakal dijagragkeu ka Kami 33. Jeun hiji tanda (ayat ) pikeun maraneh teh tanah cengkar. Kami nyuburkeun eta tanah sarta kami ngaluarkeun ti dinya sisikian, nya maranehna dalahar eta sisikian. 34. Jeun Kami nuwuhkeun di dinya sababaraha kebon korma jeung anggur, jeung didinya kami ngocorkeun sungapan cai. 35. Sangkan maranehna ngadahar tina bubuahanana jeung tina saniskara anu dipigawe ku leungeun marenehna sorangan: Naha maranehna bet hentu maruji sukur? 36. Maha suci Pangeran anu geus ngayugakeun sagala perkara sajodo-sajodo, boh tina saniskara anu dituwuhkeun ti bumi, boh ti diri maranehna sorangan jeung tina saniskara anu ku maranehna henteu dipikanyaho. 37. Jeung hiji ayat (tanda) pikeun marenehna teh peuting. Kami ngudar tina eta peuting teh (cahaya) beurang. Atuh reup wae maranehna paroekeun. 38. Jeung srangenge muter dina tempat anu pinasti eukeurna. Eta teh papasten Nu Maha Gagah, Nu Maha Uninga. 39. Jeung bulan ku Kami geus dipastikeun tempat-tempatna sababaraha darajat, nepi ka balik deui kawas bunderan langgari nu kolot. 40. Teu sawadina srangenge nyusul bulan, jeung teu sawadina peuting miheulaan beurang, karana sagala rupa oge lumampah dina tempatna. 41. Jeung hiji ayat pikeun maranehna teh nyaeta: Kami geus ngamuatkeun anak-incuna dina parahu anu pajejel. 42. Jeung Kami geus ngajadikeun pikeun maranehna anu sarupaning eta, anu ku maranehna bisa ditarumpakan. 43. Padahal upama Kami ngersakeun, tanwande Kami ngaremkeun marenehna sarta moal aya anu nulungan ka marenehna turta maranehna moal bisa disalametkeun: 44. Kajaba ku rahmat jeung kasenangan ti Kami nepi ka hiji mansa. 45. Jueng upama dicaritekeun ka maranehna: "Masing ati-ati kana saniskara anu keur dilimpah ku maraneh (di dunya) jeung anu bakal kasorang ku maraneh (di aherat) supaya maranehteh dipaparin rahman." 46. Jueng hanteu datang ka maranehna saayat oge tina ayat-ayat Pangeranana, angin maranehna ngabalieur ti dinya. 47. Jeung upama diomongkeun ka maranehna: "Geura dermakeun sabagain tina saniskara anu ku Allah geus dikurniakeun ka arandika?" Pok jalma-jalama anu kalupur teh nyarita ka jalma-jalma anu ariman:"Naha kaula sarerea teh kudu maraban jalma anu upama Allah ngersakeun tandwande Anjeuna maparin dahareun ka manehna?" Saestuna manehna teh aya dina kasasaran anu tetela. 48. Jeung maranehna nyarita:"Iraha atuh tumibana jangji (siksaan) teh upama enya mah arandika jalam-jalma balener?" 49. Maranehna henteu ngadago-ngadago naon-naon salian ti sora jumerit sakali anu tumiba ka maranehna saot maranehna pacogregan. 50. Nepi ka maranehna hentue bisa marere wasiat heula jeung hentu bisa marulang heula ka kulawargana. 51. Jeung tangtu sangkakala bakal ditiup, atuh burudul maranehna barijil ti kubur paheula-heula ngadeuheus ka Pangeranana. 52. Bari maranehna nyarita:"Duh, cilaka kaula sarerea! Naha saha atuh anu ngahudangkeun kaula sarerea tina pasarean teh? Nya ieu anu dijangjikeun ku Nu Maha Murah teh. Jeung bener para rasul teh!" 53. Taya deui salian ti ku sagorowok, sapapada harita burudul maranehna sarerea dijagragkeun payuneun Kami. 54. Nya dina poe eta mah henteu aya hiji jalma anu dirugikeun saeutik oge, sarta manehna moal dibales salian ti saniskara anu ku manehna geus dilampahkeun. 55. Saestuna ahli sawarga dina poe eta teh jarongjon saruka bungah. 56. Maranehna katut jodo-jodona dariuk nyarande handapeun anu ariuh dina dipan-dipan. 57. Pikeun maranehna, didinya teh aya bubuahan, sarta nya pikeun maranehna saniskara anu ku maranehna dipicangcam. 58. "Salamaet!" Pidawuh ti Pangeran Nu Maha Asih. 59. Jeung (didawuhkeun): "Geura marisah maraneh ayeuna, yeuh jalma-jalma anu darosa! 60. Naha lain Kami geus maparin pangwadi ka maraneh, yeuh anak-incu Adam, suapaya maraneh henteu aribadah ka setan? Saestuna setan teh musuh anu tetela pikeun maraneh. 61. Jeung sangkan maraneh ariabdah ka Kami, sabab nya ieu jalan anu lempeng mah. 62. Jeung saestuna setan teh geus nyasarkeun kalolobaanana jalma ti antara maraneh. Ku kituna, naha geuning maraneh henteu ngagunakeun akal? 63. Nya ieu Jahanam anu dijangjikeun pikeun maraneh teh! 64. Pek geura rasakeun panasna ayeuna, alatan maraneh geus kalupur!" 65. Dina poe ieu, Kami matri (ngabekem) sungut maranehna, sarta leungen maranehna nyarita ka Kami, jeung suku maranehna nyaraksian saniskara anu ku maranehna geus diusahakeun. 66. Jeung upama kami ngersakeun, tanwande kami ngaleungitkeun panenjo maranehna, ti dinya maranehna bakal paheula-heula neangan jalan, tapi kumaha maranehna rek bisa narenjo? 67. Jeung upama Kami ngersakeun, tanwande Kami ngarobah adeganana di tempat-tempatna, nepi ka maranehna henteu barisaeun maju boh mundur. 68. Jeung saha-saha anu ku Kami dipanjangkeun umurna, tanwande maranehna ku Kami dibalikeun ka sasal (pikun cara budak), tapi na maranehna hentu ngagarunakeun akal? 69. Jeun Kami henteu ngawulangkeun sair ka manehna (Muhammad) jeung henteu sawadina pikeun manehna. Eta (ayat-ayat Quran) mah taya lian iwal ti pangwawadi jeung bacaan anu tetela. 70. Supaya manehna (Muhammad) ngawawadian ka nu hirup, jeung supaya merenah siksaan ka jalma-jalma kapir. 71. Jeung naha maranehna henteu nitenan yen Kami geus ngayugakeun ku kakawasaan Kami pikeun maranehna sato ingon-ingon anu tuluy ku maranehna dipibanda? 72. Jeung kami geus ngalilindeuk eta ingon-ingon pikeun maranehna. Nya atuh sawareh pikeun tutumpakan, jeung sawareh deui ti antarana pikeun dahareunana. 73. Jeung tina eta ingon-ingon teh maranehna meunang rupa-rupa mangpaat jeung sumber inumeun. Tapi naha maraneh bet hentu muji syukur? 74. Jeun maranehna ngajadikeun sababaraha pangeran anu salian ti Allah ngarah maranehna ditulungan. 75. Maranehna (berhala) teh teu daya teu upaya pikeun nulungan maranehna, (malah) maranehna sorangan jadi balatentara anu kudu dijagragkeun pikeun (ngajaga) maranehna (berhala-berhala tea). 76. Ku kituna poma ulah pisan maneh nalangsa ku omongan maranehna. Saestuna kami uninga kana saniskara anu ku maranehna dirahasiakeun jeung kana saniskara anu ku maranehna ditembrakkeun. 77. Jeung naha manusa teh henteu malikiran yen Kami ngayugakeunana teh tina nutfah (mani). Tapi ujug-ujug maranehna jadi tukang maseaan anu tetela. 78. Jeung manehna ngamisilkeun kami (saperti manusa), sarta manehna lat wae pho kana asal kajadianana, sarta pokna: "Saha anu bisa ngahirupkeun tulang-taleng, padahal eta tulang-taleng teus pasiksak?" 79. Pok caritekeun: "Nu baris ngahirupkeunana nya Pangeran nu ngayugakeunana nu mimiti, jeung Anjeuna uninga kana sagala kajadianana saban mahluk. 80. Anu ngajadikeun seuneu pikeun arandika tina tangkal nu hejo, nya ti dinya arandika bisa mirun seuneu. 81. Jeung naha lain Anjeuna anu geus ngayugakeun langit katut bumi teh kawasa ngadamel anu sarupa kitu? Pasti, karana Anjeuna Nu Maha Kawasa Ngayugakeun, Nu Maha Uninga. 82. Saenyana taya lian pidawuh-Na upama Anjeuna ngersakeun hiji perkara teh, Anjeuna ngan ukur ngadawuh: "Jadi!" Jleg weh jadi 83. Nya Maha Suci Anjeuna, dina panangan Anjeuna pangawasa sagala-galana; jeung nya ka anjeuna maneh bakal dipulangkeun. Komunitas Urang Sunda --> http://www.Urang-Sunda.or.id Yahoo! Groups Links ------------------------ Yahoo! Groups Sponsor --------------------~--> Take a look at donorschoose.org, an excellent charitable web site for anyone who cares about public education! http://us.click.yahoo.com/O.5XsA/8WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/