Kang kuring oge satuju kana informasi bebas. Kuring oge henteu ngamasalahkeun soal teori Vials cs, rek berteori aya naga ngamuk di jero beuteung bumi ge mangga teh teuing. Ngan nu jadi masalah, saperti nu ku kuring kantos disebut, lamun sagala teori ieu dipake alat keur neken pamarentah ku para politikus. Aya sababarha urang inohong bangsa urang (lain Pa Herman wae) nu sok ngutip teori ieu, bobot omongan para inohong/politikus ieu gede pisan, pangaruhna gede keur jalma nu awam. Cobi tingali artikel Pa Herman, apan jiga nyalahkeun pamarentah, naha henteu ningali kamungkinan lain dina soal bom Bali, sapertos ningali teorina Tuan Vials?, padahal anjeunna tantosna oge terang soal bom bali teh geus kaguar. Politikus sanes elmuwan, sanajan diterangkeun saeces-ecesna oge, acan tangtu narima, sabab tujuan manehna mah lain bener henteuna hiji teori, tapi tujuanana kana kakawasaan!
Perkawis istilah "tahayul Modern" jeung "Dukun modern" eta kecap ku kuring dibere tanda kutip, nu ngandung harti, lain dukun saujratna. Kabeneran profesi kuring tukang neangan barang atawa naon wae nu aya di jero taneuh make metode nu geus diangken ku dunya ilmiah. Tah dinu soal neangan barang/ cai dijero taneuh oge loba dukun biasa jeung "dukun ilmiah". Dukun biasa mah make parupuyan ari "dukun modern" mah aya teori fisikana jiga Romo Katholik ti salah sahiji gereja di Semarang. Manehna mah lamun neangan cai, make tongkat terus leumpang kukurilingan, engke lamun aya cai, eta tongkat karasa aya nu narik sabab cenah aliran cai dijero taneuh ngaluarkeun medan elektromagnet nepi ka karasa kana tongkat. Ieu metoda teu bisa diakngken sacara ilmiah, teu aya buktina cai ngalir ngaluarkeun elektromagnet, kaduana nu bisa ngarasakeun ngan Kangjeng Romo wungkul nu sejen mah teu bisa. Eta lain elmu pangaweruh sanajan nyabit-nyabit elmu fisika ge, eta mah kaasup mistik. Eh....jadi ngacapruk, tos we ah .....dugi kadieu we kang Yudi, hatur nuhun parantos kersa ngawaleran. Baktos, WALUYA > Wah nuju ngaheureuyan abdi panginten ieu mah Kang Resoma teh. > Upami dibandingkeun sareng nu kitu mah atuh sanes masalah > metodologi deui tapi masalah rasional vs irasional. Kalemahan > pangageungna si dukun teluh (siga metode irasional nu lian) > nyaeta henteu testable alias teu bisa diverifikasi, diuji tur > ditangtang ku data, fakta, teori, atanapi "dukun" sejen. > > Naha Vialls kitu? Ceuk kuring mah henteu. Sadaya omongan Vialls > bisa diuji jeung diverifikasi ku data/fakta lian. Contona, > diantawis alesan Vialls yakin yen aya micro nuclear teh nyaeta > ayana kawah (crater) di tempat bom. Nurutkeun manehna, TNT, C4 > atawa RDX teu mungkin nyieun kawah, komo deui nurutkeun polisi > yen bom teh bom dibeledugkeun dina mobil saluhureun taneuh! > Kadua, loba korban (ceuk manehna) nu leungit beak dagingna nu, > nurutkeun manehna, teu bisa ditimbulkeun ku panas nu diakibatkeun > ku bom biasa. > > Ceuk abdi sagala "baceo" ieu gampil pisan dilawan. Tinggal > sodorkeun fakta yen kawah teh muncul kusabab kieu kieu jst jst.. > Jelema nu paeh mayatna buleger kabeh, ieu statistikna, ieu > foto2na atawa (contona ieu mah). Benten pan sareng dukun nu > misalna ngaku meunang wangsit ti sinuhun Abah Buli van Toyoda! > Teu tiasa dilacak!! > > Perkawis keur naon Amrik nyerang Indo, seueur pisan kaayaan > pulitik harita nu tiasa diperhetangkeun pangaruhna jangka pendek > atanapi jangka panjang. Misalna, dunya mulai teu percaya Amrik > masalah "teroris" padahal Amrik geus nyerang Afghanistan. Atanapi > alesan Vialls yen Amrik perlu "ngajewer" publik Ostrali nu mulai > wani ngiritik Amrik! jrrd... > > Tapi sakali deui inti masalahna sanes nu dibahas di luhur tapi > perkawis informasi nu bebas tea! Langkung sae ngalilieur jalma ku > teori, sakantenan nyebarkeun kimia/fisika aplikasi tinimbang > langsung nyingkahkeun hiji teori. Mun teu acan2 tos > disingkahkeun, tiasa2 malah ngabalukarkeun "Leminghood Syndrome" > tea! > > Mugi katampi, punten bilih seueur lepatna. > Yudi ------------------------ Yahoo! Groups Sponsor --------------------~--> What would our lives be like without music, dance, and theater? Donate or volunteer in the arts today at Network for Good! http://us.click.yahoo.com/MCfFmA/SOnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
