Kang Runa, duka naon atuh ari pancegna visi jeung
misi Kusnet teh, da ieu mah ngan sakadar milis tempat keur urang Sunda anu wanoh
kana internet/email keur tempatna nulis ku basa Sunda da lamun ujug ujug nulis
ku basa Sunda di tempat sejen mah kuriak di "hoperdom" keh ku anu ngageugeuhna,
nya didieu tempatna nulis ku basa Sunda perkara anu ditulisna mah naon bae tapi
tetep kudu nyepeng netiket ( ari ditanya model kieu teh asa di hongkeun, samodel
lamun urang rek jajaluk ngajukeun proposal menta biaya ka instansi
pamarentah/birokrasi, kudu we ditanya visi, misi, program jste...), nu puguh mah
sasieureun sabeunyeureun mugi aya mangfaatna keur urang Sunda dina ngamumule
basa budaya Sunda. Mindeng kapireng anggota Kusnet teh lir anu kokoro manggih
mulud dina nulis ku basa Sunda, lantaran anu geus mangtaun taun tara nulis tara
maca basa Sunda ari didieu bisa nulis ku basa Sunda, kalan kalan siga anu bedah
sagala ditepikeun sok sanajan tulisan basa Sundana ngan sauted, parandene kitu
keun bae da tiawalna geus diniatan ieu Kusnet teh ayana pikeun ngamuarakeun
sagala tulisan ti anggotana asal dina basa Sunda.
Programna nu geus jinek ...? anggota Kusnet teh
loba kahayangna, ieu kahayang teh maol ngajanggelek jadi kanyataan lamun ngan
sakadar tulisan wungkul nya dina taun 2002 kukasapukan anggota Kusnet harita
pikeun ngawadahan eta kahayang jeung wadah legalna di darat nya nyieun hiji
yayasan anu disebut Yayasan Perceka (Akte Notaris No.46 Tgl 25 Pebruari 2002 ti
Notaris Dr Wiratni Ahmadi di Bandung, tug nepi ka ayeuna diluluguan ku MJ), loba
udaganana mah tapi intina hayang ngamumule Sunda, anu geus digarap nyaeta nyieun
pabukon (perpustakaan) di pilemburan nu geus dibuka aya kana 15na mah
di Cianjur, di Garut, di Sukabumi di Cirebon jste nu anyar dibuka (bulan
Mei 2005) di Desa Sukamahi Sukapancar Ciawi Tasik, waragadna meunang
sumbangan sukarela ti anggota Kusnet diwadahan diatur ku YP, eta pabukon
teh lain malulu buku buku basa Sunda tapi buku sejena (basa Indonesia, Inggris
ge kaci) ngan sabisa bisa aya buku basa Sunda-na. Pangna diheulakeun
pabukon lantaran dipasisian mah neangna buku bacaan teh kawilang hese beda deui
jeung dikota (kitu nu boga duit), jeung apan buku teh ceuk babasan mah
pantona elmu, disagigireun eta nya mere bea siswa ka barudak SD sarua anu
dipilemburan deuih.
Atuh kagiatan sejena ku kasadaran sewang sewangan
anu diluluguan ku Kang MH ngadigitalkeun Tarjamah Al-Quran kana basa Sunda,
digitalisasi buku Pusaka Sunda, digitalisasi buku Rusdi Jeung Misnem, Kang
Sonirosa ngeureuyeuh ngadamel games ku basa Sunda, Kang Dian ngadamel
komputerisasi aksara Sunda.
Kitu deui upami Kang Runa ngawasa kaparigelan naon
bae mangga prak didamel kanggo ngamumule Sunda, upamina ngawasa IT mangga
ngadamel istilah istilah IT ku basa Sunda teras dibukukeun tos janten kintunkeun
ka penerbit tiasa bae ka Kiblat, Geger Sunten, Pustaka Jaya atanapi anu sanesna
tangtos diterbitkeun (tah ieu nu dimaksad "turun gunung" ku Kang Tirta/ Jalak
Pakuan teh), atanapi kintunkeun ka Pusat Studi Sunda anu ayeuna mayeng
nerbitkeun seri buku Sundalana (nembe terbit dugi ka 4)
Kagiatan sejena kungsi nerbitkeun buku nyaeta SBJS
jeung SSSS nu eusina tulisan tulisan tina ieu milis.
Anu teu acan kalaksanakeun nyaeta mere panghargaan
ka penulis ngora (tingkat SD/SMP) anu nulis ku basa Sunda, padahal ngaranna geus
sapuk nyaeta Sirung Katresna halanganana waragad anu can tangtu mayeng (bilih
bade nyumbang kalawan mayeng mah mangga tah aya lolongkrang).
Hambatan/ kendala sanesna nyaeta bangsa Sunda
seueur teuing Kongres jadi weh kongres (ngawangkong teu beres beres), seueur
teuing sawala, diskusi, ari prakna kirang, NATO tea geuning lah, tapi ketah teu
sadayana kitu da janten anggota milis Kusnet mah kumargi aya "getih goib"
tea (istilah ti Kang Ganjar Kurnia), kasadaran sewang sewangan, ceuk togmolna
mah teu aya nu mayar...!!
Cag ah....muga muga we tiasa ngajawab kana
patarosan Kang Runa, upami masih panasaran keneh mah mangga we nelepon ka sim
kuring 022-7511914 atanapi 0817228521.
MSasmita
kuncen # 2, aya keneh jabatan anu rada gaya nyaeta
Ketua Pembina YP bari jeung ditulis tonggong, bari jeung geus lila teu
nyumbang ka YP
----- Original Message -----
Komunitas Urang Sunda --> http://www.Urang-Sunda.or.id Yahoo! Groups Links
|
- Re: [Urang Sunda] "Tumaros Perkawis Lingkup Kegiatan Kusnet... MSasmita