Mejuah-juah,
Reh santokna kuakap bualta sekalenda pe, sialo-alon alu ayo mejerngas (ceria)
ayo kasih sayang. Tah gia sekali kurang-kurang pertintangna, je ka me
dalan-dalanta sapih mpersingeti silupanta.
Tersinget kerna "sipanjang punjuten", tangkas teridah ipraktekken per DPR ta,
kulpah-kulpih, sibagadah sibagedih nina gelah persoalen jadi panjang,
kedungenna i "punjut"na serpi sogoken, ma la dage merandal. Amin la ka bo
terligen makana per DPR lit kang si merandal jelmana.
Bagi sirolih-olih tempa cakapta, lit per dpr si tempulak demokrasi , lit ka
rudang demokrasi, encage lit ka rudang-rudang demokrasi.
Je kap lainna sitek, rudang ras rudang-rudang.
Per dpr si jadi rudang demokrasi, e me ia per dpr si muat keputusen alu
arih-arih muat simehuli man bangsa ras negara bagi semalna demokrasi si payo. E
me ia si jadi rudang, njadiken demokrasi jadi mejile, merandal man rayat ras
bangsa secara keseluruhan, la erkapit-kapit.
Adi "dpr rudang-rudang demokrasi" kai?
Jadi anggota dpr jadi jile-jile ngenca, la pernah terbegi sorana, seh bulanna
ngalo honor, kai man cakapenken pe la iangkana, apai ka rayat, la diatena pe.
(Ei me sikumaksud bas postingen perlebe)
Emaka adi anggota dpr si tempulak demokrasi ibandingken ras dpr rudang-rudang
demokrasi, setuhuna bas sada dampar bagi mbulan ras mbentar nge kuakap alias
lalit bedana, sada pe la merandal.
Eak, kai dage teman sedalananen "ula sipanjang punjuten ndai maka dinamis sitek?
Nina tua-tuanta ndube:
"Ula sipanjang punjuten, Sik-sik lebe maka tindes, RAWIN JEMBA muat simehuli."
Dame dibumi, megermet, hahati muat keputusen-mau belajar, Saling mendukung
mencapai cita-cita bersama.
Cita-cita bersama??? Kai ka e???
Ea'ah ula seriussa le, sangana krismon kuta kami enda.
Tabik
--- In tanahkaro@yahoogroups.com, MU Ginting <gintin...@...> wrote:
>
> Rudang demokrasi kontra tempulak demokrasi
>
> Mejuah-juah permilis kerina
> Eak yah, enda ka me enggo ka mulgap sada tema diskusi si kuakap merandal,
> maka pesikap ka perkundulta kerina uga kari kesudahan 'debat' enda. 'Anak
> mudana' jenda emkap dua sembuyak, Pulu Orange ras Pulu Swedia, sebab dua
> istilah enda ndai 'rudang demokrasi' reh bas Orange nari, 'tempulak' reh bas
> pulu Swedia nari. Gia ijenda perlu kang kuakap kusingetken, sebab istilah
> 'tempulak' enda ndai rehna ku milis enda bas kalak Lau Baleng nari posting ku
> milis Fri Nov 28, 2008 berjudul "Guru mbelin aku nina tempulak", je tertulis:
> "Guru mbelin aku nina tempulak, kupangiri kam nina man manuk", ujar Pt
> Theopilus Sinulaki. Encage mekatep kupostingken ku milis, nimai kari si lit
> ka si 'nongkah'sa, gelah mungkin kari iterusken diskusina. Ngaloi sembuyak Pa
> Canggah, senyum-senyum aku sisada ngogesa, enggo cocok nateku, turah mis
> inspirasi nerusken atau to expand the depth and the intensity of the problem,
> sebab arah enda nge ngenca dalan si mungkin ngubah informasi
> jadi pemetteh. Lang informasi tinggal informasi kari ngenca, mis ka
> terlupaken dan selesai. Tapi adi enggo ia jadi pemetteh, ndekkah si inget
> janah banci ipake ibas praktek kegeluhunta.
> Bas 'tongkahen' pulu Orange nari nge ndai maka turah ukurku nerusken
> persoalen enda, lang aku pe ndai enggo me lupa saja bage. Tongkahen maksudku
> enda me, dua istilah enda bertentangan kapken, tempulak bas parlamen, tapi je
> kang turah rudang, janah rudang mejile kapken, erbahan bahagia kerina jelma,
> natapsa saja pe, ertina kebaliken istilah tempulak adah ndai. La beda bagi
> kuan-kuan seh sura-sura tangkel sinanggel. Bas tongkahen nari turah
> inspirasi, turah kreasi, maka enda me pengertian si enggo mekatep ka
> kupostingken emkap kontradiksi adalah tenaga penggerak perkembangan. Lit
> tesis emkap tempulak, encage reh antites emkap rudang. Enggo me kuakap muat
> jelasna. Ijenda ateku kucubaken nulisken syntes-na atau syntesis-na, ibas
> hukum perkembangan dialektika tesis-antitesis-syntesis (Hegel). Enggo me
> mekatep sitik kupostingken soal enda, mebera ula kita bosan hehehe . . . ,
> sebab jenda mbue denga teku kutambahken.
> Selain jasa pulu Orange, la ka kita lupa jasa Pt Theopilus Lau Baleng nari,
> sebab ia nge ndai sumber pertama tesis enda ndai ('tempulak'). Teridah jelas
> ijenda adi aku sisada la cukup bahan (materina) nerusken pemikiren enda; mbue
> jelma, mbue mata, mbue cuping, mbue babah, mbue singerana, mbue tangent bord,
> mbue media, mbue milis, mbue tabloid maka jelas me muat buena ka kemungkinen
> ndungi tulisen enda. Enda sada penjelasan perubahan kuantitas ku kualitas.
> Teridah jelas ijenda uga kerina kuantitas adah ndai enggo mempersiapkan
> syarat siperlu ku perubahan kualitas. Bagi sikukataken, adi aku mindai
> sisada, maka lenga tentu kuterusken tulisen enda, lenga tentu lit (bas aku
> nari) peningkatan ku syntesis. Ertina la lit perubahan kualitas atau
> penjelasan perubahan ku kualitas bas aku nari. Tentu penjelasan bas ise nari
> pe termasuk kang atau berlaku kang.
> Bicara mindai ikut Pt Theopilus Sinulaki bas milista enda, tentu ia pe meriah
> kang mindai kapna ngikuti 'perdebatan seru' enda. Sebab enda man bana jadi
> semacam feed back si positif. Feed back sibagenda perlu man isepe, man banta
> kerina tiap jelma perorangan. Tapi lit kang respons si ndorong perkembangan,
> emkap 'tongkahen' adah ndai, sebab jenda nari nge rusur katepen turah si
> mbaru, gia enda lit kang risikona tersendiri (terutama bas kita Karo), banci
> ka kalak putus asa, banci ka sinik sitembehen, banci ka siruntus-runtusen
> piah lanai siperkuanen, banci ka terjerumus ku masa peralihan la sitteh
> asakai dekahna, tapi banci ka melahirkan kreasi, inspirasi, energi baru, bagi
> sikukataken idatas, ertina jadi tenaga penggerak perubahan. Tentu enda me si
> idealna.
> Ugakin carana maka tercapai si ideal enda ndai?
> Sangana mbarenda ku 'cetusken' pertama kali soal segi negatif atau kestatisan
> ula sipanjang punjuten, melala kang si nongkahi, tapi tetap lenga ku dat je
> nari istilah si cocok sebagai antitesis ula sipanjang punjuten adah ndai.
> Maka ku pala-palai ka erbahan antitesisna, ula mantangken sipanjang punjuten
> ningku salah sada, tapi labo kuakap cocoksa, lalap ngasa gundari pe lenga lit
> permilis si kebetulan ngirimken istilah antitesis si kenna. Permilis si
> nongkahi adah ndai pe labo kapken sengaja ndarami istilah si cocok ku tesis
> si kupostingken, sebab tongkahen enda pe kapken rehna secara alamiah saja,
> atau naluriah, ertina arah sicocok bas ukur saja nge, janah em kuakap si
> tengtengna, kataken saja apa siakap si la tengteng atau bagepe si tengteng.
> Sebab kontradiksi enda kapken rehna diluar kendali kesedaran megati ka
> kusingetken. Pulu Orange pernah kang ningetken, mbatasi pengerananta gelah
> ula mbue salahna, tapi nina ka banci kang kari mbiar ka kita
> ngataken kaipe. Maka uga kin dage, jelas nge man banta kerina adi la kita
> ngataken kaipe, eak . . . la ka bo lit kaipe, janah bas la kai nari, ma la
> kabo lit kaipe, megati ka kukataken. La lit kai pe man jadi titik tolakta.
> Kata-kata banci ngelahirkan ide, la lit ide la lit gagasen kaipe, kai ka kin
> banci ibahan bas praktek?
> Maka labo kuakap perlu mbiar ngataken pemikiren si ugapana pe, adi salah pe
> ma maklum kang kita bas milis enda, artina jenda nge inganna. Bantahindu saja
> atau tongkahindu saja ningku mekatep. Tapi ntah mekeleksa ka istilah-istilah
> enda, perbahan kita kalak Karo. Tapi la kin lit cara Karo enda ndai maka
> cocok bas ngembangken si tongkah-tongkahen (kontradiksi) enda ndai bas kita?
> Sebab enda nge sada cara penting man banta sebagai etnis, erbahan perubahan
> cepat ngikuti perubahan ras perkembangan zaman sibegenda ka cepatna. Bas
> milista enggo kuakap mbue perubahan bandingken10 tahun silewat. Nai melala si
> nembeh encage ngadi. Gundari enggo muat buena si tahan 'itembehi'. Muat buena
> si pang ngikuti ras ndalani tesis-antitesis-syntesis adah ndai, ertina enggo
> muat kebalna. Enda berguna man Karonta, man banta kerina ibas ngadapi
> tantangan diluar Karo. Ijah kari lanai bo lit singangkar-angkar, asak dan
> gasak saja, sitalu minggir, piah nandangi keri daerahta
> iasak kalak.
> Contoh tipical sideban emkap kalak Simalungun ras Pakpak, Alas bagepe Gayo.
> Dua sipertama enda enggo jadi tamu i daerahna sendiri. Adi la lit persiapan
> maka Alas pe nandangi kujah kang. Emaka i daerah-daerah enda enggo jadi
> persoalen hidup-mati soal tirani mayoritas. Perang etnis berikutna, enda me
> dasarna! Gundari sanga ngumpulken mesiu bom waktu, api dalam sekam. Kuja kin
> ngadu atau perkiamna kalak Pakpak atau Simalungun adi talu terus menerus
> sebab la mungkin menang ibas pemilihan 'demokratis'? Ku senjata atau lenyap..
> Lanai bo mbue siman pilihen, gia nimai waktu, momen si tepat atau momen si
> lanai tertahanken.
> Adi DPRD Sumut 85% Tapanuli atau DPDnya 100% Tapanuli, enda kapken terpilih
> secara demokratis, atau dengan perkataan indah lainnya 'adil'. Adil kin enda?
> La kin enggo me patut atau ulin adi istilah Sumut ganti istilah Tapanuli
> saja? Enda me tirani mayoritas ndai. Piga kali enggo pemilu, legislatif atau
> DPD, atau gubernur sekalipun. Perlu denga kin kita ngarapken maka kalak Karo
> banci menang bagi arapen kalak Pakpak i Dairi atau kalak Simalungun i
> Simalungun, atau bagi etnis-etnis minoritas di NAD dimana semua bupati
> daeranya adalah orang Aceh, kecuali Gayo? Enda me hasil pemilihan demokratis
> ndai kerina. Ngelamun kita atau rukur kita. La mungkin jadi pahlawan
> demokrasi ibas daerah tirani mayoritas. Ganti lamunen, ganti perukuren. Enda
> ngenca dalan man banta. Ngikuti atau mempertahankan demokrasi sibagenda
> nandangi pendonen nari nge kita.
> Tapi untungna enggo mulai perjuangan pemekaran, Karo/Sumtim, Protap/Protabar,
> Sumtra. Maka kita perlu ndukung kerina pemekaran enda ndai, janah ula ka lupa
> pemekaran daerahta sendiri pe, jadi piga-piga daerah otonom, persiapan modal
> bargaining politis, prop Karo atau Sumtim. Lang jenda pe kapken akumulasi
> mesiu adah ndai kang pasti. Maka jenda me perluna kita beluh sitongkahen adah
> ndai, sesama kita bagepe terutama ngadapi luar, sebab jenda me persoalen
> survival Karo. Erperang kita atau ngerana kita. Enggo me sibahan pilihen,
> enggo ndekah. Erperang ndai lanai lit pemettehta sebab enggo ndekah
> sitadingken, maka ngerana ndai, er argumentasi ndai sipebue pemettehta.
> Sipebeluh-beluh banta janah sipegiat-giat ka. Lang talu ndai nge rusur, muat
> dekahna muat buena ketalunta, muat buena daerah iasak kalak. Talu ibas
> kekuasaan, talu bas ekonomi, ngikut jelas talu bas kultur-budaya. Encage
> enggo me talu bas segala-galanya.
> Bagi sinimpang ka kuakap enda, kuterusken sitik nari soal rudang ndai yah.
> Rudang demokrasi adalah tempulak demokrasi. Ih . . . uga ka kin kam ena
> bengkila, la lah kam enggo mehado ena, rudang labo kap seri ras tempulak?
> Taoism, sada aliran filsafat si mbue dialektikana, maka menarik ka kuakap.
> Pernah kang ku postingken ku milis, Lao Tzu 500 BC enggo ngataken If goodness
> is taken as goodness, wickedness enters as well, nina. Jadi wickedness enda
> ndai lekket kapken bas goodness, atau si jahat lekket nge bas si mehuli..
> Selanjutna nina kalak enda, labo lit kalak jahat bagepe kalak mehuli, sebab
> kalak mehuli pe banci kang erbahan kejahatan, bagepe sebalikna mbue kang
> contohna. Maka labo kapken jarang kita sengget, ih la kusangka anak adah ndai
> erlagu bagadah atau bagedih, la sisangka ia erbahan si la mehuli, gia ia
> kalak mehuli. Ibas Parlemen/legislatif atau ijapape pasti nge lit rusur dua
> erbage manusia adah ndai atau sitepatna sifat dua erbage manusia adah ndai.
> Encage apai si berdominasi bas moment enda, eime si encelakakan kita atau
> pehuli kita. Maka good ras evil adah ndai bagi mata uang logam, duana bas
> sada coin. Kita similih-milih enda katepen nge bagi si ertuak
> (mata uang adah ndai) katawari menang, katawari talu. Atau berusaha se
> selektif mungkin, tapi tetap nge la 100% banci bagi bas ukurta. Kai kin bas
> ukurta enda, ertina gelah dominasi semehuli adah ndai min, dominasi goodness.
> Tapi adi je enggo dominasi evil, uga sibahan?
> Engkai maka dominasi evil, banci kang sibahas alu soal perkembangan
> kesedaranta atau tingkat perkembangan sejarahta gundari enda. Eh enggo bagi
> singgedangsa ka kari posting enda. La teku ngenehen kujah, tapi kuarapken kam
> si lit kesempatenna nuriken soal enda seh ka nge kari randalna. Maka ningku
> bas posting silepus, labo kapken tempulak enda ngenca siman ubahen (change
> ndai), tapi siterpenting emkap si anti-tempulak enda nge si la kalah
> pentingna berubah, sebab si anti-tempulak enda nge ngenca si mungkin ngubah
> situasi bas parlamen adah ndai, gelah ije banci mungkin tergoyang kombinasi
> dominasi good atau evil. Anti-tempulak enda emkap ktia rayat biasa, terutama
> anak-anak mudanta ras mahasiswa, agen perubahan nina kuidah gundari.
> Ih, lenga ka bo kuakap puas nuriken sitongkahen adah ndai, lenga ka bo kuakap
> lit gunana si enggo kuturiken, lit singangkaisa tah lahang, sebab soal
> sitongkahen bas Karo seh kuakap beratna. Uga enda penahangsa lalap kang la
> lit kesimpulenku. Sada si kuarapken kam anak-anak muda sibiak permen-permen
> kami labo kap lit pantangen kai pe belaskendu, atau nongkahi siugapanape man
> sibiak bengkila bas kita Karo, kuakap enda pe banci kang igunaken bas ndarami
> celah perkembangan enda ndai, melestarikan kultur. Tentu lain kang adi
> erkalimbubu, lit kang min maka ula melasang ninta sebab mehaga man kalimbubu.
> Adi nai kapken lalit persoalen, sebab banci nge kita sinik saja. Gundari
> lanai bage, ngerana ndai perlu (erperang atau ngerana). Ersenina metenget ka
> kita, tapi labo lit 'pantangen' sitoganen adah ndai, bagi ibahan sembuyak
> pulu Orange. Kai si ateku kucubaken ngataken ijenda emkap, pelestarian kultur
> Karo enda ndai gelah min jadi pendorong bas tujuan enda ndai,
> jadi pendorong si positif, silahangna ula jadi penghambat bas perkembangan
> tujuan argumentasi ndai. Bas soal enda me sicubaken pepulung kata.
> Enda ka lebe
> Bujur ras mejuah-juah
> MUG
>
>
>
> __________________________________________________________
> Låna pengar utan säkerhet. Jämför vilkor online hos Kelkoo.
> http://www.kelkoo.se/c-100390123-lan-utan-sakerhet.html?partnerId=96915014
>
