Essalamu eleykum, Gheyret ependim we kopchilik Bugun azraq waqit chiqirip, Ubuntu heqqide yene azraq bash qaturup, bezi nersilerni his qilip, siz bilen ortaqlashqim keldi.
[1] Ubuntu gha hazir qiliwatqan nersilerni yollishimiz uchun 2 qedem ketidiken. Mesilen, kunupka taxtisini XKB gha yollaydikenmiz. Ubuntu andin XKB din bolaqni elip, yengi neshir nusqisini hasil qilidiken. Shunga Ubuntugha yollinidighan, biz qiliwatqan nersiler hemmisi wastiliq, 2 qedem bilen bolidiken. [2] Bu digenlik, nawada waqit qistap qalghan waqitta qilghan nersimizni munasiwetlik upstream gha yollisaqmu, bu nersiler keyinki Ubuntu neshirge kirguzulmey qelish ehtimalliqi bolidiken. Chunki ariliqtiki halqilarni, waqitni biz kontirol qilalmaydikenmiz. [3] Windows 7 bizni na'umit qoydi. Uningdiki kunupka taxtisi we font ehtiyajdin toluq chiqalmaydu, yene ustige font we kunupka taxtisi qachilimisa bolmaydu. [4] Windows qa qarighanda, Ubuntuni biz qandaq qilimiz disek shundaq qilalaymiz, ixtiyar, kontirol qilish imkaniyiti putunley bizde bolidiken. Uning ustige Ubuntuni qattiq diskigha qachilimay, CD din qozghap ishletkili, yaki USB barmaq diskigha qachilap shu yerdin ishletkili bolidu. Mushu nuqtilarni oylashqanda, biz uchun Ubuntu ning yoshurun bayliqi Windows 7 din nahayitimu mol. [5] Ubuntuning keyinki neshri aldimizdiki 10-ayda chiqidu. Biz hazirghiche hepiliship yurginimiz bilen, texi birmu nersini Ubuntugha yollap baqmiduq. Shunga qiliwatqan ishlirimizni retlep yaki tezlitip, aldimizdiki 10-ayda chiqidighan Ubuntu neshrini nishan qilip, ishlarni tezrek algha qarap siljitsaq. 10-aydiki Ubuntu nusqisigha amal bar men aldinqi elxette eytqan 4 muhim ish (imla uchuri, font, kunupka we yerleshturush) ni ulgurtup puttursek. [6] Shunga hazir kichik perqliqlerni tashlap, asasliq nishanni Ubuntugha qaratsaq. Choqum 10-aydiki yengi nusqisini nishan qilsaq. Elwette bu waqitqiche terjimining putushi natayin. Shundaqtimu yuqurdiki 4 nuqta tamamlansimu biz uchun chong ghelibe bolidu. [7] Shunga men bu ehwallarni oyliship, kunupka taxta ishida, UyghurEdit tiki talash-tartishni toxtitimen. (Buningsizmu, bu mesilini Alim ependim biri kunupka, yene biri kirguzguch dep mesilini aydinglashturup berdi.) Biz emdi kunupka ishida nishanni Ubuntugha qaritip, qisqa waqit ichide bir kunupka layihesini XKB gha yolliwetsek. Urumchidiki hokumet yighinini saqlap olturmisaq. [8] Bundaq deyishimde, (a) waqit qanche keynige surulse, bizning 10-aydiki nishan'gha yetishimiz uchun shunche paydisizken. (b) nawada hazir bir kunupkini yollap, keyin uni yene ozgertish ehtiyaji tughulsimu, "bug report" yoli bilen uni ozgertishke tamamen bolidiken. Kunupkidiki kodta mesile bolmighachqa, kona kunupka bilen kirguzulgen tekistlardin endishe qilip olturush hajetsizken. Kod xataliqi mesilisi mewjut bolmaydiken. [9] Hazir qiliwatqan ishlirimizning hemmisi asasen putup qalay dedi. Mesilen, imla, kunupka, yerleshturush hojjetliri asasen teyyar disekmu bolidu. Hazir waqitni ching tutup awal bularni tezlikte yuqurigha yollashqa tirishchanliq korsiteyli. Bu 4 nuqta ichide, eng kop waqit alidighini font bolushi mumkin. Shunga font ishinimu hazirdin bashlap ching tutsaq. Birni putkuzsek birni yollap tursaq, keyinkisi putkende uni yene "update" yoli bilen yollap bersek bolidiken. [10] Terjime ishi heqiqeten qol tutidu. Bizning adem kuchimiz az bolghachqa, terjime ishida anche ilgirlesh bolmidi. Bu ish uchun men mundaq oylidim. Wetende Irpan we yaki Uighursoft shirkiti we yaki bashqa pul tepishni meqset qilidighan birer shirketke bu terjime qilish ishini otkuzup berip, siler buni Uyghurche terjime qilip chiqip, neshir qildurup satamsiler, qandaq qilsanglar qilinglar, biz UKIJ namidin heqsiz texnikiliq yardem bilen teminleymiz disek, terjime sur'iti tezlishishi mumkin. Bu waqitta hemme terep kozligen meqsetlirige yetelishi mumkin. Wetende hazir un-sin sodigerliri Amerikining kop qisimliq turmidin qechish filimini Uyghurche awazliq terjime qilip, neshiriyattin resmiy DVD qilip neshir qilip, setiptu. Bu filim Jungguda qanun jehettin cheklen'gen, yeni CCTV dek hokumetning birer TV istansisiliri resmiy TV da qoyalmighan filim idi, hokumet testiqlimay. Buni terjime qilip DVD qilip setish mumkin bolghan yerde, Ubuntuni terjime qilip, resmiy neshir qildurup setish ishi bek teskimu toxtimas dep oylaymen. Irpan we Uighursoftning burunqi tejirbiliri buni qilishqa tamamen qurbi yetishi mumkin. (Yaki Sahran ependim birer shirket qursimu, burunqi Uyghurche qilip putturgen nersilirini neshir qilip satsimu, xele kop mehsulatliq bir shirket bolup qalatti. :-), buni Sahran ependim we dostlirining oyliship korginining artuq yeri yoq.) [11] Ubuntudiki Qazaqche-Qirghiche mesiliside, hazir biz Ubuntuni kochilap yurup, nurghun yerlirini ogenduq we uni Uyghurche uchun xizmet qildurushning texnikiliq halqilirini 100% igellep bolduq. Hem bu Uyghurche qilish jeryanida tejirbimu topliduq. Hazirqidek shara'itta uni yene Qazaqche-Qirghizche qilip chiqish uchun (korunme yuzining terjimisini oylashmighanda) imla, kunupka, yerleshturush hojjetliri uchun, bek ketse 2-3 kundin artuq waqit ketmeydu. Uighursoft we Alpsoftning fontlirida Qazaq-Qirghizche herpler bar. (Belkim UKIJ Tuz Tom dimu bardek qiliwatatti, hazir esimde eniq yoq. Elpida qandaq, buni bilmeymen.) Shundaq bolghanda, Uyghurchini qilghan yerlirige, 2-3 kun artuq ishlisek, Qazaqche-Qirghizchini tamamen qilip chiqalaymiz. Nawada buni shular ozliri qilsun disek, ularmu bizge oxshash bashtin kochilap yurishige toghra kelidu, netijide ular buni qilalamdu-qilalmamdu bumu yene bir mesile. Burundin tartip Qazaq-Qirghiz qerindashlirimizning kompyuter ishlirigha asasen Uyghurlar yardem qilip keldi. Bu Ubuntu ishidimu, texnikiliq ishlar hazir qolimizdin tamamen kelgendikin, bunimu qilip qoysaq, bu bizning ulargha yardimimiz bolup qalidu, Ubuntuning kengiyishigimu paydisi bar. Hazirche oylighinim mushular. Aldinqi elxette men Uyghurche imla hojjitini yollap, kopchilikning tekshurishige sun'ghan idim. Siz uni bir kozdin kechuriwatsingizla men uni derhal upstream gha yolliwetsem bolidu. Kunupka ishida biz UyghurEditni oylashmisaq 100% birlikke kelip bolghan iduq. Mushu asasta kunupka hojjitini yengilap chiqsaq, bumu bir qanche kunlukla ish. Qaldi ishtin, yerleshturush hojjitige men yene bir qanche kun serp qilsam umu putidu. UKIJ Tuz Tomni siz tuzetsingiz, uni tekshurup, sinaydighan'gha 1-2 hepte ketti digendimu, bu ishlarning quyruqini, 20 kun yaki kechikkende 1 ay ichide uzush tamamen mumkin. Awal bu ishlarning quyruqini mushundaq uziwetip, andin qaldi talash-tartish, muzakirilerni aldirimay qilsaq, biz yollap bolghan nersiler 10-aydiki Ubuntu 10.10 neshrige ulgurup sistemigha qetilsimu, bumu biz uchun bir chong ghelibe bolidu. Bek qol tutidighan ishtin shu terjime qaldi. Buninggha bizning hazirche amalimiz yoqken. Aldirisaq, men yuqurida digendek bu terjime ishini wetendiki birer shirketlerge otkuzup beriwetsek, bashqa texnikiliq ishlarda biz yardem bersek, terjimini mushundaq puttursek sizche qandaq bola? Bu mumkin bolmighanda, Ubuntuning korunme yuzini Xenzuchigha tengshep qoyup ishletsimu, u yenila Uyghurchini qollashta Windows 7 din esil bir sistema bolidu. Muzakirilernimu qilip asasen bir yerge aparduq, emdi qol selip ishlep, netije chiqirip, waqitni qoldin bermey, 10-aydiki Ubuntu 10.10 neshrini nishan qilsaq.
_______________________________________________ Mailing list: https://launchpad.net/~ubuntu-l10n-ug Post to : [email protected] Unsubscribe : https://launchpad.net/~ubuntu-l10n-ug More help : https://help.launchpad.net/ListHelp
