Assalaamu'alaikum,
Kahatur baraya sadaya, hususon ka baraya enggal di ieu milis. Wilujeng sumping, wilujeng tepang sareng Komunitas Urang Sunda di Internet (KUSnet) saalam dunya di rohangan ieu milis. Salajengna ti pangbagea, simkuring seja ngawawarkeun perkawis acara halal bihalal/kongres KUSnet nu direncanakeun bade lumangsung dua minggon satutasna boboran siam, sasih Nopember engke. Kanggo langkung jentrena, mangga aos uleman di handap ieu. Dugi ka ayeuna, nu parantos daptar aya 45 anggota, total nu didaptarkeun aya 90 urang dewasa, ditambih 33 urang anak bawang. Ka nu teu acan daptar, mangga diantos. Wassalaam, Baktos, sikandar tea, kuncen pangbaongna --------------------------------------------- Kahatur, Para wargi sadaya, komunitas urang Sunda di Internet. Sakumaha anu sateuacanna kantos didugikeun sarta kauninga ku sadaya, yen aya rarancang Kongres (ngawangkong teu beres-beres) Komunitas urang Sunda di Internet (Kusnet)/Yayasan Perceka, sakantenan halal bihalal/silaturahmi nyambut Boboran Siam 1425 H. Ku kituna, saparantosna badami itu ieu sareng sajabina, simkuring ti rengrengan nu kapeto janten panitia ieu acara, ngabewarakeun sarta ngulem ka sadaya wargi kanggo sumping dina acara dimaksad nu insyaAlloh seja lumangsung dina Dinten : Saptu, ping 27 Nopember 2004 Tempat : Taman Rekreasi Cimalati (Sukabumi) Waktos : tabuh 10.00 dugika rengse Sim abdi saparakanca tirengrengan panitya halal bi halal ageung anu dipiharep kana kasumpingan sadaya wargi dina waktosna. Jalaran keperyogian administrasi, sasayagian konsumsi sareng sajabina, kanggo para wargi anu rencana bade ngiring ngaluuhan eta acara, disuhunkeun karidoan manahna kanggo ngeusian formulir pendaftaran (conto formulir aya di handap). Sakitu anu kapihatur, wilujeng tepang di Cimalati. Bogor, 4 oktober 2004 Pupuhu Panitya Eko R. Nugraha ----------------------------------------- Catetan: * Panitya nyayagikeun 30 'panyangcang hate' oleh-oleh ti Korea kanggo anu sumping pangpayunna * Kanggo anu nganggo kaos Kusnet atanapi kaos anu nyumiratkeun kareueus kana kasundaan, haratis lebet ka Taman Rekreasi Cimalati) -------------------------------------------- Formulir Pendaftaran -------------------------------------------- WASTA : Eko Ruska Nugraha PADUMUKAN: Bogor JUMLAH*: Dewasa …2… (jalmi) Murangkalih .1. (jalmi) SARANA TRANSPORTASI**: (Umum) pribadi atanapi umum? TITIK BERANGKAT***: Bogor Mangga Formulir pendafataran di kintun ka email: [EMAIL PROTECTED] Pendaftaran dugikeun kaping 15 Oktober 2004 ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/