RE: [UrangSunda] Simpe euy....kongress

[Hendri Mulyana]

Halow Kang Panzi miwah baraya sadaya, Puguh cararangkeul keneh ba'da kongres teh. Rek ngadongeng tapi teu puguh kudu ti mana heula. Ieu mah versi uing we atuh nya, nu seurieusna mah ke ku Mang J atanapi Ua Sas :   Indit ti cikarang teh niatna mah rek nyubuh da sok biasa ari pere panjang sok ngantay di jalan jiga nu keur kompanyeu. Jam genep kurang Neng Ani geus nyampeur. Uing mah disasarung anduk keneh da sare rada peuting teuing, budak rada rewel, indungna oge. Jam setengah tujuh budak nyaring, terus dimandian. Antukna mah berangkat teh keukeuh jam tujuh.    Perjalanan cikarang - Sadang lancar. Palebah kaluar tol sadang ngarandeg rada lila sabab ngantri lampu hejo koneng beureum di parapatan. Naha atuh bet teu hejo we kabeh nya, meureun lancar sarerea. Lumayan aya opat puluh menit di dinya. Liwat ti lampu, wahon ngageuleuyeung nepika kota purwakarta, laun tapi lancar. Reg deui dilebah pengkolan ka jatiluhur. Kakarayapan mani seuseut. Geus liwat kota mah lumayan rada ngabiur. Kajongjonan nincak gas jadi poho ngerem, antukna di palebah tanjakan samemeh pabrik enteh panglejar, wahon teh rada noel bujur treuk. Duka pedah treuk na mani demplon jigana. Alhamdulillah masih ditangtayungan, ukur lecet bemper dua eutik.   Kacaritakeun sanggeus rada nyasab opat kedapan, jog anjog ka rajamantri bumina Pa Deden tea (MJ mah teu daekeun diakukeun bumi anjeuna teh, he..he..). Harita tos nyampak Abah Willy sareng Ua Sas. Ari pribumi mah ceunah geus ti baheula keneh aya di dinya. Sakedapan ngawadul nyacapkeun kasono, jol aya bapa-bapa rada sepuh uluk salam. Ua Sas ngareret ka MJ, "saha ?" ceunah. Ari nu ngajawab sikuring da apal eta teh dosen kuring baheula keur jaman sakola. Wastana teh Pa Rasjidi. Anjeuna teh diulem ka kongres pikeun dipulungan pangalaman tarung di DPD tea.   Jul jol nu dongkap saparantosna. Kang Tatan nu ninggalkeun selip gajih di kantor bakat ku sono ka kongres, Kang Boim, Aki Aang nu pas dinten eta ngawitan MPP (masa persiapan pernikahan jilid 2 ?), Kang Asep Salmon nu nembe damang saparantos keuna serangan jantung (mugia sing saterasna sehat). Teh Yetty ? baladna Mama Manar (lah uing poho, punten nya teh, namina bilih lepat), Mama Manar, Ua Jawa (Jaja Wahja ?). Rada elat jol Kang Kandar sareng bebene-na, oge Neng Pupi sareng bebene-na deuih.    Gempungan teh lumayan rada daria, bari sakali dua kabengbat ku si nail (incu mitoha sikuring) nu gegerewekan ngungudag ucing. Keukeuh heureuy mah teu kalangkung. Diselang ku Sholat Lohor. Ba'da lohor dipapagkeun ku tumpeng nu ni'mat kacida (duh inget tumpeng mani ngaguruwuk pejit yeuh..). Mani mindo da rumasa keur raa RW06 tur tibaheula taya kaera. Rada hanjakal na teh semur jengkol ti pabrikan margawangi rada suwung, ceunah mah nuju setop line teu aya bahan baku.   Tos heula ah, Biantara na mah keun jatah sohibul bet.       -----Original Message----- From: Kenzi [mailto:[EMAIL PROTECTED] Sent: Tuesday, May 04, 2004 9:10 AM To: Milis Kusnet Subject: [UrangSunda] Simpe euy..../Bouncing kitu...?? Assalamu'alaikum wr. wb. Wilujeng enjing baraya sadayana.. Naha mani simpe kieu ieu lembur teh, bouncing kitu email nu kuring teh..?? atawa emang teu aya nu ngulampreng ka ieu lembur, carape keneh panginten nya... tos laliburan salami 3 dinten, komo kang toni mah, sigana capena kacida da tos ngabedahkeun tea... hehehe...   Mangga ahhhh...   Panzi (Ngantosan oleh2 Kongres kamari...)   Komunitas UrangSunda --> http://www.UrangSunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.