Abdi oge atos ngaos. Ngiring reueus ka Ua Sas hususuna, umumna mah ka sadaya nu "ngageugeuh" Kusnet.
Rada reuwas abdi teh, basa ngadangu wartos aya Ua di Media Endonesia. Margi basa wengina teh, nembe oge abdi badami sareng Dadan oge Hijar di Cupumanik. Kieu babadamian teh: Abdi diangkir nyerat artikel dina buku panduan Pameran Buku Bandung 2005 (baris lumangsung 2-8 Agustus 2005). Ari honorna bade ditukeuran ku "iklan" Swara Cangkurileung sareng Cupumanik (dimuatkeun dina buku panduan). Sabada diskusi, antukna aya kacindekan yen abdi bade nyerat "Ua Sas Sahabat Buku" (Patali sareng jejer PBB '05, "Berkawan Buku, Berbilang Ilmu). Enjingna, nembe oge bade prak nyerat, ana kirining teh aya SMS. Demi eusina ngawartosan abdi yen Ua Sas aya dina "Media Indonesia". Hemeng pisan tah sakedapan mah, dugi ka panyawat rewog barang tuang kanceuh deui. Ayeuna nembe bade dikeureuyeuh. Pidua'na we ti sadayana, mugia tiasa rengse enjing, supados kasanggakeun dinten Senen (Manawi teu acan leuir, margi jangji abdi mah dinten Saptu) Wilujeng, Ua. Baktosna Pun Dhipa --- In urangsunda@yahoogroups.com, "MSasmita" <[EMAIL PROTECTED]> wrote: > Hatur nuhun Kang Eko, sasieureun sabeunyeureun mugi aya mangfaatna, da mung > sakitu anu katata kaduga. > Alhamdulillah dijudulanana cocog jeung hate. --< diteukteuk >-- Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
