Renungan La lit siman tawaan bas kita Karo . . . Megati kubegi uga kalak Inggris nawai dirina atau keluargana. Kalak enda seh nge motuna teku mekatep. Aku kapken kalak Karo, terhormat, serius, la lit kai pe siman tawaan bas geluhku, nina bas ukurku, nai nari janah menam bagem rusur. Bangga ka aku, megah kuakap jadi kalak Karo. Muat dekahna aku nggeluh atau ngidah kegeluhen enda, muat lalana ka kuidah jelma bagi kalak Inggris adah ndai. Nawai bana. Iiih ugapape tetap nge motu . . . teku me rusur. Dungna piah bagi si curiga ka aku sitik man perukurenku enda ndai. Payo kin lalit kai pe si man tawan bas geluhku enda teku rempet. Ku ukuri, kurenungken ku pudi, terbagesen . . . kepeken menam kerina nge bas geluhku ndai man tawaan. Muat dekahna ku ukuri piah muat buena problem ndai lanai jadi problem tapi man tawaan Ih . . . kalak Inggris adah ndai kalak beluh kepeken teku dungna . . . Enggo ndekahsa aku jadi kalak motu teku. Enda ka lebe curhatku man kalak Karo si lalit man tawaan Selamat week end MUG
__________________________________________________________ Går det långsamt? Skaffa dig en snabbare bredbandsuppkoppling. Sök och jämför priser hos Kelkoo. http://www.kelkoo.se/c-100015813-bredband.html?partnerId=96914325