Assalamu alaikum wa rohmatullohi wabarokatuh Hapunten kahatur ka saderek sadayana, sim kuring seja icikibung dina ieu kempelan. Ku kituna, nepangkeun sim kuring wasta pun Iman Firmansyah Anggayudha, ari galibna baraya mah nyaur abdi cekap ku Iman wae... Ari sarjana na mah sumuhun, namung perkawis pacabakan mah kaleresan, nya kitu tea, teuacan aya anu tetep, alias naon wae nu baseuh ku sim kuring dicabak... kahartos panginten ku para saderek oge. Rorompok sim kuring teuacan gaduh, masih keneh ngiring ngiuhan di saungna pun sepuh di Jl. Caringin No. 79/192C RT 07/13 Bandung 40222. Telepon 022-6078654. Saderek tiasa oge ngebel kana HP 085220534934. Anapon yuswa, sim kuring teh gening tos 29 taun, kalebet kana jajaran nonoman anu sakedahna mah tos teu atah deui. Tapi da kumaha, dugi ka danget ayeuna oge raraosan teh asa budak wae... Ngenaan status, Alhamdu lillah sim kuring parantos nikah sataun anu kapengker, mung ari bati mah kaleresan teuacan dipasihan. Panginten kedah rada getol dina ngaikhtiaranana. Sapagodos sareng Kang Dadang Rukanta, asa mobok manggih gorowong barang terang aya situs urang-sunda anu saleresna mah diantos pisan ayana ku sim kuring. Sumuhun pisan saderek, urang teh ari ngangken mah urang Sunda, tapi ari babasaan pacampur kaditu kadieu, komo teh teuing kana seni, budaya tur sajarah tatar-indung, deuh.. pimanaeun kana tiasa ngajembarkeun, dalah nu uninga oge mung tiasa kaetang ku ramo. Tah ku ayana ieu situs, mugia wae sing janten hiji dayaning upaya kana miara tur nanjeurkeun basa, budaya tur duduluran urang. Da ieu mah teu kalebet kana primordialisme, mangga Saderek emutan pidawuh para inohong bangsa yen ari jembarna budaya daerah teh justeru tiasa ngajembarkeun budaya nasional, sanes kitu!? Cekpa heula sakitu rupina ti sim kuring. Upami aya basa nu kirang merenah, rumaos sim kuring rada doraka ka karuhun nu kacida ngaraksa kana basa, atuh mangga ku para saderek pangdangdosankeun. Ku sim kuring diantos pisan koropakna. Mangga ka sadayana. Cag.
Wassalamu 'alaikum. IMAN FIRMANSYAH Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
