Lumony UPDF, LDU giwunu reya James Ojwiya
LUMONY UPDF ma gurube ki LDU ma gitye ka gwoko lwak luring ayela ma i kema Lira Palwo kombedi dok gucako tim aranyi woko me pwodo reya ma i kema meno calo olum olum. Ripot man lacoc omoko ki bot lwak mapol ma i kema meno kun gitito ni lumonyi ka kicwalo gi otyeno ka gwoko lwak, gin dok loke ka pwodo dano nono nono. Lumonyi teki gunongi ibedo i dog odi mot, joni turu mere ma lut (Ingia ndani) dony i ot. Ikit tim gi ni gubin gupwodo mon aryo me Bulok 18 naka guwano gi woko. Ikare ma kicwalo loki i opici pa latela kema ki wonkom LC3 joni gukwanyo mon ni gucwalo wa i barak bot lalub kor ladit Captain Okech ma pud owoto i pass ni. Lalub kor laditi obin okwayo kica bot mon ni kun tito ni en onongo epeke ki ngec mo. ! Dong ka lok tye kumeno, ci ebilubo kor lubali ki cik. En kono obin oye mado mon aryo ni. Luloc gubin gunyutu cwer cwiny gi kun gitito ni ka lakit tim ni bimede ci gibimiyo ripot woko bot Lt. Colonel Lokech. Captain Karuma pud tye i buc pi tic caro ne ma oweko adui LRA obin oneko dano 23 kulu idwe 3, 2004. Lok me lumony ki LDUs goyo reya winye malik, ento tye ka time. Myero lutela me mony oyab wang gi me juko lakodi tim man. Tim man omyero ogik bot LRA pa Kony ma kwiya piny. Published on: Wednesday, 9th June, 2004 -------------------------------------------- This service is hosted on the Infocom network http://www.infocom.co.ug