Datt einmitt í hug að vera í sambandi við samtök/félög sem geyma líklegast þessar upplýsingar sem og aðila sem eru líklegir til þess að veita okkur leyfi til að nýta þeirra gagnagrunna. Það er í hag ferðaþjónustunnar að listar þeirri rati sem víðast og efast ég um að þeir myndu slá hönd á boði okkar að flytja og viðhalda listanum inn á OSM. Einnig væri hægt að spyrja umsjónaraðila verslunarmiðstöðva hvort þeir væru tilbúnir til þess að láta okkur fá kort yfir hvar hver verslun er svo við gætum sett þær inn og viðhaldið eftir þörfum.
Skráning opnunartíma fer fram með lyklinum opening_hours sem er nánar skilgreindur á http://wiki.openstreetmap.org/wiki/Opening_hours, sem að já, er aðallega á ensku þegar kemur að tímaeiningum og gildum. Gildin eru ágætlega skilgreind sem þýðir að það ætti að vera lítið mál að þýða þau yfir á önnur tungumál. Hallast að því að það ætti að miða að merkingu POI í nóðum frekar en sem svæði, ef um er að ræða verslanir eða þjónustu sem gæti þess vegna ákveðið að flytja og/eða loka hvenær sem er. Þegar fyrirtæki er skráð á heila byggingu er hætta á ruglingi hvaða lyklar eiga við um bygginguna sjálfa og hverjir við fyrirtækið sem er þar starfandi, jafnvel þótt það sé eingöngu eitt þá stundina. Síðan gæti alveg verið að það séu fleiri fyrirtæki þar inni en einhver hefur ákveðið að setja eingöngu eitt þeirra í bland við bygginguna. Náttúruleg fyrirbæri og annað sem er utandyra og er rekið/viðhaldið af hinu opinbera ætti, að mínu mati, að vera merkt sem svæði ef hægt er. Ef það væru skýrar reglur um hvort ætti að fara væri létt að réttlæta slíkar umbreytingar. - Svavar Kjarrval On 30/09/13 13:28, Jóhannes Birgir Jensson wrote: > OSM-félag er gjörsamlega málið, okkur vantar einhvers konar formlegan > stimpil, hingað til hefur maður bara geta kynnt sig sem sjálboðaliða > og áhugamann um OSM í þeim erindum sem maður sendir tengdu því. > > Varðandi POI þá er ég sammála að það er gott að hafa fleiri, spurning > hvort að ýmis samtök hafi ekki að geyma þvílíkar upplýsingar nú þegar, > félög kaupmanna í ýmsum fögum eða annað. Það gæti tekið tíma að þræða > vefi eða hringja til að fá upp opnunartíma. > > Á hvaða sniði er opnunartíminn svo, það hefur mér sýnst bara vera > textasvæði með hentistefnu, allt á ensku? > > Er ekki málið að allar verslanir séu merktar sem POI (en ekki area?). > > --Jói > > Þann 30.09.2013 12:21, Svavar Kjarrval reit: >> Hæ. >> >> Nú var ég að koma frá útlöndum (nánar tiltekið Búdapest) og var vopnaður >> OSM korti af svæðinu í OsmAnd. Nokkrum sinnum í ferðinni tók ég eftir >> því að það hefði verið afar gagnlegt ef það væru fleiri POI (Points of >> Interest) upplýsingar fyrir nágrennið og einnig um opnunartíma staðanna. >> Síðan komu upp nokkur skipti þar sem ég var ánægður með að geta dregið >> fram farsímann, kveikt á OsmAnd og látið það vísa mér aftur leiðina að >> hótelinu (sem ég hafði sett í favourites); sparaði mikinn tíma. Ef ég >> hefði neyðst til að nota Google Maps hefði ég þurft að kveikja á mobile >> data í símanum með tilheyrandi kostnaði. >> >> Ef við berum Búdapest saman við Reykjavík er augljóst að miðborg >> Reykjavíkur er með álíka þétta skráningu af POI upplýsingum og miðborg >> Búdapest en miklu meira af húslínum; þó auðvitað mætti bera upp þau rök >> að miðborg Búdapest er miklu stærri og loftmyndirnar þar eru í lægri >> upplausn. En auðvitað væri frábært að gera betur. Því legg ég til að við >> förum í söfnunarátak í vetur til að auka við POI safnið okkar og einnig >> yfirfara þá POI sem þegar eru komnir inn. Við þyrftum þá að hittast til >> að ræða hvernig best væri að standa að söfnuninni og hvernig skrá eigi >> afraksturinn. >> >> Á hverju ári kemur mikill straumur ferðafólks sem veit (nánast) ekkert >> um nágrennið sem það er statt í hverju sinni, t.d. um næstu opnu verslun >> og veitingastað. Þá væri tilvalið að hjálpa þeim með því að veita því >> aðgang að uppfærðum kortagrunni sem ekki þarf gagnaáskrift til að nota. >> Aldrei að vita hvort það sé mögulegt að fá ferðaþjónustuaðilana til að >> aðstoða okkur, sérstaklega hvað varðar þá staði sem hafa enga eða of fáa >> virka OSMara. Tekið yrði samt meira mark á svona samstarfsbeiðnum ef það >> væri til lögformlegt félag í kringum OSM á Íslandi. >> >> Ættum við að kalla saman skipulagshitting fyrir POI söfnunarátak sem >> ætti sér stað nú í vetur? >> Hvað finnst ykkur um að láta verða af því að stofna formlegt félag í >> kringum OSM hér á landi? Þess vegna stofna það í október og með >> einföldum samþykktum. >> >> Með kveðju, >> Svavar Kjarrval >> >> _______________________________________________ >> Talk-is mailing list >> Talk-is@openstreetmap.org >> https://lists.openstreetmap.org/listinfo/talk-is > > > _______________________________________________ > Talk-is mailing list > Talk-is@openstreetmap.org > https://lists.openstreetmap.org/listinfo/talk-is
signature.asc
Description: OpenPGP digital signature
_______________________________________________ Talk-is mailing list Talk-is@openstreetmap.org https://lists.openstreetmap.org/listinfo/talk-is
