Baraya, Aya iber pikabungaheun dina widang pertanian karya-karya rancage manusa Sunda, khususna dina lebah teknologi pertanian pikeun ngajamin kasadian cai keur tatanen jeung sarana gemuk keur ningkatkeun hasil pertanian. Dina widang nyadiakeun cai keur kaperluan tatanen ayeuna geus siap nyumponan kaperluan masyarakat, mesin anu teu merlukeun listrik, namina PATMO. Dina widang gemuk, sarana kaperluan patani anu kudu aya wae salila tatanen, ayeuna geus aya GRAMMOR cai (Grammor cair). Ieu dua produk teh asli karya urang Sunda anu sajarah nyiptakeunana lumayan panjang.
1. PATMO PATMO singggetan tina "pompa air tanpa motor". Hartina, mesin keur ngagerakeun cai sangkan naek ka luhur atawa ngamalir kamana wae anu dipikahayang teu merlukeun listrik. Timana energi keur ngagerakkeun mesinna? Jawabna: Tina cai anu rek dikamalirkeunana. Nya asup kana babasan ngagoreng daging ku gajihna tea. Leres, PATMO sami sareng prinsip pompa Hydram, ngan bedana, daya kerjana leuwih gede. Efektif jeung kacida manfaatna keur wewengkon-wewengkon anu garing di luhur, tapi di handap ngamalir cai, boh susukan atawa walungan, upmana wae : pakidulan Tatar Sunda tug nepi ka Tatar Wetan (Jateng & Jatim), derah-daerah "minus" sejenna di P. Jawa jeung luar P. Jawa anu di handapna aya walungan, jst. PATMO teh ciptaan Pa Tatang urang Bandung asli. Pikeun informasi salengkepna ngeunaan PATMO, dihaturanan marioasan alamat ramat lokana: http://www.yurista.com/patmo/index.htm . Ka anu merlukeun katerangan leuwih jauh mangga, tiasa dikontak: Kang Endang Wawan Sungkawa (HP: 08882372344; R: 022-2507176) atawa di kuring sorangan (mangga japri wae). Keur informasi tambahan: 1) PATMO tos diuji coba di Tasik Kidul, Gunung Kidul jeung Kabupaten Gowa, Sulsel. Alhamdulillah sukses, tiasa ngocorkeun cai ti walungan di handap ka tempat garing di saluhureunana; 2) Danget ieu tos seueur pesenan ti daerah-daerah, utamana kabupaten-kabutapen di Sulawesi Selatan, ngan nyakitu, bubuhan usaha ngamimitian, Pa Tatang teh rada kakurangan modal. Nya aya pamodal ti Malaysia, tapi ieu pamodal teh perlu ningali demona heula, cenah, nya Pa Tatang ayeuna nuju ngadamel demo di Padalarang, Insya Alloh poe Ahad hareup ieu demo PATMO tos siap; 3) Upama aya anu ngaku-ngaku bisa nyieun PATMO tapi lain Pa Tatang ku anjeun (masing ngaku murid atawa "anak buah" Pa Tatang), mugi ulah diandel (kajaba aya konfirmasi ti Pa Tatang, Pa Wawan oge si kuring sorangan), sabab tos aya kajadian nipu ngagunakeun nami Pa Tatang. 2. GRAMMOR Singgetan tina "granular macro-micro organic", hiji jenis gemuk (pupuk) anu ngandung unsur-unsur kaperluan tatanen anu kumplit. GRAMMOR ngandung boh unsur makro N, P, K (N = Nitrogen teh kaperluan mutlak pepelakana, waktu ieu dicumponan tina urea; P = Posfor sareng K = Kalium oge sami kaperluan pepelakan/tatanen anu dina waktu samemehna masing-masing dicumponan ku gemuk TSP jeung KCl), unsur mikro (S, Cu, Mg, Al, jst) + zat organik dina takeran anu cukup (teu leuwih) keur kaperluan tatanen. GRAMMOR memang tadina mah rek diproduksi dina wangun (bentuk) padat, tapi kusabab permesinana mahal, nya diproduksi dina wangun cai (cair) wae saheulaanan mah (keun wae rada patojaiyah jeung ngaranna oge, anu penting khasiatna). GRAMMOR teh ciptaan Pa Idrus, alumni Fak Pertanian Unpad angkatan kahiji. Anjeunna linggih di Bandung. Sababaraha data teknis ngeunaan GRAMMOR: 1) Irit kaperluanana, gampang mawana da ukur dina botol, kawilang murah hargana; dijieunna tina zat organik plus sababaraha unsur anorganik anu dipelrukeun tatanen; 2) Geus diuji coba di 11 kacamatan di Kab. Sidrap, Sulawesi Selatan. Hasilna: nyugemakeun. Ieu datana: melak pare (nyawah) make Grammor mah HENTEU merlukeun deui TSP jeung KCL, Urea masih diperlukeun, tapi ngurangan pisan. Tina satuan 1 HA sawah, kaperluan gemuk lamun ngaunakeun Grammor jadi kieu: Urea ukur perlu 1,5 kintal, Grammor : 5 liter, Hydrasil 5 liter. Ayeuna bandingkeun jeung kaperluan gemuk lamun HENTEU make Grammor (satuan sawah sarua 1 Ha) : Urea = 6-7 kintal/ha, TSP jeung KCl masing-masing 1 kintal/Ha. Tiasa dietang, tina ongkos produksi wae melak pare (atawa tatanen sejenna) make Grammor kacida ngiritna (harga tungtung di patani: Grammor kl Rp 30.000/liter; harga Hydrasil kl Rp 40.000/liter; harga-harga Urea mah mangga pilarian wae di pasaran); 3) Hasil tatanen kalayan ngagunakeun Grammor ngaronjat. Tina anu geus kabuktian, ngaronjatna teh nepi ka 2-3 ton/Ha. Jadi, anu biasana patani rata-rata ukur meunang 4-5 ton/Ha, make Grammor mah ngahontal 6 - 7 ton/Ha. Malah, Kang Idrus nyebatkeun, lamun hade nyawahna, hasil nyawah make Grammor bisa ngahontal antara 8-10 ton/Ha. Sakitu heula para wargi. Punten upama ieu posting rada aya sari promosi. Asana lamun keur kaperluan umum, meunang wae nitip informasi di media umum (mangga ka anu sanes oge, bilih aya anu bade wawar hal anu sami, syaratna: keur kaperluan umum model tatanen, jst; jeung utamakeun hasil karya bangsa urang sorangan). Mangga, ieu sigana diantara elmu Sunda anu ayeuna geus turun ka dunya nyata teh (sanes kitu, Kang Gibson?). Ceuk emutan, geus sayogi sarana keur Jabar ngahontal salah sahiji misina: ningkatkeun pangan alias katuangeun kaperluan sapopoe. Atuh bisi perlu ku teknologi anu leuwih canggih, nya kari diiberkeun di milist atawa media sejenna: panggero ka masyarakat sangkan ngasongkeun pamendak + karyana ngeunaan kumaha carana ngaronjatkeun hasil pangan. Ke bagean pamarentah (jeung sacara otomatis: pasar) anu nangtukeun pilihanana. baktos, manAR [Non-text portions of this message have been removed] ------------------------ Yahoo! Groups Sponsor --------------------~--> Join modern day disciples reach the disfigured and poor with hope and healing http://us.click.yahoo.com/lMct6A/Vp3LAA/i1hLAA/aYWolB/TM --------------------------------------------------------------------~-> Milis Wanita Muslimah Membangun citra wanita muslimah dalam diri, keluarga, maupun masyarakat. Situs Web: http://www.wanita-muslimah.com ARSIP DISKUSI : http://groups.yahoo.com/group/wanita-muslimah/messages Kirim Posting mailto:wanita-muslimah@yahoogroups.com Berhenti mailto:[EMAIL PROTECTED] Milis Keluarga Sejahtera mailto:keluarga-sejahtera@yahoogroups.com Milis Anak Muda Islam mailto:majelismuda@yahoogroups.com This mailing list has a special spell casted to reject any attachment .... Yahoo! Groups Links <*> To visit your group on the web, go to: http://groups.yahoo.com/group/wanita-muslimah/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
