Re: [Urang Sunda] Re: [kisunda] teu aya anu langgeng->jampe harupat --> ngeunaan basa sunda

[dudi]

Haturan Kang Hasan di KL Malaya..., Aduh hampunten Kang, kawitna mah sim kuring teh henteu gaduh maksad khusus ngawaler posting Kang Hasan, mung mairan ka jejer-jejer anu pengkuh kedah nyunda kupatokan syariat diantawisna basa, teu lepat mung teu kedah kaku.....,    Perkawis pataros Kang Hasan, manawi teu lepat anu ieu nya? "GARAPAN DIGITALISASI NASKAH SUNDA" gawe munggaran ngagarap transkripsi "roesdi & misnem" ampir rampung. ayeuna garapan kadua, kuring ngajak urang nyieun transkripsi tarjamah AL-QUR'AN ka basa sunda. cing kumaha respon baraya, urang padungdengkeun deui.   Komentar sim kuring: Saleresna sim kuring ge resep pisan kana sajarah, budaya, Antropologi jrrd. mung widang pa-kuli-an sim kuring teu aya pakuat pakait-na sareng nu kararitu ditambih gatek tea Kang. Disisi anu sanes, dapur mah tetep kedah ngebul..., manawi kapayunlah sim kuring ge tiasa nuturkeun tapak Kang Hasan nambihan digitalisasi naskah sunda, komo upami tiasa reset ngalempengkeun sajarah Sunda mah da masih seueur anu kahieuman ku tangkal sajarah anu daroyong.   Perkawis ngadamel transkrip tarjamah Al-qur'an, tah ieu mah kedah ngemut mangfa'at-na kanggo tableg atanapi naon? aya anu sarimbag sareng ieu yaeta karyana Abah Surya tea, eta ge pan basa sunda. Upami kanggo tableg mah pan tos seueur anu basa indonesia da pasti urang sunda mah tos tiasa basa indonesia, upami kanggo icalan oge raraosan kirang marketable. Tapi upami Kang Hasan aya minat tiasa bae da papada urang teh gaduh udagan pribadi, salian ti urang sasarengan gaduh udagan kumunitas/bersama.    Hapunten anu kasuhun, bilih aya kirang jelas sareng rada-rada kirang umum, mangga dijapri bae Kang. (raraosan mah aya pangajak ka sim kuring, mung kirang jelas)   Wassalam,  dudi_ss  ----- Original Message ----- From: mh To: kisunda@yahoogroups.com ; UrangSunda Sent: Tuesday, January 04, 2005 9:31 AM Subject: [Urang Sunda] Re: [kisunda] teu aya anu langgeng->jampe harupat --> ngeunaan basa sunda hehe haturan kang dudi. leres pisan teu aya nu langgeng. sakabeh basa oge da sabenerna mah teu leupas ti silih simbeuhan jeung basaa deungeun. matak kuring sok tanda tannya, upama aya nu hayang malikan jaman ka tukang teh. nyeta malikanana rek nepi ka jaman nu mana. kang dudi karek ngomentaran paragrap kahiji, anu sabenerna karek kasang tukang maksud kuring. ari nu jadi udagan mah paragrap nu pang ahirna. cing kumaha pamendak kang dudi. nyaeta urang ngeureuyeuh nyadiakeun bahan bacaan elektronis dina basa sunda. dinatos komentarna. salam, mh -- Komunitas Urang Sunda --> http://www.Urang-Sunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.