Ceuk ujaring carita pawayangan, hiji mangsa para pandawa kudu ngalakonan mileuweungan, kulantaran eleh judi ku dulurna urang kurawa. Kulantaran para sinatria pandawa kawentar getol gawe, maranehna ngabaladah muka lueung geledegan pikeun nyiruruk sajeroning ngalakonan buang nagara. Lila-lila eta leuweung teh akhirnya jadi nagara Amarta, nu kakoncara subur makmurna.
Moal diteruskeun dongeng wayangna mah, da sawareh poho deui, jeung deui maksudna ieu mah rek mairan serelek pangersa Ua Sasmita. Hehehe. Upama tea mah enya, basa Sunda keur muguran, sakumaha nu kasawang dina eta serata, kumaha upama urang ngayakeun gerakan "babad alas amer", ngabaladah nagara anyar. Upama di JAGAT NYATA, jiga kitu kayaanana, jigana meujeuhna upama urang Sunda ngabaladah JAGAT MAYA, pikeun media mulasara jeung ngariksa basa Sunda. Aya sababaraha hasil eksperimen nu ku kuring keur dibaladah babarengan jeung kanca mitra baraya sunda di nagri Kusnet jeung KiSunda, nyieun PABUKON MAYA nu make candrasangkala Studio579. Pikeun sawatara waktu aya opat entri nu dimonitor kalawan rutin: Pupuh17, Koropak, Rusdi Misnem, jeung Al-Quran. Hasil panitenan poe ieu, jumlah nu noong, jiga kieu: Al-Quran: 291 KOROPAK: 545 Pupuh 17: 125 Roesdi Misnem: 435 e-Pupuh: 725 Aya nu narik ati dina data di luhur, geuning di JAGAT MAYA, buku Sunda buhun "Rusdi jeung Misnem" sareng "Pupuh 17", masih keneh seueur nu mikaresep. Ku kituna upama di JAGAT NYATA, kulantaran kawatesan batas geografi, waktu biaya, jeung sajabana respon kana pabukon Sunda kurang nyugemakeun; geuning di JAGAT MAYA mah hasilna diluar dugaan. Upama ieu program "BABAD ALAS AMER" dilakonan kalayan daria, teu mustahil bakal ngahasilkeun "NAGARA AMARTA" anyar nu bisa maheutkeun urang Sunda saalam dunya. Kahareupa, ieu nagri anyar teh, bisa di jadikeun pikeun rupa-rupa kagiatan nu ngadukung kana ngamekarkeun deui basa jeung budaya Sunda. Wallahu 'alam. Salam, MH --- MSasmita <[EMAIL PROTECTED]> wrote: > Dumasar kana eta sigana keur nambah panarik rek > nyobaan nyadiakeun buku buku novel basa Indonesia nu > kawentar mangsa kiwari, sugan bari milihan buku basa > Indonesia maenya teu direret mah buku basa Sunda-na. > Aya gerentes dina hate boa boa enya basa Sunda teh > keur muguran. ===== Situs: http://free.angeltowns.com/studio579/ [Pupuh17, Wawacan, Roesdi Misnem, Al-Quran, Koropak] __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital's 'Thanks & Giving.' http://us.click.yahoo.com/mGEjbB/5WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
