Sanajan kuring urang Sumedang, tapi ari soal dongeng Onom mah parantos ngadangu ti bubudak, dongengna pun Aki almarhum jeung para sepuh di lembur kuring nu sayuswa jeung pun aki atawa saluhureunana. Salah sahiji dongeng pun Aki nu masih keneh kaemut soal onom teh, dongeng waktos pun Aki disunatan.
Uyut kuring (ramana pun Aki), cenah mah baheula teh tukang ngumbara kamana-mana, ngalalana. Salah sahiji tempat nu sok dianjangan teh nya daerah Lakbok. Duka dina perkawis naon uyut teh sering ngumbara, ngan nu jelas mah anjeunna teh dipercaya ku urang lembur kuring boga sobat para Onom ti Lakbok!. Waktu pun Aki di sunatan (disabudeureun taun 1906-07), urang lembur kuring pada kaget kulantaran loba tamu anu make dudukuy rada aneh, beda model jeung dudukuy nu ilahar dipake di lembur kuring. Eta tamu teh teu kaciri datangna jeung teu kaciri inditna, ngan waktu pas hajatna "tamu" aneh teh jul-jol ararya. Ari kajadian aneh lainna, waktu delman nu ditumpakan ku pun Aki (budak sunat) teu bisa naek dina tanjakan ka imah da netek pisan, aya nu ngadorong ku jelema nu dibubuligir ukur dicawet wungkul nepi ka tepina ka luhur. Eta jelema teh teu puguh asalna, euweuh nu wawuh, ngan ceuk urang lembur eta teh onom, ondangan uyut kuring. Tah kitu dongeng Onom nganjang ka lembur kuring di Sumedang, duka leres henteuna mah ......... -WALUYA- --- In [EMAIL PROTECTED], akos kosasih <[EMAIL PROTECTED]> wrote: > Ieu mah mung sakaemutan kuring bae ti dongengan pun > aki baheula, dongeng na teh kieu teh Ina... > keur jaman baheula di Ciamis kidul wewengkon Lakbok > aya rawa anu dipercanten ku penduduk dinya jadi puseur > kerajaan siluman (onom). Anu matak muringkak bulu > punduk teh ieu kerajaan sok ngayakeun pesta anu sok ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
