Andig-anding Presiden: Pepatah Gajah dan Harimau untuk Aparat Pemerintah (http://nasional.kompas.com/read/xml/2009/08/03/11305767/pepatah.gajah.dan.harimau.untuk.aparat.pemerintah)
President sinatang layarta kepeken termasok saingan berat sembuyak kami Jonathan Ginting bas soal anding-anding. Nderbih, sanga encakapken RAPBD 2010, presidenta la lupa randing-anding, reh nina "Gajah mati meninggalkan gading, harimau mati meninggalkan belang". Nina mereken antusen anding-andingna: "Saya ingin mengingatkan seluruh jajaran pemerintahan di pusat dan daerah untuk tidak melakukan korupsi" Alu bage, nina tole nari "..apa yang dilakukan akan meninggalkan nama yang baik. "Nama yang akan dikenang oleh rakyat, jauh setelah kita meninggalkan jabatan yang kita emban," Adi ikomentari ate, mbue kel nge min banci komentarta nandangi anding-anding pak presiden enda ndai me? Saja adi presiden kel aku nina, tah meganjangsa nge min ikomentari teku ka senembas. Lit sada komentar per kompas, nina bagenda: "Pak Presiden, jangan cuma berperibahasa saja,,,,, tapi, buktikan > SAPU BERSIH KORUPTOR !!!!!!!!!!" Payo kel, bukti nge sikata tuhu, adi ngerana, apaika randing-anding, kai kin la banci ibelas. Semola kin negaranta pajek, kerinana pejabatna la pernah ketadingen ersumpah, erduhum la nggit erkorupsi kinahun ndalanken jabatenna. Teori2 anti korupsi pe lanai lang-lang buena ibelas-belas. Tapi korupsi lalap la mantak. Alu meneken tah ngkurangi korupsi, sekolah la nggalar, ertambar la merga, dalan kutiga mehuli rsd rsd setuhuna seh kel bancina i realisasiken nina piga-piga teman. Tuhu kel, siakun nge kita kerina, tapi bagi katanta ndai, uga ngkurangi pinakit korupsi e? Tah enggo me perlu lit gerakan siluman anti korupsi bas rayat sirulo nari, ise kenca korupsi, silepken cap garpu ku kikikna, ma piah jerra ia. Lang uga nari ban? Erbelas jelma mentas2. Masalahna ise si nggit bas gerakan e?? ise si pang?? Eee..kena me je le, adi si silep2 cap garpu kin. Soalna tek aku maka bas musim-musim pilkada sireh enda, program-program anti korupsi rikut program pembangunen si mehantu ugapa pe ndaraten nge pagi, ertima kita nina Kempu Pa Longgar Jabar nari. Lang sitimai Presidenta nggera perkorupsi ku penjara bage nari nge, janah-janah randing-anding tah banci nge pagi erdalan. Pala... Mejuah-juah, salam mejerngas, salam awal bulan