Baraya,
Nyanghareupan bulan Juli 2005 ieu si kuring baris kacida pakepukna ku nyieun makalah. Asal muasalna mah tina tugas ti kantor kudu nulis (abstrak) makalah jeung pirajeunan ngalungkeun abstrak makalah ti yayasan pikeun panglawungan ngeunaan ngokolakeun cai tingkat regional (The 2nd Southeasth Asia Water Forum, August 29th - September 3 rd, 2005, di Nusa Dua, Bali, Indonesia). Lakadalah, geuningan abstrak makalah teh duanana katarima jeung si kuring dipenta sangkan ngarampungkeun makalah lengkepna pikeun diresentasikeun dina eta panglawungan.
Judul makalah anu kahiji, anu mawa kantor salaku instansina, nyaeta "Groundwater Information Management System in Indonesia; A proposal for – Advancing National Groundwater Agenda", sedengkeun judul makalah anu kadua, anu mawa Yayasan Sawala Bumi (anu karek lahir pisan, can bisa ngorondang-ngorondang acan ieu yayasan teh) nyaeta: "
Kontribusi Nilai Lokal Budaya Tatar Sunda dalam Pengelolaan Sumber Air; Studi Kasus: Revitalisasi Kabuyutan untuk Perlindungan Mata Air dan daerah Resapan Air DAS Citarum Hulu, West Java, Indonesia". Makalah anu kahiji, sakumaha pituduh dina surat panarimaan makalah ti panitia, rencana rek dipresentasikeun dina sessi "leading national water and water governance", kalawan tema "advancing national water agenda. Sedengkeun makalah kadua, ditalatahan ku panitia kudu dipresentasikeun dina sessi "empowering civil society for water service freform" kalawan tema: "managing water resources in growing cities".
Tah, tumali jeung makalah anu kadua (da ari anu kahiji mah geus jelas ieu itu ieuna aya di dokumentasi kantor, kari ngeureuyeuh bae), aya sababaraha hal anu sim kuring minangsaraya bantuan bahan ka sadayana, manawi aya anu sayagi kontribusi. Anu dteangan pikeun bahan makalah anu kadua teh informasi (bahan tulisan) ngeunaan bagean tina ieu makalah, nyaeta (manawi aya anu gaduh atawa nyimpen arsipna atawa terang alamat sumberna), diantarana:
- data atawa informasi sajarah/statistik/geografi jst ngeunaan kaitan antara hirupna hiji kota jeung walungan atawa fungsi walungan pikeun pakotaan di Tatar Sunda;
- data atawa informasi sosial budaya ngeunaan patula-patalina walungan jeung kahirupan urang Sunda;
- jeung informasi naon bae anu aya patula-patalina jeung jejer makalah kadua (kaasup pangaping kumaha ieu makalah saena diserat).
Anapon udagan makalah kadua teh taya lian seja ngebrehkeun pancen (peran) budaya Sunda dina miara walungan jeung sumber cai, khususna nuturkeun sawangan sosial-budaya.
Pikeun anu maparinanan kontribusi bahan dimaksud, geus tangtu si kuring kudu jeung arek ngantetkeun namina dina makalah (Ucapan terimakasih). Hatur nuhun sateuacanna.
baktos.
manAR
Komunitas Urang Sunda --> http://www.Urang-Sunda.or.id
| Culture | Corporate culture | Hawaiian culture |
| Hispanic culture | Jewish culture | Organizational culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
