Hatur nuhun Bah Willy, hatur nuhun ka baraya sadayana....!! Kitu deui nganuhunkeun ka MJ, da MJ teh salian dosen di Itenas oge osok ngajar basa Sunda ka waratawan Kompas anu di Bandung. Sugan teh barudak (nyebut barudak soteh da enyaan ngarora pisan, hiji awewe urang Solo, hiji deui mah lalaki urang Bandung) ngulampreng ka imah sim kuring nu rek nginjeum buku pedah keur diajar basa Sunda meunang tugas ti MJ, kitu we tatanya aya buku naon jste, nya diladenan we, masing enya ngenalkeun dirina ti Kompas da rarasaan mah asa ka barudak nu sok nginjeum buku we lain ka wartawan. Keur sim kuring mah bet jadi hareugeueun, henteu ari nyebutkeun jadi katempuhan buntut maung mah. Si Kuring ditempatkeun dina rubrik Sosok, kuring ngaragap diri, pira ge ngajejer-jejerkeun buku basa Sunda, cetek ceuk pamikir sim kuring mah, enya kuring muka panto sing saha bae anu bade maca mangga.....da lebar atuh mun sakadar dibaca ku kulawarga wungkul, apan buku mah bacaeun sarerea. Kungsi aya nu nanya majarkeun jalma pang bodona lamun nginjeumkeun buku jeung jalma leuwih bodo deui lamun nginjeum buku dipulangkeun, ceuk pangrasa kuring ieu kacapangan teh jolna lain ti Bangsa Sunda tapi ti deungeun anu beda kasang tukang budayana da di Sunda mah tong boro buku apan beas (baca bahan poko) ge sok nginjeum (ngeclok istilahna mah). Naha pedah boga tangtungan kitu nepi ka "pantes" ditulis dina rubrik Sosok..?, teu ngabibisani ketah aya rasa reueus, copelna bisa mapanas pun anak," ...Tah tingali Abah kana koran deui....engke jaga Rachmah ge kedah langkung ti Abah.!!.." Sigana kaayeunakeun aya trend sejen mun urang rada nengetan tulisan dina koran, beuki kadieu leuwih loba anu nulis nu sifatna humaniora, meureun sual pulitik jeung eksploitasi sejena mah geus baroseneun digeder ti taun 1998, aya alusna lamun enya tea mah kitu sabab bisa jadi rawayan pikeun nitenan ajen-inajen "persamaanana" tibatan "perbedaanana" boh antar etnis boh jeung sasama anu balukarna bakal leuwih silih ajenan.
Bah Willy leres, Kamus eta teh karyana Jonathan Rigg terbit taun 1862 sanes 1912 sigana pagentos nyerat sareng buku Priangan karyana De Hans MSasmita ----- Original Message ----- From: "Waluya" <[EMAIL PROTECTED]> To: <urangsunda@yahoogroups.com> Sent: Monday, July 11, 2005 9:11 AM Subject: Re: [Urang Sunda] Wilujeng, Ka Ua Sas di Kompas > Isuk-isuk meunang SMS ti MJ Ua Sas aya dina Kompas cenah. > Kabenran kuring ngalanggan Kompas, biasana mah maca koran teh > kaca hareupna heula, ieu mah langsung we dibalikkeun ka kaca > rubruk "sosok". Enya we aya artikelna jeung foto Ua Sas. WIlujeng > ka Ua Sas. Ngan artikel eta kedah dikoreksi kamus Soenda-Inggris > kagungan ua Sas sanes terbitan taun 1912, tapi taun 1862 (abad ka > 19) jadi heubeul pisan (buhun). > > Koreksi kanggo Ua Siddik : Ua Sas, MJ, Kang Oman sareng Kang > Benny (sundanet.com) sanes di TVRI Bandung tapi di TV Bandung, > stasiun swasta, da TVRI Bandung mah duka aya keneh duka parantos > teu aya ....hehehehe ( sssstttt....lamun teu salah mah Pj Kepala > TVRI Bandung teh urang Sumedang, malah batur salembur kuring > pisan, Imas Sunarya, masih kaitung baraya jeung babaturan ti SD > tepi ka SMA di Sumedang). > > Baktos, > WALUYA > Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/