Geus aya samingguna unggal kuring indit ka kantor, isuk-isuk sok manggihan nu rek milu gacong, ngabring bari marawa tolombong jeung nyiru. Enya da jajalaneun ka imah (di Margawangi) teh ngaliwatan heula pasawahan sok sanajan teu lega upluk aplak, tapi aya keneh sawah. Mun ningali kitu sok waraas, ras inget jaman baheula jaman keur budak, ngadon pahibut ngilu ka sawah, ngan ukur ribut ulin wungkul, nyieun empet-empetan tina jarami, ari ki lanceuk mah empet-empetan sok leukeun make janur ambih sorana tambah harus. Aya bedana gacong mangsa kiwari jeung gacong mangsa bihari, ari ayeuna mah ngan ukur make arit, ari jaman baheula mah kapan make etem. Duka teuing kunaon ayeuna mah etem tara dipake, duka pedah parena beke meureun, da baheula mah anu inget keneh pare teh asa jangkung, mun motongna make etem teh teu kudu dongko. Tadi peuting kuring ngawangkong jeung budak nu kakara kelas 2 SD, ceuk kuring teh " engke dinten minggu urang ningali nu gacong yu...!", budak teh rungah ringeuh kalah ka balik nanya "....Abah naon gacong teh...?"
MSasmita Gacong wancahan tina sasangga sapocong hartina sarua jeung derep atawa buburuh dibuat. MSasmita ======================================================================================== Akses Internet TELKOMNet-Instan beri Diskon s.d. 50 % khusus untuk wilayah Jawa Timur. Informasi selengkapnya di www.telkomnetinstan.com atau hub 0800-1-INSTAN (467826) ======================================================================================== ------------------------ Yahoo! Groups Sponsor --------------------~--> Dying to be thin? Anorexia. Narrated by Julianne Moore . http://us.click.yahoo.com/FLQ_sC/gsnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/