Mun neangan jalma nu paling teu percaya dongeng ngeunaan jurig , kuring meureun kaasup salah sahiji diantarana, ti leuleutik oge kuring mah sok hayang seuri mun ngadenge dongeng jurig, onom , jsb...
Tapi mangsa kuring SMA baheula, kuring kungsi ngalaman hiji kajadian aheng...
Harita teh imah Bibi kosong da keur nyaraba ka Surabaya, salaku budak ngora, ku Bibi kuring ditalatahan sangkan nungguan imah kosong eta, keur batur ngobrol nya kuring ngajakan dulur kuring nu ngaranna Roby.
Peuting kurang leuwih jam sabelas kuring ngobrol duaan ditengah imah jeung si Robby, teu lila manehna nyarita hayang ka jamban ceunah, geus kabiasaan si eta mah mun rek 'nyetor' teh sok ngan mamake calana pondok, jadi calana panjang na mah disampaykeun dina korsi gigireun kuring. Sanggeus si Robby ka tukang kuring nuluykeun lalajo TV sorangan , teu lila kurunyung si Robby datang deui, cenah mah teu tulus nyetorna da tiris, atuh derr weh ngobrol deui . Kurang leuwih lima menit ti harita kuring teu ngahaja ngereret kana korsi palebah si Robby nyampaykeun calana panjangna tadi, da eta mah baraya...kuring ngagebeg sataker kebek kusabab eces pisan calana panjang si Robby mah aya keneh didinya, teu mikir lila deui kuring lumpat ka tukang muru kamer mandi, sihoreng si Robby mah aya keneh di jero kamer mandi keur tetembangan bari udud.
Tepi ka ayeuna kuring can ngarti , saha anu lima menit ngobrol jeung kuring di tengah imah Bibi peuting harita. Ngan nu jelas mah mun eta enyaan jurig, geuning ieu mah teu pikasieuneun siga na Film, nu aya meni modis make Jeans jeung Kaos Hammer.
Yahoo! Messenger - Communicate instantly..."Ping" your friends today! Download Messenger Now
Komunitas Urang Sunda --> http://www.Urang-Sunda.or.id
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
