Poe kamari mah teu posting hiji hiji acan, rada pakepuk.Atuh pabeubeurang, keur jam istirahat ngaleos ka pasar buku Suci rek nohonan jangji jeung kios buku nu ngaku ngajualan buku heubeul, pedah kuring teh pesen buku Jonathan Rigg (Kamus Sunda Inggris nu terbit taun 1920an), geuning can anggeus dijilid deui, enya menta dijilid deui da jilidna geus rada ruksak.Di kios buku teh rada lila ngawangkong, bari resep ningalian buku buku heubeul sejena, malah aya buku peta meunang Van Bamelen peta pulau Jawa (1949 asana mah), Alhamdulillah meunang buku kamus basa Sunda-Walanda LA Lezer taun 1930an ( teu kawentar ieu pangarang buku teh, eleh ku Colsma).Buku anu dipesen can aya cenah mah keur dikirim ti Bogor, fotokopina History of Jawa/ Raffles, atuh peta Jawa barat kuno ge can aya cenah mah poho teu ka bawa.Kios Buku Tanah Air, ngaku ngajualan buku/kar/peta kuno, malah kungsi asup kana Majalah Tempo, ngan inyana anu ngajual jeung ngarumat buku kuno di Bandung teh.Kuring nanya nu kumaha anu disebut buku kuno jeung anu mahal teh, ceuk inyana aya istilah antiquariat, nyaeta buku buku kuno nu eusina alus, bukuna kaciri mulus keneh, terbitna terbatas, umurna leuwih ti saratus tuan, aya untungna wawuh jeung Mas Hidayat teh, kuring jadi loba tatanya, ceuk inyana aya buku anu hargana nepi ka tujuh puluh juta rupia, teuing anu kumaha atuh.Buku buku anu aya pakait jeung Sunda mah teu mahal mahal teuing, ana kitu teu disebut antiquariat, tapi keur kuring mah nya kaasup mahal we, da eta we buku kamus Jonathan Rigg teh teu ongget ongget tina harga 150 rebu, beu....kudu ngurangan ngaroko yeuhh...!!MSasmita
Komunitas Urang Sunda --> http://www.Urang-Sunda.or.id
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
