Re: [Urang Sunda] Rumpaka lagu Internet

[Z.A. Muslim]

Ke, dupi ieu teh Mang Ganjar seniman kahot balad Pa Nano sareng Mang Atang tea ? Haturan atuh Mang. Nepangkeun abdi urang Cigereleng, kapungkur mah natanggi sareng Bu Dheniarsah. Kumaha tah seni kontemporer Prak-Pi-Ling-Kung nu medal di awal taun 80-an teh?   punten upami lepat. (zam)   ----- Original Message ----- From: Ganjar Kurnia To: urangsunda@yahoogroups.com ; kisunda Sent: Friday, April 08, 2005 6:16 PM Subject: [Urang Sunda] Rumpaka lagu Internet Para wargi,   Taun 2002 sim kuring diperedih ku Sdrk. Ubun Kubarsyah seniman sesepuh Dasentra, pikeun ngadamel rumpaka lagu dina raraga pagelaran "béntang" Sinden di Taman Budaya Jawa Barat (diantawisna anu magelaran téh juara pasanggiri sindén di Subang). Duka ku naon, sim kuring bet asa kaidéan ku "internet"; janten wéh éta lagu téh ngeunaan internet, sok sanajan dijudulan "Kulu-kulu Jagat Anyar". Rumpaka tos disanggi ku sdrk. Ubun, janten tos janten lagu -- malihan mah dipagelarkeun pisan dina éta acara. Neuleuman paguneman urang sunda di internet ayeuna, asa payus upami ku pribados éta rumpaka téh disanggakeun ogé ka masyarakat urang sunda di internet. Malihan upami mah disaluyuan sareng utami na mah dianggap pantes, situs Kusnet teh dibukana ku laguna anu ieu. Hatur nuhun.     KULU-KULU JAGAT ANYAR Ku: Ganjar Kurnia   Mukakeun lawang saketeng Dunya ébréh salegana Teu dikelir teu diwates Atrat netra saeusina   Dunya kawas ngaheureutan Kalangkang ti tungtung ditu sagilek aya di dieu Omong ukur ngaharewos ngeundeurkeun sajaladria   Ka angin nu ngahiliwir Panganteurkeun ieu sora Kulu-kulu enggeus kolu mo eleh ku Gatotgaca Ngalalana jomantara Rek nurutan Anterja Nyuksruk bumi ka tungtungna Dibekelan ku pakarang -- meunang nginjeum ti Arjuna Hate panceg istiqomah – nurutan pangersa Bima Bari tetep suka bungah – kapan sobat Astrajingga   Gan ..... Dunya  henteu ngaheureutan nu heureut mah horeng panemu urang legaan mangka legaan sok bisi kalindes jaman   Gan ...... dunya lain kotak wayang nu anjog ukur ka gebog legaan lengkah legaan urang ulah kurung batok   Gan ..... Jagat anyar nangtang urang Lawanan tuluy igelkeun   Cigadung, 3 Mei 2002     Découvrez le nouveau Yahoo! Mail : 250 Mo d'espace de stockage pour vos mails ! Créez votre Yahoo! Mail Komunitas Urang Sunda --> http://www.Urang-Sunda.or.id Komunitas Urang Sunda --> http://www.Urang-Sunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.