Waalaikum salam wr wb
Hatur sewu nuhun ka Kang Akos & wadya balad (Kang Agus Pakusarakan, Kang Ikmal, Kang Irpan & baraya nu teu kasebat) oge Kang Durahman nu tos upruk aprak milari Kang Mahpud nepi ka bisa ngalaksanakeun "amanat" kusnet. Mugi Gusti Allah nampi amal dulur sadaya jeung masihan ridha & barokahna. Amin.
salam
JP
akos kosasih <[EMAIL PROTECTED]> wrote:
akos kosasih <[EMAIL PROTECTED]> wrote:
Assalaamu'alaikum...
Kahatur baraya sadayana.
Minggu kamari sim kuring ngintun serat ka kang Mahpud
di Warakas, Tj. Priok anu eusi seratna teh
ngawanohkeun KUSNET sareng ngahaturkeun rasa
belasungkawa ti baraya KUSNET kana pupusna ceu Jasih
sareng putrana Galang & Galuh. Sim kuring oge nyerat
yen perwakilan KUSNET parantos nyobian ngajugjug
lemburna kang Mahpud anu di Cirebon oge anu di Lagoa,
Koja anu maksadna teh nyaeta hoyong ngadugikeun amanat
sumbangan ti baraya KUSNET ka kang Mahpud langsung.
Kumargi, ampir sadaya anggota KUSNET teh padamel anu
kacancang ku pakepukna padamelan sewang-sewangan, sim
kuring nyunkeun kakersaeunana kang Mahpud sindang ka
rorompok atanapi ka kantor kuring pikeun nyandak
sumbangan tea. Seug bae ku kuring di pasihan no. telp.
hape jeung no. telp. kantor.
Dinten minggu kamari, aya telepon ti rakana kang
Mahpud (namina teh kang Irawan) ka hape kuring,
ngabejaan yen serat teh parantos katampi ku kang
Mahpud-na langsung.
Anjeuna salaku kulawargina ngahaturkeun rewu nuhun
kana ucapan belasungkawa ti baraya KUSNET oge
nyanggeman dek nepangan kuring ka kantor poe
salasa-na. Ku kuring dipesenan, lamun tiasa mah kang
Mahpud diwartosan sina mawa potokopi KTP atanapi Kartu
Keluarga kanggo buktos tanggeng waler kuring ka baraya
KUSNET.
Dinten ieu, kirang langkung tabuh 11.25, kang Mahpud
direncangan ku rakana, kang Irawan, dongkap ka kantor
kuring. Anjeuna nyandak potokopi KTP sareng Kartu
Keluarga sakumaha tiasa di tingal dina file nangkod
dihandap sareng tanda tarima sumbangana anu ditawis
kuanjeuna.
Alhamdulillah.. eta amanat ti baraya KUSNET sadaya
parantos di dugikeun langsung ka kang Mahpud. Anjeuna
teu tiasa nyarios nanaon bakating ku bingahna anu
kacida yen masih keneh aya baraya pangna ti kisunda
anu nyaah ka anjeuna nepikeun ka masihan sumbangan
sagala rupi.
Tina cariosan anjeuna teh ceunah hutangna mimitina teh
8 juta ka rentenir anu ditambut ku almarhumah kanggo
nutupan resiko dapur jeung beaya kanggo ngubaran
budakna anu nuju teu damang. Sok sanajan anjeuna teu
terang sajarahna perkawis hutang anu 8 juta teh. Mung
salaku kapala rumah tangga, ku anjeuna parantos
dibayar 2,8 juta kenging sumbangan ti kantorna,
saparantos pupusna almarhumah isteri sareng putrana.
Dugikeun ka ayeuna teh masih keneh gaduh sambatan 5,2
juta deui. Alhamdulillah, hatur nuhun pisan saur
anjeuna ayeuna aya deui tambahan kanggo nutupan
hutangna.
Sim kuring kenging wiat saur ti kang Mahpud sareng
kang Irawan, aranjeuna ngahaturkeun mangrewu nuhun
kana du'a sareng bantosan sumbangan, mugi-mugi
sakasaean manah baraya sadayana diwales ku Alloh SWt
ku ganjaran anu langkung ageung. Amin...
Wassalam
baktos akos
*kang Mahpud ayeuna damel di PT Lemo Jl. Pemadam
Kebakaran No.1 Cakung Cilincing JAKUT janten buruh
operator mesin crane.
Raka-na, kang Irawan, damel di Kantor Bea Cukai I di
Pelabuhan Tj. Priok janten cleaning service.
*aya foto-na sim kuring sareng kang Mahpud & kang
Irawan anu nganggo kamera-na hape rencang kantor, mung
tacan kabujeng dialihkeun ka komputer. engke enjing
bade diposting foto-na.
__________________________________
Do you Yahoo!?
Take Yahoo! Mail with you! Get it on your mobile phone.
http://mobile.yahoo.com/maildemo
Komunitas Urang Sunda --> http://www.Urang-Sunda.or.id
> ATTACHMENT part 2 application/pdf name=mahpud.pdf
Do you Yahoo!?
Yahoo! Mail - now with 250MB free storage. Learn more.
Komunitas Urang Sunda --> http://www.Urang-Sunda.or.id
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
