Imung ikom won nyaci
Acoc me Rupiny
OTYEKO niangere aber imung ame omio wiro Won Nyaci me Lango tye agale.
Ikweda ame wan otimo nyuto ni me acel; yero Won Nyaci pe otimere kakare pien obedo ika kwanoro (workshop) ame obedo i taun Apac i mwaki aryo okato angec.
Me aryo, Langi okene tye akok ni Pen cik akwako keto Won Nyaci i kom tic atir atira pe tye ame man weko tic ame Won Nyaci bino tiyo pe tye aniango jo.
Jo tye akobo ni Yosam Odur, pe twero bedo anyut aber (role model) bot Langi pien rwom me kwanere tye piny.
Gin dang tye akobo ni cinge pe dyaka dang ot kerere pe tye.
I tekwaro me Lango pe tye Rwot Adwong ame rik loo Lango ducu.
Rik tye ka Owitong me Atekere apapat ame tyeko kop ame kwako Atekere moro ni.
Ka ikare ame peko opoto ikom Lango, owitong me atekere apapat bedo piny ote yero atel wi mony (Won Nyaci) me telo jo idog lweny.
Ka lweny otum, tic a Won Nyaci nwongo dong ogik oko, ento te dok ture wot pur bala La
ngi
okene.
Koko okene tye ni cente me gwoko Won Nyaci pe tye pien onwongo myero kanycil me Apac kede Lira bed piny ote moko lim (vote) moro me gwoko adwongi kede tic me opici mere acalo rweyo lwak pi ngeyo kede gwoko tekwaro.
Pol ajo tam gi tye ni kong tyek kop me kuc eka purugram me keto Won Nyaci te mede pien obedo gin me lelo, mara kede deo ame pe pore kede kare man ame can adot odio Langi kede lwak me tung malu woki.
Adwongkom me Lira distrik, Franco Ojur con obin okobo ni ot ame rik jo ngeo ni obedo me a Won Nyaci ni pe kop ateni ento me a distrik.
Man dong moko kan aler ni ot (palace) nyo kagwoko wele a Won Nyaci pe tye.
Published on: Wednesday, 16th February, 2005
----------------------------------
Do you Yahoo!?
Yahoo! Search presents - Jib Jab's 'Second Term'
_______________________________________________ Ugandanet mailing list Ugandanet@kym.net http://kym.net/mailman/listinfo/ugandanet % UGANDANET is generously hosted by INFOCOM http://www.infocom.co.ug/