Mun ngabahas sakadang nyandung geus pasti nyaritakeun tingkah polah lalaki. Biasana anu sok disebakeun teh geus teu bireuk deui lalaki sunda. Anu rumasa jadi lalaki urang sunda ulah ambek da geus loba bukti yen lalaki sunda ti karuhun mula, geus "kadedemes" kana nyandung.(teu kabeh ketah)
Jadi jawara Biasana mun jadi jawara atawa anu pangjagona tur pangluhung elmuna dilemburna, sok jadi jawara oge dina masalah pernyandungan. Sabab musababna dilantarankeun sieun tea mun teu daek dikawin, atawa ngarasa, genah, merenah, tumaninah, aman nyaman tur tentrem lamun aya dipangkuan sang jawara. Turunan nyandung Uyah mah tara tees kaluhur monas, teng manuk teng anak merak make kerepus, lamun bapana, akina, atawa jangawarengna kungsi atawa beuki nyandung, biasana salahsahiji anak atawa incuna sok aya nu NYEKCLEK. Kukituna mun milih pijodoeun sok aya istilah 3B ( Bibit,Bebet, Bobot) utamana dina masalah bibit, mun bisa mah dipapay tujuh turunan teu terkontaminasi virus nyandung. Da enya atuh ari turunan kuat. Tukang nyandung Nu jualan kurupuk sok disebut tukang kurupuk, anu beuki nyandung sok disebut tukang nyandung. Tukang kurupuk bisa oge jadi tukang nyandung, lamun tukang kurupuk eta boga pabrik kurupuk dimana mana alias pakayana pabalatak, tur geus boga pamajikan leuwih tidua jeung deui aya niat nek kawin deui. Tukang ngalawak ge sok kabejakeun boga pamajikan leuwih tidua alias nyandung ngan teu kabeh. Motivasina meureun boga rijki leuwih tea, atawa mun boga nu anyar sok sing torojol ide ide lawakanana komo neangan ide lawakanana bari dipencetan ku nu ngora. Nyandung award Kabejakeun salahsaurang pengusaha restoran kaasup kandidat poligami award. Unggal pamajikanana dibere restoran hiji sewang ditiap kota. Unggal poe teh nguriling kilir bari ngaroris pausahanana. Enya ide hade, ngan tetep we anu teu satuju kana nyandung mah ideu eta teh ideu minculak. Aya oge ideu nu model kieu, boga pamajikan opat, nu kahiji titah dagang cikopi nu kadua titah dagang roko, nu katilu muka warung sangu, nu kaopat muka londri jeung salon kacantikan. Salakina isuk keneh geus datang ka nu kahiji,leguk kana cikopi, terus kanu kadua serebeng kana jisamsu, rengse ti kadua luncat ka nu katilu, gedag sangu sapiring jeung pingping hayam . Sakoteap. Geus wareg datang kanu kaopat, menta dikurud janggot jeung salin pakean. Saterusna pamajikan nu kahiji nepi kanu katilu titah daratang kanu kaopat, titah dikrimbat, dibonding,pedikur, medikur, pleus lulur tur ngabalur tikukur, meh salawasna penampilan OKEY punya. Ideu bagus ceuk nu satuju nyandung, tapi ceuk nu teu satuju mah malah nyebut kieu : " Impossible !" Ditanya soal nyandung Macem macem jawaban lamun saurang lalaki ditanya soal nyandung. Aya nu wakca balaka yen manehna hayang pisan nyandung, ngan masalahna neangan hiji ge, hesena menta ampun komo boga pamajikan leuwih tidua. Aya nu hay-hay tapi er-er, waktu ditanya, teu hayang teu sing, bari jeung susumpahan sagala, tapi waktu diasongan poto wanoja anu demplon bari diumpamakeun siwanoja eta, maksa menta kawin bakating ku bogoh. Atawa hiji waktu papanggih jeung popotongan baheula, kaparengan popotongan eta lalagasan keneh tur asa leuwih demplon tibaheula. Mun ditanya soal nyandung jawabana jadi lain "lain euy ari nyandung teh meunang nya, ngan kudu adil nyah" pokna bari kekereceman kawas nu kapeureupeunan cileuh garing. Ieu mah bisi aya nu protes pedah teu kasebut, aya oge lalaki super satia, teu galider najan Birtney Spears ngagenjleh rido diwayuh, tapi tetep hanya ada satu kata : No Nyandung, No ong (SR) ----- Original Message ----- From: mj <[EMAIL PROTECTED]> To: <[email protected]> Sent: Wednesday, February 02, 2005 1:58 PM Subject: [Urang Sunda] ngilikan nyandung > ieu kutrat-kotret, pikeun rubrik "Ngacapruk" > > Ngilikan Soal Nyandung > > Istilah nyandung teh sarua jeung ngawayuh nu hartina boga pamajikan leuwih > ti saurang atawa leuwih ti hiji. Maksud leuwih ti hiji teh lain hiji > Adat jelema tea, naon bae oge nu anyar bakal ditarima salila teu > ngarugikeun, komo mun malah nguntungkeun atawa matak tugenah kana manah! > Tah palebah dieu eta alesan asup akal. Mun teu asup akal nya di dorong we > sina asup, mun keukeuh henteu bisa asup, nya asupkeun we atuh kana panto > oge da teu nanaon. > > Di pihak kolot wanoja nu dicandung, loba nu memang ngahaja anakna hayang > dicandung. Tapi ku saha heula. Nya ku para inohong, menak, ajengan atawa > kyai jeung jelema punjul sejenna. Ari alesanana mah nya, jaman harita tea > (boa ayeuna oge masih), saha nu embung boga minantu raja, bupati, ajengan > atawa jelema beunghar? Saha nu embung boga incu bapana raja, inohong bin > gegeden, kyai kahot atawa jelema beunghar? Nya kaci disebut jurus meuntas. > Susuganan kabawa hirup senang atawa kasimbeuhan kaningratan atawa banda > pakaya. Alesan ieu oge asana nu jadi jalan pikeun wanoja keresa diwayuh. > Dicandung ku raja, bupati, gegeden, ajengan/kyai, jelema beunghar, dina > itungan kahormatan model kitu jeung banda pakaya, nya nuhun pisan. Komo > mun make teori yen wanoja kalolobana nurut kumaha salaki, atawa keur jaman > wanoja teu kaluar imah milu kasab, dikawin sanajan dicandung kaitung > lumayan, saheunteuna aman pikeun urusan beuteung, pakean, perhiasana, > imah, jeung saterusna. ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital's 'Thanks & Giving.' http://us.click.yahoo.com/mGEjbB/5WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
