----- Original Message -----
Sent: Friday, January 14, 2005 9:56
AM
Subject: [Urang Sunda] 7 Mitos
Mandi
Wargi sunda saalam dunya,
aya kapercayaan atawa bisa disebutkeun mitos dimasarakat, ngeunaan anu
aya hubunganana jeung mandi. Dina sakitu lobana mitos eta urang guar
tujuh siki, nyaeta mitos saperti kieu :
1.Lamun awak keur kesangan
atawa tas olahraga ulah langsung mandi, cenah sok paru paru basah. Nu bener
ceuk ahlina lamun awak keur kesangan, pembuluh darah teh
ngagedean, kukituna lamun langsung diguyur kucai, bakal
ngabalukarkeun kagangguna kasehatan jantung. Jadi, leuwih alus sabada olahraga
utamana lari pagi, ulah langsung gebrus mandi, atuh matak naon nongkrong heula
itung itung reureuh, susuganan aya nini- nini ngaliwat make
bikini.
2. Tas dahar ulah langsung mandi,
cenah matak beuteung bucitreuk kawas nu cacingeun. Nu bener euweuh
hubungan antara mandi jeung bucitreukna beuteung. Jadi lamun beuteung
bucitreuk kawas nu cacingeun lain lantaran kabiasaan tas dahar langsung
mandi, tapi geus bisa dipastikeun alatan telat nginum
kombrantrin.
3. Ulah mandi dina wanci
peuting cenah sok rematik. Nu bener lain matak rematik tapi matak asup angin
jeung olok sabun deuih, lantaran mun beurangna geus mandi nek nanahaon
peutingna mandi deui.
4. Keur kajangkit cacar
cenah ulah mandi. Nu bener, lamun awak keur muriang galingging panas tiris
kakara ulah mandi komo mandina bari humarurung tur hahariringan
mah.
5. Mandi ku cai panas cenah
leuwih beresih tibatan ku cai tiis. Nu bener, mandi ku cai panas
ngabalukarkeun kulit kering, komo ku cai ngagolak mah matak
ngalepuh.
6. Mandi kembang tujuh rupa wanci
tengah peuting cenah sok tereh meunang jodo. Nu bener mandi tengah peuting mah
matak ngayekyek tiris. Lamun hayang geura meunang jodo, cobaan
geura mandi dikolam renang umum heug dina tonggong jeung dada make tulisan
kawas kieu : Uing jomblo keneh euy! mun bogoh ka uing sok udag! Pasti
langsung aya nu ngudag, bari jegug jegug ngagogog.
7. Lamun tara mandi cenah sok bau
embe. Tah eta mah enya BENER !
SR
